[الاثـر] بـهـرة الـشـيـذبـان

فـي وسـط دمَـار

1.ديسمبر
السـاعه 9:00..

. صوت ياس خضر يملي المكان..
الجو باارد والهدوء ماخذ مكانه
الضلام الي يحاوطني بكل وقت
من كثر الضلام الي محاوطني.
حتى داخلي صار اسود وصرت بارد لأبعد الحدود .
بس ضوه الكمر عاكس ع الغرفه

ويا صوته هاج بيه كل وجع.
خصوصاً من يكول؟!

.
ناوي كليبك جهر كليبي نااوي!؟
ع الفركه والهجران مدري شغاااوي
انجان ماتدري بكليبي هاوي..
أخذت العكل والروح ردهن ليه..

سحبت نفس من الجكاره الجانت بأيدي
وكعدت أذب برماد الجكاره..
حسيت روحي نفس هل رماد احتركت لأحد ماصارت رماد....؟!

.. عليت التلفون وسحبت جكارة ثانيه.
ورجعت نفسي ع الكرسي..

.. ويا اول شهكه جكارة..
اخذتني ذاكرتي
لأحلى إيام حياتي إلي انكضت وراحت..!

نفس الوقت ونفس الشهر بس اختلاف السنة..

2006/1/1...

عكس الضلام الي يحاوطني
جان النور بكل مكان

.. بضحكتنه وسوالفنه
االجو دافي رغم البروده..

الصوبه وقوري الجاي
وامي جانت تخلي قوري ثاني حتى احنى نشرب حليب؟!

.. ابوي وضحكته
تفاصيل مااتنشري ولا تنباع لا تعود!

لسه اذكر لزمت ايده ع ظهري وهوا يكول؟!