[الاثـر] بـهـرة الـشـيـذبـان

بارتـ31...

‏حَنّيت ..
بَس مو الَك
‏لأيام عُمرِي الخَلصَّن
‏بِـ شِباچ گلّبَك عِلگ
‏لأيام ما چان النِّفَس
‏يتمَرجَح بِـ رِيتي ويطُب
‏مو هَسه أظلَن مِحترگ
‏مِن چانن عيوني صِدگ
‏بيهن بياض مِن الوَرد
‏ردهن إلي بَس لا ترِّد !⁩
_______________________________

شدن...

اجا وكف كبالي وصار كدام ابوي.
وامي واكفه

ومصدومة واني اباوع عليها
وادموعي عشرة عشرة

حجه ازهر..

_يأبه شكو تضربها مدا تشوفها شلون خايفة
ميصير عمي ميصير وبعدين بنتك
مرتي باعتبار واني ما اسمح لأحد يمد ايدة عليها

باوعت ع امي
وكعت ركضت عليها!..

وخليتها بحضني
وبس أريدها تكعد صرت اضرب ع خدها

واصيح بصوت عالي!
أجا ابوي دفعني عنها..

وكال.
_إذا صار بيها شي بسببج ذبحج يصير ع أيدي فاهمه

وخلاني وشالها وركض

واني ضليت اصييح عليها
أجا ازهر لزمني من جتفي..

دفعته وركضت وراهم
لكيتهم رايحين صرت اصيح

بلشارع
_يمممممه لاتعوفيني يمممه

ركضت وره سيارتهم حافية
والناس ع صوتي طلعت تتفرج.

اركض بلا تعب.!
لحد ما ايدة حاوطت خصري ووكفني

وكال
_خبببببله انتي خبله
امشي كدامي يله

صحت بي
_اسكتتت انته آخر وأحد تحجي
ع الخبال وخر من يمي

جرني من أيدي واني احاول أفلت منه
ماكو وصلنه يم بابنه

كل العالم طالعه تتفرج
كلش ستحيت وصعدت للسيارة
وهوا هم ورحنه وراهم
نمشي حتى نندل المستشفى

طول الطريق ابجي وااصيح بصوت عالي
وهوا يحاول يهدي بيه

وصلوا وطبك لسيارة
ونزلت حافيه ورجلي..
مااحس بيها

نزلت وراهم شالها وطب واني وراهم

اخذوها من ايدة وراحوا
ردت ااروح وراها

بس ابوي جرني ووكفني

وكال
_ماريد اشوف وجهج
امج إذا صار بيها شي
ادفنج

_بابا  اسمعني
ولا تحجي وياي بهل طريقه
اذبحني ولا تتخله عني
اني بنتك الوحيدة
بابا ماعندي غيرك

_جان عندي بنية وهسه ماتت
خلي ياخذج ويروح ماريد اشوف وجهج

_مااروح والرب وهاي كاعده هنا
شتريد تسوي سوي

حسيته يريد يهجم عليه بأي لحظة
ويكتلني بس يتراجع

ماجنت حاسه بنفسي
باوعت ع رجلي كلها دم
ووصخ!