[الاثـر] بـهـرة الـشـيـذبـان

ثــَلاثـة واربـعـَون🍂

طَعنَة أصحابِي وهَلي وكُل الخَناجِر مِن
يحُطن فُوگ ظَهرِي ولا طَعِنتَك ..

(حال عبير)

________________________________

ردت احجي

جرني من أيدي

واني اصييح واتوسل بي

_عمر دقيقه وحدة والله وبعد ماريد شي
عمر دخيلك عمرررر
لتسوي هيج بينه عمر

اسمع

والله اني ماسويت شي وهل صور كلها مبفركة
وما الها اي صحة
واني ما معقوله اخونك
عبير ما تخون عمر!!

جان يمشي بسرعه

نزلنه ووكف كدامهم وحجه

_مااريد اشوفها وذا شفتها
دمها يصير بركبتكم
اثنينكم لأن بس اشوفها مره ثانيه
اكتلها

وشمر الصور عليه وكال

_هذا عارج
وصوجي اني ماسمعت كلام امي من الاول
وشمرني جوا رجليهم بسرعه

وكعت

كبل كام ازهر كومني
ووكف وصاااح

_شبيك اسودنت ما تسمع
يله تحكم
لو انته تنتظر الزله!

رد عليه رعد

_البنيه فقدت ابنكم وحالتها تصعب ع الكافر
واحنى رحمنه بيها انته رجلها وحب عمرك
هيج تسوي بيها والله وسفه ع الزلم

ازهر-امشي خويه امشي تعاي يمي معززة مكرمة
والله لخليج ملكة امشي..

صاح عمر

_راح يحلالج الجو عمر موجود وحايرة شمسويه
نوب عمر ماكو خوووووش

رعد _اسكت لا اجي ااشكك حلكك
يول مرررتك

همه يحجون واني اباوع عليه
مو عمر الي اعرفه
ابد مو عمر وبهل لحظة أدركت انه
خلص. لازم اني اخطي خطوة
اكدر اعرف بيها عمر بعده عمر لو راح ويا الصور
وافكارة
باوعت عليه بنظرة شفقة!
أدركت الأمر

ولميت شتاتي وكسرة ظهري
ودموعي وألمي.

وكتله

_هل وجهة بعد تنسى وتنسى وجود عبير
بحياتك بعدنا بأول غلطه يعمر ووكفت ضدي
مو وياي

راح اروح واترك الك قبح ضنك
والأفكار إلي براسك
وانته راح تفكر زين وراح اشوف منو على الحق
ومنو ع الباطل
بس بذاك الوكت مراح تلكاني حتى
تجي وتعتذر

اشكرك يلسمينك سندي!

وعفته راسي
ويا دموعي
ومشيت!

جنت اضن راح يصيح
راح يكول تعاي

راح يعصب يتأثر بس للأسف
مجان إله اي رد فعل
وخيب ضني!

وكبل طلعت
مانتظرت احد