[الاثـر] بـهـرة الـشـيـذبـان

بـارتـ 15____

صافنين ...
وما لكَينا لصوبكم دوسة كَناطر .
دايخين آمن النشد ...
وآكَبال عين الناس مكسورين خاطر .
صابرين ،
وما مش ولا خيط غبشه يجيبكم ...
لا جنح طاير .
وين صرتوا ؟
الدنيا وحشه بدونكم ، والشوك فاير .
وين صرتوا ؟

عبد الكريم الگصاب
_____________________________________

.. من صياح ودفر وهلع..
دفرت لباب وطبيت

وكعت من طولها ركضت عليها
شلتها وطلعتها للصالة.

عمر_دعاء بسرعة ميييي بسرررعة

ركضت وبقت بس امي تباوع

اجتي دعاء وبيدها طاست مي.
بدون وعي كلها ذبيتها ع وجهه.
فزت غاصه..

حجت بصوت مخنوك
_فأر فار جوااا وصعد عليه.

وبجت ضحكت عليها وكومتها
من ركزت عليه.

دفعتني وراحت ع دعاء.
اخذتها وطبن للغرفة.!

باوعت على امي
مانتظرت احجي هيا بدت تغرد

_العمر كل الي دااتسوي غلط.
كافي عوفها سترت عليها.
وانتهى الموضوع..
بس رادوا يخلوها براسك.
والدليل انه محد سئل عليها
اتقي الله وعوفها

رديت عليها

_لأن متقي الله ما راح اعوفها
وهسه نزلي ع خطارج شوفي شمحتاجين

عافتني ومشت
واني رجعت للغرفة
ردت اطب وجانت مفتوحه لباب
مال غرفة رعد

باوعت عليها تبجي
وذكرت شلون ضربتها وشلون ذليتها.
و دموعها الجانت أكبر دليل ع برائتها
لمت نفسي ع الشي السويته بس مابيدي شي

طبيت للغرفة شفت الهوسه
ماتحملت عزلتها لأن متعود وحدي...

وشلت الدشداشه الي شكيتها.
وخليتها بين الملابس..
وطلعت
الي ملابس لأن راح اطلع..

بدلت وتعطرت وطلعت.
من يمها

باوعت عليها بعدم اهتمام.
وصدت رأسها..

وكفت يم الدرج يم الدرج وصحت دعاء.

اجتي فاتحه لحلك.
وتمشي برهدنه..

حجت كالمعتاد.
_شهل خلقه صدقه لعمرك فدوا وفدواي
ولك شهل عطر يوووومه جنك بقلاوة

ضحكت ع سوالفها
_هم لو ازوج وتحبني مراح تمدحني هل مدح كله

ضربتني ع جتفي وحجت
_عندك مره شايله جسم هيفاء وهبي
وشكل يخبل وشعر وطول وسبحان الخالق
بس چن بووويه حن ع كولت ياس خضر
وهيا تصفه

عمر-لمهم دعاء لا تحجين هواي
اني طالع ويمكن اتأخر
عينج عليها ولتخلين امي
اطووخ وياها كافي عليها اني
وراح ادز معتصم ابن الجيران يجيب الكم حلويات
وهل سوالف حتى تسهرن عليها