روايه #حياه#بقلمى امل عاطف

البارت الواحد والعشرين من روايه حياه

البارت الواحد والعشرين من روايه حــــــــــــــــــياه
الجزء الثانى /حب ام انتقام
بقلمى/امل عاطف
Nasem El Roh
💖💖💖💖💖💖

اما كريم اللى معرفش يروح فين فكر كتير انه يكلم جاسر ولكنه اتراجع لما افتكر ان والد جاسر تعبان واكيد جاسر مشغول معاه
كريم مخنوق هو كمان ومش مصدق ان ادم يمد ايده عليه ولا انه يفرط فى حقك اخوه ولاانه يشكك فيه وفى قدراته كـ دكتور
سايق عربيته وشارد وبيفكر فى كل اللى حصل الف سؤال وسؤال بيدوروا فى ذهنه ومره واحده شاف ضوء عربيه قدامه متصلته عليه مش شايف الطريق قدامه من كتر الضوء اللى تقريبا عما عيونه وخبط فى شئ مش عارف ايه هو وبعدها غاب عن الوعى تماما

عند كارمن اللى تقريبا سمعت كل الحوار اللى دار بين ادم وكريم ومش مستوعبه كل اللى حصل

داده كريمه...مالك يابنتى بتفكرى فى ايه

كارمن بأحراج....انا لا مفيش حاجه عادى

كريمه....لا مش عادى شكلك باين عليه على فكره
ادم ده مفيش اطيب من قلبه حنين وجدع وراجل يعتمد عليه فعلا

كارمن...انا فعلا حسيت ده بس اللى شوفته دلوقتى مش عارفه احدد هو ليه بيعامل اخوه بالقسوه دى.. ضربه لااخوه أنا شوفته بنفسى لما كان قلقان عليه ده مش شكل واحد قاسى ابدا

كريمه...هو ده ادم قلبه طيب وحنين وجدع وصاحب صاحبه وبيخاف على كريم حتى من نفسه بس لما بيتعصب مبيشفش قدامه..
اللى ميعرفش ادم بيشوف راجل اعمال قاسى ومعندهوش رحمه ومش بيهز فى شغله ولابيسمح باى تجاوزات وده فعلا اللى ادم بيحاول يظهره للناس لكن هو من جواه ادم الطيب الجدع الحنين...بيخاف يظهر الطيبه دى للناس تفكرها ضعف وفى مجاله ده الضعيف بينداس تحت الرجلين...القوى بس هو اللى بيفضل

كارمن...كلامك صحيح وانا بوفقك الراى فيه بس مش مع اخوه

كريمه...اوى تكونى مفكره ان ادم بيعامل كريم بالقسوه دى اللى حصل النهارده ده اول مره يحصل انتى مشوفتيش ادم حالته كانت ايه لما كريم مشى ده سند على اقرب كرسى وفضل باصص للارض ومش مستوعب اللى عمله... ادم مش بس اخ لكريم لا ده اخوه وابوه وصاحبه وكل دنيته دول ميقدروش يبعدوا عن بعض ساعه...

كارمن...ربنا يهديهم يااارب ويصلح ما بنهم...هو حضرتك شغاله هنا من زمان...اسف انى بسألك بس انا حاسه ان علاقتك بيهم قويه جدا

كريمه...أنا هنا بقالى اكتر من٣٠سنه من ساعه ما الهانم الكبيره اتجوزت عز بيه ومن وقتها مطلعتش من هنا خالص عشت واتجوزت وخلفت وجوزى مات كمان انا اللى مربيه ادم وكريم
ادم حته من امه الله يرحمها بقا ماتت باالمرض الخبيث وقتها كان ادم عنده ١٠سنين وكريم يادوب٣سنين
ادم كان متعلق باامه قوى ولما ماتت اتأثر بده جامد بس عز بيه الشهاده لله كان بيحاول يعوضه هو كريم عن حرمنهم من امهم ورفض انه يتجوز بعد المرحوه اصلى كان بيحبها قوى لحد ماهو كمان مات قضاء وقدر بقا او حادثه مدبره الله اعلم وقتها كان ادم بيدرس بره وكريم يااادوب ١٦سنه