روايه #حياه#بقلمى امل عاطف

البارت الخمسون من روايه حياه

البارت الخمسون من روايه حياه
الجزء الثالث /حب ام انتقام
بقلمى/امل عاطف
Nasem  El  Roh
💖💖💖💖💖💖

ادم قال...اقعدى ياحياه وانت ياكريم تعالى اقعد
وبعدين بص لحياه وكأنه بيفكرها بالاتفاق اللى مابنهم
وحياه بصوت واطى قالت...اطمن
ادم...حياه من غير لف ودوران كريم طالب ايدك للجواز قولتى ايه
حياه بصت على ادم وعلى كريم وبصوت واطى قالت اما خليتك تندم
ادم...هااا ياحياه ردك ايه
كريم قاعد على نار مستنى رد حياه
حياه بابتسامه عريضه....انا موافقه اتجوزك ياكريم..................
ادم اتصدم من اللى سمعه وفضل باصص على حياه بغضب ومش فاهم هى ليه عملت كده ليه منفذتش اللى طلبه منها ادم الغضب ملئ قلبه واسأله كتيره بدور فى دماغه ليه وافقت على كريم ادم التفكير هيموته ونفسه يخدها من ايديها ويروح فى مكان مفيش فيه غيرهم ويسألهاا ليه عملت كده وايه اللى ناويه تعمله

اما كريم فقام ومسك ايد حياه وبسها وقال.... اليوم ده اسعد يوم فى حياتى انا مبسوط اوى ياحياه انك وفقتى اوعدك انى مش هخليكى تندمى ابدا على الاختيار ده
حياه عنيها رايحه جايه على ادم اللى واضح عليه اوى انه مخنوق
كريم قرب على ادم وقال...كوتش هنعمل الخطوبه امته
ادم بصوت كله حزن وتعب....زى ماتحب ياكريم وبص على حياه بحتكار وقال...شوف عروستنا تحب تعمل الخطوبه امته
ودلوقتي بقا سبونى عشان عاوز ارتاح
حياه بصت على ادم بتحدى وبعدين على كريم وقالت...يلا نطلع احنا ياكريم عشان نتفق على ميعاد مناسب للخطوبه ونسيب ادم يرتاح
كريم طلع هو وحياه بره وقعدوا فى الجنينه يتفقوا على ميعاد للخطوبه اما ادم فـ بمجرد ما طلعوا رمى نفسه على السرير وعمال يضرب بأيده على السرير وهو بيقول
ليه ياحياه...ليه عملتى كده انتى كده هتولعى الدنيا  ناويه على ايه بالظبط ياحياه انا مقدرش استحمل كل اللى بيجرارى ده كده كتير قوى عليا ياارب ارحمنى انا تعبت ورحمه ابويا تعبت
ادم حس انه مخنوق ومش قادر يتنفس الدنيا بقت ضيقه
اوى عليه   فـ قام طلع وقف فى البلكونه
حياه وكريم تحت فى الجنينه قاعدين وكريم نازل كلام وحياه سرحانه ومش معاه خالص
حياه بتكلم نفسها وبتقول...ياااه ياحياه كل ده كانت مخبياه الايام ليكى من يوم ما وعيتى على الدنيا وانتى مشوفتيش يوم حلو حتى لما قبلت ادم وحبينا بعض قولت الدنيا خلاص هتضحك ليا وهعيش يومين بس للاسف الدنيا اتدنى السعاده بأيد وباالايد التانيه اخدتها منى دانا حتى ملحقتش افرح واللى جرحنى وكسرنى اكتر اللى ادم عمله فيه..بس هل اللى انا بعمله دلوقت صح ولا خلط وياترى هيفضل ماشى زى ماانا عاوزه ولا هيتقلب عليا انا عاوزه بس ادوق ادم من نفس الكأس اللى دوقهولى عاوزاه يحس باللى انا حسيته لما جرحنى بكلامه ومفكرش ولو للحظه انه بكلامه ده بيدبحنى بسكينه برده
وبعدين بصت على كريم وكملت كلامه وقالت...بس كريم ملهوش ذنب ياحياه عشان تدخليه فى اللعبه دى ياترى  هيسامحك لما يعرف انك لعبتى بيه وبمشاعره عشان تزلى وتكسرى اخوه ياخوفى ياحياه ميتقلب السحر على الساحر وتخسرى حتى نفسك
هنا كان معاها حق انا ايه اللى عملته فى نفسى ده انا مفروض كنت مشيت بمجرد ماادم جرحنى وهنى ياااالله
خليك معايا انا مش عاوزه حاجه غير ان ارد اعتبارى وكرمتى اللى ادم جرحهم وبس
وسط كل الكلام ده حياه بتبوص لفوق لمحت ادم واقف وبيبوص عليهم فقربت من كريم واتكلمت معاه وبعدها ضحكوا الاثنين بصوت عالى وبصت على ادم بتحدى وكانها بتقوله مستغرب ليه انت اللى ابتديت والبادى اظلم
ادم مقدرش يستحمل يشوفهم بالوضع ده دخل وقفل البلكونه وفضل رايح جاى فى الاوضه مخنوق عاوز يعمل اى حاجه يطلع فيها الطاقه السلبيه اللى جواه بس للاسف الجرح ووضعه الصحى ميسمحش بده بس هو برضو مس مرتاح ونفسه يعمل اى حاجه وقف قدام المرايا وبص لنفسه فيها وقال...ارتحت كده ياادم يااارب تكون ارتحت انت غبى..غبى فضلت تجرح فيها وتهين فى كرمتها لحد ماحولتها لطير جارح عاوز ينتقم بس للاسف الانتقام ده هيطول الكل اعمل ايه بس ياارب اعمل ايه
ادم مخنوق ومش عارف يسيطر على غضبه بص قدامه لقى طفايه محطوطه على التربيزه مسكها وبكل قوته حدفها فى زجاج المرايا وهو بيقول غبى..غبى
نزل الزجاج كله على الارض حتت وادم من غير مايشعر بنفسه مسك زجاجه وفضل ضغط عليها بأيده لحد ماجرح ايده وهو مش حاسس
تحت عند كريم وهنا
جاسر اتصل بكريم عشان يقوله ان واخيرا اتحدد ميعاد خطوبته على ساره يوم الجمعة الجايه وانه عاوز كريم يروح معاه عشان يختار البدله اللى هيلبسها فى الخطوبه
كريم بص لحياه عشان يشوفها هتزعل لو مشى ولا لأ بس حياه قالت...عادى ياكريم روح ده صاحبك ومينفعش تسيبه
وفعلا مشى كريم راح لجاسر وطلعت حياه على اوضتها
قبلتها كريمه على السلم نزله من فوق بتجرى
حياه...فى ايه ياداده مالك بتجرى ليه
كريمه...كريم فين يابنتى ادم متعور فوق وبينزف
حياه قلبها اتقبض وبخوف قالت...متعور من ايه ياداده اتكلمى
كريمه...والله ماعرف يابنتى انا كنت طالعه عشان اديله كوبايه عصير لقيته قاعد على الارض والاوضه كلها زجاج وايده بتنزف حتى انا كلمته كتير مردش عليه بس عنيه كلها دموع انا خايفه عليه قوى يابنتى هو كريم مش كان معاكى
حياه وهى طلعه تجرى على السلم...كريم مشى ياداده هاتى شنطه  الاسعافات الاوليه بسرعه ياداده وراحت وهى بتجرى على اوضه ادم
دخلت حياه الاوضه لقت الاوضه كلها زجاج وادم قاعد فى ركن الاوضه وباصص على الارض وايده بتنزف وهو باصص على الدم ومش بيتحرك
حياه جريت عليه بخوف وقالت...ادم مالك ياادم فيك ايه وليه الاوضه بالمنظر ده
ادم باصص عليها وعنيه كلها دموع بس مش بيتكلم
حياه قعدت على الارض وقربت منه ومسكت ايده عشان تشيل منها الزجاج بس ادم هنا مسك ايديها وبنظرات ناريه قال...اوعى تفكري تلمسى ايدى تانى ابعدى عن وجهى اطلعى برررره
حياه...اهدى حاضر هطلع بس هعقم الجرح الاول وبعدين هطلع علطول تسمحلى لو سمحت ايدك بتنزف زمان ايدك بتوجعك
ادم بصوت عالى خلى حياه تتفزع....انتى اخر وحده ممكن تتكلمى عن الوجع انتى......
ادم مش عارف يكمل كلامه لان هو اصلا سبب اللى هما فيه
حياه بنفاذ صبر....نتكلم فى الموضوع ده بعدين ياادم نشوف الجرح الاول وبعدين نتكلم
ادم قام وقف وحاول يستجمع قوته عشان ميبنش انه ضعيف قدامها بس برضو هو نفسه يعرف ليه عملت كده وايه اللى بتخطط ليه
ادم اتردد من اللى ناوى يعمله بس فى الاخر  عمله
ادم مسك حياه من ايديها بطريقه مؤلمه وطلع بيها من الاوضه ونزل على تحت وركب عربيته بعد مادخلها هى الاول وطلع بالعربيه
كل ده وايده بتنزف وحياه مش قدره تتكلم او بمعنى تانى وحشها قربها منه فأستسلمت للى ادم بيعمله حتى لو كان ده ممكن يجرحه تانى مش مهم المهم تكون جنبه وقريبه منه
ادم سايق ومش بيتكلم وحياه عنيها على الجرح اللى بينزف ومش عارفه تعمل ايه عشان توقفه
بس فى الاخر فكت طرحتها شويه وراحت قطعه حته  ببؤقها وقربت من ايد ادم ومسكتها وهى باصه عليه وهو كمان اتصدم لما شاف انها قطعت الطرحه عشان تربط الجرح وابتدت حياه تلف القماشه على ايد ادم وادم مش بيتكلم بس النظرات هى اللى بتحكى حكايه عشق مابين اثنين القدر حلف مايجمعهم ببعض
واخير ادم وقف فى ارض فضاء ونزل من العربيه ونزلها ووقفوا الاثنين قصاد بعض وابتدت المواجهه الحاده
ادم....ليه منفذتيش وعدك
حياه بمكر....وعد ايه هو انا وعدك بحاجه اصلا
ادم...بلاش الاسلوب ده ياحياه انتى عارفه انا بتكلم عن ايه
حياه بصوت عالى....ومش عجب انا اللى هوفى وبعدى ماانت خليت بوعدك ليه حد كان حسبك وقالك ليه منفذتش وعدك
ادم...متحوريش الكلام احنا مش هنعيد من الاول تانى
انت ملكيش مكان بيناياحياه اطلعى من حياتى انا واخويا ارجوكى
حياه ضحكت وبطريقه كلها استهزاء قالت....ادم عز الدين بيتنازل ويترجانى
على اساس انى بنت محترمه اوى هفهم كلامه وهبعد فى هدواء
حياه عالت صوتها اكتر وقربت منه وضربته على صدره ونسيت تماما انه متصاب ولسه فى مرحله نقاها
ادم اتألم واتوجع بس مبينش ضعفه ليها ووقف عادى ولا كأن فى حاجه حاصله وحياه مكمله بنفس الصوت العالى وبتقول....انت قولت عليه انى واحده رخيصه معندهاش شرف ولا اخلاق ولا كرامه تفتكر وحده بالصفات دى هترحمك ولا حتى هتضعف قدام رجاءك
اللى بالمواصفات دى يامستر ادم ليمكن تتتنازل عن عرض زى ده وخصوص انها بتبيع نفسها للى يدفع اكتر
ادم بأحتكار....انتى فعلا بعتى نفسك ياحياه للى يدفع اكتر كنتى رسمه على ادم عز الدين ولما منجحتش الخطه وكريم اتقدم ليكى قولتى وماله خسرنا واحد نكسب التانى مش كده
حياه ومن غير ماتشعر ضربت ادم بالقلم على وجهه وقالت...اخرس ياحيوان انا اشرف منك وانت عارف ده كويس وولا كلمه من اللي قولتها هتهز شعره منى
اما بقا ارتباطى بكريم فده قرصه ودن منى ليك هخليك تدفع ثمن اللى عملته فيا وكل كلمه طلعتها كنت تقصد بيها اهنتى وتجريحى هدفعك ثمنها غالى قوى
هخليك تتمنى الموت ياادم هخليك تتحسر وانت شايفنى فى حضن اخوك
انت اللى ابتدديت ياادم لما نشوف مين فينا نفسه طويل وهيكمل للاخر
ادم...لو كريم دمعه نزلت منه ياحياه وكنتى انتى السبب فيها اوعدك انك هتندمى ندم عمرك
حياه...اطمن انا هخليه اسعد انسان فى الكون وبكره تشوف ده بنفسك
ادم بكسره...بلاش..بلاش ياحياه انا اسف بعترف انى اهنتك وجرحتك كتير بس بلاش تدخلى كريم فى الموضوع ارفضى عرضه واللى انتى عاوزه تعمليه فيا اعمليه بس بلاش كريم
حياه...يعنى دلوقت بتعترف انك ظلمتنى وجرحتنى ياادم
ادم...ايوه بعترف بده انا مكنش ينفع اقول اللى قولته بس ملحوقه
حياه ضحكت بطريقه كلها وجع وقالت...للاسف معدش ينفع يامستر ادم ولسه هتمشى مسك ادم ايديها وبوجع قال... مش دى حياه اللى انا حبيتها وعشقتها
سحبت حياه ايديها من ايد ادم وقالت....ولا ده ادم اللى انا حبيته وسابت ادم يتعذب لوحده ومشيت واول تاكسى قبلها رقبت فيه ودموعها نزلت وهى بصه عليه وهو واقف عاجز ومش عارف يعمل ايه
حياه مشيت وادم قعد على الارض يبكى وكل ده وجابر نصار مراقب وشاف كل اللى حصل من عربيه زين
بس المره دى فهم كل حاجه وقدر يترجم اللى شاف
جابر فهم ان الوضع مابين ادم وحياه ماعقد وفى مشاكل بس معرفش ان حياه وكريم هيتحوز
جابر لزين...المفروض ان الاثنين دول بيحبوا بعض واللى حصل قدامى دلوقتى بيقول ان هما افترقوا
زين...يبقا حضرتك عاوز تعرف السبب صح يابيه
جابر...عاوز اعرف ايه اللى بيحصل جوه فيلا ادم عز الدين بس فى اسرع وقت
زين....اومرك يابيه
عند ادم اللى ركب العربيه وراح عند مروان
مروان كان وقتها بيفطر هو وغاده لما جرس الباب رن
مروان قام وقف وفتح الباب بس المره دى لقى ادم مرمى على الارض ومغمى عليه
مروان بصوت عالى....ادم ياغاده الحقينى تعالى ساعدينى
وفعلا دخلوا ادم على السرير ومروان اتصل بدكتور هو يعرفه مروان متصلش بـ كريم لانه عارف سبب الحاله اللى ادم فيها ومش عاوز كريم يشوفه بالحاله دى
الدكتور فحص ادم وكمان شاف جرح ايده وعقمه وركب محلول ليه وطلع ومروان وغاده وراه
مروان...خير يادكتور ادم ماله
الدكتور....ادم متعرض لصدمه عصبيه كبيره وهو اصلا وضعه الصحى حساس ولسه فى فتره نقاها كل ده طبعا اثروا عليه بالسلب
ادم لازم يبعد عن اى ضغوطات النفسيه ده عشان صحته متدهورش اكتر من كده
مروان...شكرا يادكتور
دخل مروان على ادم اللى ابتدا يفوق وقعد جنبه وباصص عليه ومش بيتكلم خالص
ادم...باصص كده ليه عاوز تقول ايه
مروان...بلاش عشان متزعلش
ادم...هى جات عليك انت اخلص مع انى عارف هتقول ايه
مروان....وما انت عارف هاااا لحد امته هتفضل كده انا هاخد كريم فى مكان هادى واقوله الحقيقه كريم اصلا روحه فيك انا متأكد انه هيفهم اللى انتى عملته عشانه
احنا لسه على البر وانت بالشكل ده امال لو عرض عليها الجواز هتعمل ايه انت مشوفتش نفسك وانت مرمى على الارض مغمى عليك ارحم نفسك ياادم حرام
ادم بحسره...كريم عرض الجواز وحياه وفقت يامروان
مروان بصدمه....انت بتقول ايه امته ده حصل اصلا
ادم...النهارده الصبح لما كريم رجع من المستشفي........
حكى ادم لمروان كل اللى حصل معاه حتى المواجهة اللى حصلت مابينه وبين حياه وسبب الجرح اللى فى ايده لان مروان سأل عليه
مروان....انتوا الاتنين كده بتلعبوا بالنار والمهزله دى لازم تقف انا لازم ادخل واوعى تقولى بلاش كده انتوا الاتنين بضمروا بعض
ادم....لو ادخلت يامروان هتكون اللى مابينى وبينك وخليك فاكر انى انا بتكلم بجد
مروان بغضب ليه ياادم كل ده ليه انتم هتقضوا على بعض
ادم....معدش ينفع حياه ليمكن تسامحنى على اللى عملته فيها
مروان...انا مش فاهم هى ليه وافقت على الجواز من كريم انا اتكلمت معاها وانت فى المستشفى وهى قالت انها بمجرد ماتطمن عليك هتمشى وتطلع من حياتكم للابد ليه بقا وفقت على الجواز..ادم هو فى حاجه انا معرفهاش حصلت مابينك وبنها اتكلم ياادم ساكت ليه
ادم...انا بغبائي جرحتها وللمره التانيه حياه دلوقت بقت وحده مجروحه وبتنتقم
مروان.. انا بصراحه مش لاقى كلام اقوله بس بجد مقصرتش كفيت ووفيت ياادم بيه ودلوقتى بقولى هتعمل ايه
ادم....انا مليش مكان وسطهم انا هسافر
مروان....هتسافر تروح فين او بمعنى تانى هتهرب تروح فين ولحد امته هتفضل هربان وبعدين شغلك وشركاتك دول هتسبهم لمين والحاجه اللى انت نسيها
جابر نصار لسه مختفى وانت عارف جابر نفسه يعمل ايه كويس هتسيب كل ده وتهرب تروح فين
ادم بصوت عالى..خلاص يامروان خلاص كل اللى انت قولته ده ميهمنيش انا من غير حياه مليش وجود واذا كان على جابر ياااريت يقتلنى ويريحنى من الغلب ده انا تعبت تعبت يامروان وخلاص مبقاش عندى قدره استحمل كل ده وقام حاول يشيل المحلول عشان يمشى بس رنت جرس باب مروان وقفته
مروان...ثوانى بس اشوف مين على الباب
ادم...انت مستنى حد
مروان....لا بس خلينا نشوف مين
مروان طلع يفتح الباب واللى كان على الباب كان كريم
مروان...كريم اهلا ادخل تعالى
كريم الحقنى يامروان فى مصيبه وانا برن على ادم الفون بتاعه مقفول وادم مش فى البيت داده قالت انه طلع هو وحياه
ادم طلع على كلمه مصيبه وقال....فى ايه ياكريم ومصيبه ايه اللى انت بتتكلم عنها
كريم...حياه فين ياادم هى مش كانت معاك
ادم بأرتباك....ايوه كانت معايا ورجعت على الفيلا
كريم...حياه مش فى الفيلا حياه اتخطفت واللى خطفها جابر نصار.........................

استوب
بكده بيكون البارت الخمسون من روايه حياه
الجزءالثالث/حب ام انتقام
بيكون خلص اشوفكم فى البارت الحادى والخمسون  والاخيررررر
استنونى منى ليكم ارق واجل التحيه والتقدير
Nasem El Roh