البارت الخامس والثلاثون من روايه حياه
الجزء الثاني /حب ام انتقام
بقلمى/امل عاطف
Nasem El Roh
💖💖💖💖💖💖
شهد وعلوان طلعوا الطياره الخاصه وفعلا الطياره حلقت واستقرت فى الجو
ادم لمسعد... يلا بينا نمشى اللعب هيبتدى.....................
مسعد.... جابر مش هيسكت يابيه انا خايف عليك منه
ادم... متقلقش انا اقدر عليه وعلى عشره من امثاله
مسعد... بس هو بيضرب من تحت لتحت وطرقه كلها وسخه مش زى حضرتك
ابتسم ادم وقال... يبقا نلعبه بنفس اسلوبه يلا بينا
ركب ادم العربيه وطلع بيه مسعد على الفيلا وهناك كانت حياه منتظراه
ادم... اتأخرت عليكى
حياه... لا فى ميعادك بالظبط ممكن اعرف بقا هنروح فين
ادم... تعالى اركبى وهتعرفي لما نوصل
حياه... برضه ياادم
ادم... اصبرى مسافه الطريق بس ياحياه
ركبت حياه العربيه وطلع ادم بيها بعد ماقال لمسعد انه ينزل هو اللى هيسوق
طول الطريق حياه متغاظه من ادم وادم مش عارف يقول ليها ايه ولا حتى عارف ايه هو رد فعلها لما توصل على المكان اللى ادم واخدها عليه
وفعلا وصلوا على مستشفى
حياه... مستشفى ياادم فى ايه طمنى كريم كويس
ادم... اطمنى ياحياه كريم كويس
حياه... يبقا انت اللى تعبان فيك ايه ياادم طمنى
ادم... اهدى ياحياه احنا هنا عشان حاجه تانيه بس اوعدينى انك تكونى قويه
حياه... ادم انا اصلا قلقانه وعلى اخرى اتكلم فى ايه هنا ممكن ازعل عليه
ادم... تعالى انزلى وانتى هتعرفى
ادم اخد حياه ودخلوا المستشفى وسط زهول من حياه وعلامات استفهام كتير ليه هما هنا؟؟؟؟؟؟؟؟؟
وقف ادم قدام اوضه عنايه مركزه وقال احنا هنا عشان خاطر دى
قربت حياه بحذر من الاوضه وبترفع راسها عشان تشوف مين اللى ممكن تزعل عليه حياه وتكون هى فى العنايه
حياه بصوت عالى..... رحـــــــــــــــاب
مش ممكن دى رحاب
ادم... ايوه رحاب ياحياه عرفتى ليه مردتش اقولك لما كلمتك عشان الحاله اللى انتى فيها دلوقت
حياه... هى مالها جررها ايه؟؟؟ وايه كميه الخرطيم الى فى جسمها دى من عمل فيها كده؟؟
ادم.... عاصم اخوها ياحياه داين دتدان
حياه... عاصم هو اللى عمل فيها كده طب هو فين
ادم... عاصم مات محروق ياحياه 😢
حياه...انامش فاهما حاجه خالص ياادم لوسمحت ممكن توضح كلامك
طبعا انتى مش فاهما ولا احنا كمان فاهمين صح يابنات
تعالوابقا نرجع بالفلاش باك للوراء عشان نعرف اللى حصل معاهم وازى عاصم مات محروق
فلاش باك
//////////
احنا كنا واقفين عند رحاب وعاصم لحد ماوصلوا القاهره
رحاب استقرت هى وعاصم وفتحوا محل حلويات ومعجنات وده اصلا هو اختصاص عاصم بما انه كان شغال قبل كده فى المجال ده
عاصم كان بيدى لـ رحاب جرعه الادويه اللى اخدها من "على" واللى هتخليها مريضه زهايمر خلال شهر بس طمع عاصم خلاه يزود الجرعه عشان رحاب تتعب بسرعه ويخلص منها بسرعه شهر كتير عنده هو عاوز اقل من كده..رحاب ادهورت صحتها بسرعه كبيره جدا وبشكل ملحوظ فطلبت من عاصم انه يخدها يكشف عليها عشان تطمن وطبعا عاصم رسم عليها جو القلق الخوف عليها واخدها عند دكتور من تحت بير السلم بس طبعا بعد مااتفق معاه وعرفه هيقول ايه لـ رحاب بالظبط
وفعلا ده حصل والدكتور قال لـ رحاب انها تطمن ده شويه ارهاق وتعب ولازم ترتاح
ولان رحاب مش مديه خوانه لـ عاصم استسلمت لكلام الدكتور المزيف وارتاحت فى البيت ومبقتش تروح المحل خالص
عاصم طبعا ماشى زى ماهو ماشى عمال يديها فى ادويه عمال على بطال والست بتموت حرفين قدامه ولا اى شفقه ولا اى رحمه وازاى اصلا هيرحمها ماهى سبق ومرحمتش حياه واهو جه الدور عليها هى كمان عشان تذوق من نفس الكأس اللى ذوقته لـ حياه داين تدان
لحد ماخلاص اصبحت مريضه زهايمر ومبقتش عارفه اى حاجه فى اى حاجه ونست كل شئ الزهايمر اكل عقلها كله وجه اليوم الموعود واللى عاصم مستنيه من زمان بفارغ الصبر
اخد عاصم رحاب ورماها فى مستشفى لعلاج الزهايمر ونساها ومبقاش يسأل عليها ولا يدفع ليها فلوس فى خزنه المستشفى واترمت رحاب فى المستشفى زى مارمت حياه فى الشارع
عاصم نقل كل حاجه تملكها رحاب بأسمه بعد مااخد تقرير من المستشفي ان رحاب فقده الاهليه وغير مسؤوله عن تصرفتها واصبح هو اللى بيمتلك كل ماكانت تملكه رحاب واللى هو اصلا ليس ملك له
رحاب ادهورت صحتها وحصل عندها تليف فى الكبد وفى المرحله الاخيره بسبب كميه الادويه اللى كانت بتخدها بس ده جزاء اكل حقوق اليتيم ان ربك منتقم جبار
اترمت رحاب فى المستشفى وبقت تتعالج على قد امكانيات المستشفى اللى هى اصلا تعتبر ماشيه ببركه دعاء الولدين
اما عاصم فده بقا اخرته كانت سوده لانه مات محروق داخل المحل الخاص بيه وكان وقتها سهران بيشرب خمور هو ومجموعه من الشباب البايظ اللى اتلم عليهم
الحريق حصل بسبب ماس كهربى حصل فى المحل وولع وهما فيه كانوا نايمين من اثر الخمور اللى كانوا بيشربوها ودى كانت نهايه عاصم
ادم لما عرف ان رحاب وعاصم سابوا البلد امر نعمان انه يدور وراهم ويشوف مين ممكن يكون يعرف عنهم اى حاجه . نعمان وصل لـ "على" المحامى بعد ماعرف انه كان صاحب عاصم
وبعد ضغط عليه قال "على" لـ نعمان على مكان عاصم لانه راح هناك لما كان بيأخد بقيت فلوسه من عاصم
نعمان بلغ ادم باللى وصل اليه وادم كلف مسعد انه يروح على العنوان ده ويشوف هيلاقى ايه
وصل مسعد على العنوان وكان وقتها لسه عاصم متوافى
فبلغ مسعد ادم وادم عمل كل اللى يقدر عليه عشان يدفنه
لان اكرام الميت دفنه وعرف بعد كده من اهل المنطقه اللى حصل لـ رحاب واخد العنوان وراح على المستشفى وكانت رحاب وقتها بتقضيها ايام
ولما حاول ادم يفهم ايه اللى حصل ليها بالظبط وليه هى كده.. قربت منه ممرضه وحكت ليه كل اللى تعرفه وكمان قالت ليه ان هما لقيوا فى دمها اثر لاادويه بتسبب مرض الزهايمر
ادم... افهم من كده ان اللى هى فيه ده بفعل فاعل
الممرضه... ايوه طبعا واللى عمل فيها كده اكيد اخوها لانه من وقت ماجبها هنا مسألش عليها خالص واضافت الممرضه ان رحاب حصل ليها تليف فى الكبد بسبب الافراط فى الادويه دى هو فى المرحله الاخيره يعنى هي ايام وبتقضيها
ادم اتاثر اوى لما دخل على رحاب وشافها بالشكل ده وطلب ليها عربيه اسعاف ونقلها على مستشفى خاصه وطلب من الاطباء عمل كل الازم ليها ولو محتاجه تسافر بره هو جاهز لده بس الاطباء اجمعوا ان رحاب خلاص مبقاش فى عمرها غير ايام ويمكن ساعات
أنت تقرأ
روايه #حياه#بقلمى امل عاطف
Misterio / Suspensoاحبها حب صادق حب من اول نظره ولم يكن يعلم ان هذا الحب سوف يحطمه ويكسره ليغلق بعدها قلبه ويقسم على ان لا يفتحه مره اخرى لااحد فهل سوف ينجح فى ذلك........ هى فتاه ماتت امها وهى صغيره وتركتها وحيده فيتزوج الاب من الزوجه الثانيه ومن هنا تبدا معاناه حياه...
