البارت الثانى والثلاثون من روايه حـــــــــياه
الجزء الثانى /حب ام انتقام
بقلمى/امل عاطف
Nasem El Roh
💖💖💖💖💖💖
علا...انت عديت المرحله دى ياكريم بمراحل اما حياه فده نصبيها بقا هنعمل ايه وبعدين بصت لحسن اللى ادى حقنه لكريم فى رقبته واللى بعدها كريم وقع على الارض وابداء يفقد الوعى بس نظره متعلق بالبيت اللى النار مسكه فيه ودمعه من عنيه نزلت قبل مايغمض عنيه بسبب المخدر اللى اخده.............
حسن اخد كريم دخله على العربيه وعلا ركبت جنبه وطلع حسن بالعربيه وسابوا المسكينه دى بتصارع الموت
ـــــــــــــــــــــــــــــــــــ
عند ادم ومروان اللى ماشين وراى اياد بالعربيه
مروان...اطمن ياادم ان شاء الله هنلاقى كريم
ادم...ربنا يسترها انا مش مطمن واول مره احس انى عاجز ومش عارف اتصرف
مروان...اللى حصل ده حصل غصب عنك ياادم متحملش نفسك فوق طاقتها
ادم...اللى حصل ده حصل بسببى وبسبب غبائي لو كنت لغيت الحفله مكنش كل ده حصل
مروان...اياد هدى العربيه بص ياادم شكله هيقف هنا
ادم...ايوه فعلا...نزل ادم من عربيته بعد ما نزل اياد وراح ناحيه اياد اللى كان بيتكلم فى الجهاز الاسلكى
مشى ادم شويه لقدام وكان بيبص يمين وشمال وبيدور على اى طرف خيط ممكن يوصلهم بـ كريم
مروان كان بيبص باتجاه البيت اللى النار تقريبا ولعت فيه كله
مروان لاادم واياد اللى خلص كلام فى الجهاز ولسه هيتكلم بس مروان كان الاسرع وقال....بصوا الناحيه دى فى دخان طالع منها غير طبيعى تعالوا نشوف فى ايه هناك
ادم....هو ده وقته وبص لااياد وقال...انت وقفت هنا ليه يااياد
اياد...المكان ده اخر مكان وقفت فيه العربيه وبعد كده الاشاره اتقطعت
ادم...يعنى ايه الكلام ده
اياد...اكيد حد من افراد العصابه وقف جهاز التتبع الخاص بالعربيه
ادم..طب والعمل كده احنا رجعنا لنقطه الصفر زى ماانت شايف المكان فاضى ومفهوش حد
مروان لااياد....اياد انا شاكك فى الدخان ده تعالوا نشوف فى ايه هناك
اياد...معاك حق يامروان يمكن نوصل لحاجه
ادم مش مقتنع بالكلام بس راح معاهم باتجاه الدخان
وصلوا الثلاثه على البيت اللى النار ولعت فيه باكمله
اياد طلب المطافى على جهاز الاسكلى على وجه السرعه
ادم....تفتكر حد جوه البيت
مروان...الله اعلم بس حتى لو فيه حد اكيد اتفحم ياابنى انت مش شايف النار مسكه في ازاى
اياد حاول يدخل البيت بس النار شديده ومعرفش يدخل وهو راجع لمح حاجه خليته جرى عليها وندا على ادم ومروان
اياد...ادم..مروان...تعالوا هنا بسرعه
ادم بص لمروان والاتنين جريوا على اياد اللى كان ماسك حياه وبيفوق فيها
ادم وقف مكانه وهمس بصوت واطى..حـــــــــــــــياه
مروان...دى حياه ربنا يستر ومتكنش جررها حاجه
اياد...ياانسه...فوقى ياانسه ولسه بيمد ايديه يقيس النبض لاقى ادم جرى وقعد على الارض وشدها من ايد اياد وحضنها بكل قوته ولاول مره مروان يشوف دموع ادم اللى نزلت غصب عنه
ادم عمال يبوس فى حياه ويفوق فيها وحياه وجهها كله سواد من الدخان ومش بتتحرك خالص ادم بص لااياد وقال...هى ماله ليه مش بتفوق..ليه
اياد...اهدى ياادم اكيد البنت كانت جوه البيت انت مش شايف وجهها عامل ازى يعنى اكيد استنشقت دخان كتير هو اللي عامل فيها كده انا طلبت الاسعاف وزمانها على وصول
ادم هنا افتكر كريم وقام وقف وقال...حياه كانت مع كريم...كريم فين وبصوت عالى فضل ينادى على كريم وحاول يدخل جوه البيت اللى النار يعتبر قضت عليه كله بس اياد ومروان مسكوه فى اخر لحظه
ادم...سبني يامروان ادخل اكيد كريم جوه سبنى
مروان...اهدى ياادم كريم ان شاءالله مش جوه وبعدين هتدخل ازاي النار فى كل مكان
ادم..قعد على الارض ودموعه نزلت غصب عنه وعمال ينادى على اخوه وعينه جات على حياه اللى لسه فقده الوعى وراح ناحيتها وقعد جنبها وضمها لحضنه وبيبكى
ادم...فوقى ياحياه انا مقدرش اعيش من غيرك انتى بقيتى الاامل اللى عايش عشانه اوعى تسبينى لوحدى ياحياه ونادى بااعلى صوته لااياد اللى كان بيتكلم فى الجهاز وقال....اياد الاسعاف فين حياه بتموت
اياد..عشر دقائق وهتوصل ياادم اطمن
ادم...يااارب...ياااارب انا عمرى ماعملت حاجه تغضبك
ليه يااارب بتاخد منى كل اللى بحبهم ليه يااارب بتدينى السعاده وفى لحظه تأخدها منى يااارب اللهم لا اعتراض على حكمك استغفرك ربى واتوب اليك
الاسعاف وصلت واخدت حياه على وجه السرعه اللى المستشفى بعد عمل الاسعافات الاوليه ليها وادم طلع معاه فى العربيه وكان هيموت من القلق عليها
أنت تقرأ
روايه #حياه#بقلمى امل عاطف
Mistério / Suspenseاحبها حب صادق حب من اول نظره ولم يكن يعلم ان هذا الحب سوف يحطمه ويكسره ليغلق بعدها قلبه ويقسم على ان لا يفتحه مره اخرى لااحد فهل سوف ينجح فى ذلك........ هى فتاه ماتت امها وهى صغيره وتركتها وحيده فيتزوج الاب من الزوجه الثانيه ومن هنا تبدا معاناه حياه...
