روايه #حياه#بقلمى امل عاطف

البارت الثامن والثلاثون من روايه حياه

البارت الثامن والثلاثون من روايه حــــــــــــــياه
الجزء الثاني /حب ام انتقام
بقلمى /امل عاطف
Nasem  El Roh
💖💖💖💖💖💖

فضل ادم وحياه ماشين على شاطئ البحر يتكلموا وكان ادم حضن حياه اللى كانت مبسوطه اوى وهى فى حضن معشوقها لحد ماوصلوا على مرسى لليخوت
ادم.... اختارى اللى نفسك تنزلى بيه البحر
حياه.... بجد يااادم  انا مش مصدقه نفسى احنا بجد هننزل البحر باليخت
ادم.... طبعا بجد سبق وقولت ليكى انتى طلباتك اوامر عندى ياملاكى
حياه....اختار اى واحد فيهم هما كلك حلوين اوى اممممم
ادم...يعنى انهى واحد من دول انجزى
حياه..... ليه هما كلهم بتوعك
ادم...ايوه
حياه....بجد...لا بتهزر انت غنى اوى كده وانا معرفش
ادم...انتى هترغى كتير وانا بتعصب بسرعه تعالى
شال ادم حياه وطلع بيها على يخت كان هو من الاساس مجهزه للنزول بيه بس حب يشوف حياه الاول يمكن تختار هى واحد تانى
حياه كانت بتصرخ وبتضحك الاثنين مع بعض مبسوطه على خايفه على مش مستوعبه اللى بيحصل معاها ومره واحده عيونها دمعت ولاحظ ادم ده بمجرد مانزلها من على كتفه
ادم...مالك ياحياه ليه الدموع دى
حياه....خايفه ليكون اللى انا فيه ده حلم واصحى منه على كابوس....كل السعاده اللى انا فيها دى خايفه مره واحده تروح منى انا بحبك اوى ياادم ومش متخيله حياتى من غيرك اوعى تسبنى او تتخلى عنى ياادم انا من غيرك اموت
ادم...ايه بس لازمه الكلام ده دلوقت انا مقدرش اعيش من غيرك ولايمكن ابعد عنك مهماحصل انتى روحى ياحياه هو فى حد يقدر يعيش من غير روح
بقولك ايه احنا جينا هنا عشان نتبسط مش عشان نقلبها غم وعياط ومد ايده ومسح دموع حياه وقال...العيون دى مش عاوز اشوفها بتبكى تانى العيون دى لازم تكون بتلمع من كتر الفرح والسعاده تمام
حياه بحب...تمام
اخد ادم حياه وطلعوا على سطح اليخت وحياه كانت مبسوطه اوى
حياه.... ايه ده انت اللي هتمسك الدافه
ادم.... عندك اعتراض
حياه... لا بس مكنتش اعرف انك  بتعرف تسوق يخت
ادم ضحك وقال... اسوق يخت والله انتى مش معقوله وبعدين انا ليه فى كل  حاجه
حياه... ياسلام واثق من نفسك اوى
ادم... فوق ماتتخيلى تحبى تجربى 😂😂😂
حياه... ادم
ادم.... ياعيون ادم
حياه... بلاش الكلام اللى من النوع ده  وانت فاهم اقصد ايه
ادم... هو انا قولت حاجه انتى سألتى وانا جاوبت وبعدين سبق وقولت ليكى انتى مش قدى فـ بلاش تلعبى معايا....
حياه.... ياسم انا هبعد عنك احسن وهروح اقعد هناك ولسه هتمشى بس ادم كان اسرع وجذبها لحضنه وقال.... مكانك هنا فى حضنى مش هناك
حياه... ماانت اللى بتنرفزنى اعمل ايه
ادم... اعملى ايه حاجه انتى عاوزها بس اوعى تسيبى حضنى
حياه بفرح... انا مقدرش اصلا ابعد عن حضنك قولى بقا احنا هنروح فين بالظبط
ادم... هوديكى على جزيره هتنسى نفسك فيها
حياه بفرح....ياسلام فاضل كتير عبال مانوصل
ادم... يعنى ساعه ونص
حياه... طب انا جعانه اوى مفيش حاجه نأكلها هنا ولا ايه
ادم... انزلى تحت هتلاقى كل اللى انتى ممكن تحتاجيه ورينى بقا شطرتك هتعرفى تأكلينا ولا هنموت من الجوع
حياه.... لا طبعا هأكلك أكل فى حياتك مااكلت زايه
ادم... ابهرينى وانا شويه وهحصلك
حياه...ثوانى..ثوانى كده ممكن اعرف الاكل ده جه امته وازى المفروض انى انا اللى كنت هختار اليخت
ادم بمكر....وانا اللى اخترت فى الاخر
حياه...يعنى كنت بتضحك عليا وبتقولى اختارى وانت مجهز واحد تانى خالص
ادم...مش بالظبط والله بس الحكايه انى جهزت ده لانه كبير بس حبيت برده اشوف انتى نفسك تطلعي بأى واحد
بس انتى طبعا كاالعاده غلبتينى فترجعت عن الخطوه دى والباقى بقا انتى عارفه
حياه...ماشى هنعديها المره دى بس سؤال انت مش قولت قدمنا لسه ساعه ونص
ادم... ايوه بس احنا هنقف هنا عشان نغطس شويه عاوز اوريكى الشعاب المرجانيه
حياه بخوف.... نغطس اللى هو انت ومين!!!!!
ادم افتكر  ان حياه بتخاف من الميه فقال.... اللى هو انا وانتى ياروحى
حياه.... لا... لا... مش كفايه الطياره كمان بحر كله الا كده انا اخرى انزل رجلي فى الميه وبس
ادم ضحك وقال.... اخرك تنزلى رجلك فى الميه مش عيب تقولى كلام زى ده وانتى مع ادم عز الدين احسن غطاس على مستوى شرم كلها
انزلى ياحياه اعملى الاكل ونتكلم فى الموضوع ده بعدين انزلى.....
حياه نزلت فعلا بس كانت بتكلم نفسها وبتقول... قال انزل الميه قال اهو ده اللى كان ناقص كله الا كده
ادم سمع حياه وضحك وقال... مجنونه رسمى انتى ياحياه
اما حياه اللى نزلت على تحت واتبهرت بجمال اليخت من الداخل كان حاجه كده ولا فى الاحلام
دخلت حياه على المطبخ وفتحت الثلاجه وابتدت تفكر ممكن تعمل اكل ايه واخيرا استقرت على سندوتشات برجر وابدعت فيها وضافت عليها كل اللى ممكن تحتاجه
وبعد نص ساعه نزل ادم اللى كان جعان جدا
ادم.... حياه وصلتى لفين انا جعان جدا
حياه... خلاص خلصت
ادم... واو برجر انا بعشقه
حياه اتبسطت انها عملت الحاجه اللى ادم بيحبها
قعد ادم وحياه يأكلوا فى جو رومانسى على ضوء القمر وموسيقه هادى ادم شغلها وبعد ما خلصوا اكل مسك ايد حياه وقال... تسمحيلى بالرقصه دى
حياه... بس انا مش بعرف ارقص
ادم... مع ادم عز الدين مفيش حاجه اسمها معرفش اتفقنا
حياه... اتفقنا
ادم... هاتى ايدك... مسك ادم ايد حياه وابتدا يعلمها ازى ترقص وازاى تحرك رجليها فى تناسق مع رجل ادم وشويه شويه ابتدات حياه تتقن الرقصه وبقت برفكت فيها
ادم... انتى بتتعلمى بسرعه ودى حاجه كويسه اوى
حياه... تلميذات يامستر ادم
ادم... تلميذتى وبس
حياه... يامه عليك كده النهارده بكره نبقا نشوف هتترفع لاانهى درجه
ادم... بقا كده
حياه... عندك اعتراض
ادم... لا طبعا معنديش بس خليكى فكره انك انتى اللى ابتديتى  ياقطه
حياه.... وانا متحمسه اعرف هتعمل ايه ياسى السيد
ادم ضحك وقال.... مـ بلاش يافاطمه
حياه.... لا بقا انا الفكره عجبتنى وحابه العب معاك ياسى السيد
ادم...قدها
حياه... قدها
ادم مسك حياه ومره واحده نط بيها فى الميه وسط صراخ من حياه
ادم.... شششششش... شششششش اهدى  متخافيش  خدى نفس طويل واهدى
حياه كانت مش عارفه تقول كلمه على بعضها من كتر الخوف وكل شويه تغطس وتقب لفوق وادم مش رادى يدخل خالص لانه عاوز يكسر الخوف اللى جواها ده بأى شكل من الاشكال
حبيبت ادم عز  الدين مش لازم تكون ضعيفه لازم تكون قويه وشجاعه مش جبانه يعتمد عليها وقت الازمات
وده اللى ادم حابب يزرعه فى حياه
حياه.... الحقنى يااادم انا هغرق
ادم... مش هتغرقى ياحياه  اهدى الاول وخدى نفس والدنيا هتتظبط وحده... وحده
حياه... لا ونبى بليززز ياادم انا همووت من كتر الخوف
ادم... خوف... خوف... خوف لحد امته هتفضلى سجينه الكلمه دى اكتر كلمه بكرها فى حياتى هى الكلمه دى عشان كده مخلتهاش تسيطر عليه بعد موت ابويا وقويت نفسى بنفسى وعملت اللى مكنش يخطر على بالى انى اعرف اعمله.... حياه بوصى فى عنيه... بوصى ياحياااااه
حياه.... ادم طلعنى اليخت
ادم... بوصى فى عنيه
حياه... حاضر اهوووو
ادم.... بتحبينى ولا لاء
حياه وهى بتبكى.... هو ده وقته انا بموت
ادم... بتحبينى ولا لاء
حياه... بحبك.... بحبك... بحبك  ارتحت
ادم.... بتثقى فيه ولا لاء
حياه... طبعا بثق فيك... ادم ايه الكلام ده
ادم... خلاص سيبى نفسك  ليه  وخلينى اكسر حاجز الخوف ده اتفقنا
حياه بخوف.... اتفقنا
ادم... صوتك كله  خوف وده شئ مش لازم عدوك يشعر بيه  ابدا حتى لو فعلا كنتي خايفه اتعلمى ازاى تدارى خوفك ده ضعفك  مش لازم  يظهر غير ليكى  انتى وبس
حياه الضعيفه  الجبانه  لازم تتمحى وتحتل مكانها حياه ادم عز الدين  القويه  الشجاعه  اللى بميت راجل