البارت الحادى والثلاثون من روايه حــــــــــــياه
الجزء الثاني /حب ام انتقام
بقلمى/امل عاطف
Nasem El Roh
💖💖💖💖💖💖
كريم... طب هنعمل ايه دلوقت وهنهرب ازى دى فرصتنا محدش فى العربيه
حياه... تعرف تسند عليه او حتى اشيلك
كريم ضحك وقال..... تشلينى انتى غريبه والله قال تشلينى قال بتهزى صح
حياه... وايه بس اللى غريب المهم نطلع من هنا بسرعه انا هنزل افتح الباب وانت ساعدنى على قد ماتقدر اتفقنا
نزلت حياه وكريم بينادى عليها وبيقول ليه استنى هنا ياحياه استنى يامجنونه ولكن بلا اى فائدة حياه مسمعتش كلام كريم ونزلت تبوص حوليها تشوف هما راحوا فين ولما ملقتش حد راحت ناحيه الباب اللى جنب كريم وفتحته
حياه...كريم محدش من العصابه هنا اسند عليه بسرعه خلينا نمشى من هنا قبل ماحد منهم يجى بسرعه ياكريم
كريم...مش قادر ياحياه رجلى بتوجعنى اوى
حياه....اسندعليه اقولك ارمى كل حملك عليه وانا هشيلك المهم نمشى من هنا بسرعه تعال هات ايدك
فضلت حياه تحاول تسند كريم وتطلعه من العربيه وفعلا نجحت بعد تعب كبير منها وكريم بيحاول على قد مايقدر انه يساعدها وابتدت حياه تمشى وتبعد عن المكان لحد ما سمعت صوت ضحك وهزار شباب جاى من بعيد
كريم...دول شكلهم وصلوا هنعمل ايه
حياه....مش عارفه ياكريم بس اللى متاكده منه انى ليمكن هسمح ليهم يمسكونا تانى بعد ماهربنا منهم بصت حياه حوليها تشوف ممكن تروح فين وكان المكان عباره عن طريق لسير العربيات بس يعتبر مهجور لان مفيش ولاعربيه عدت عليهم.... الجانب اليمين من الطريق خالى ومفهوش اى شئ والجانب الشمال فيه اشجار
حياه...تعالى نستخبى منهم هنا وسط الشجر ده وان شاءالله محدش منهم هيشوفنا
حياه وكريم راحوا على الجانب اللى فيه اشجار ولسه يادوب بينزلوا رجل حياه اتزحلقت ووقعوا هما الاثنين وفضلوا يدحرجوا وهما مسكين بعض لحد ما استقرواوكانت حياه وقعه فوق كريم والاتنين بصين لبعض وانفاسهم عاليه ومحدش فيهم بيتكلم فضل الاتنين بصين لبعض والعيون متقبله ومتعلقه ببعض ولاول مره كريم يحس اتجاه حياه بحاجه مش عارفها المهم ان الحاجه دى بسطاه وبعد فتره مش طويله حياه حاولت تقوم ولسه هتتكلم بس كريم حط ايده على بؤها بسرعه وقال هسسسسس وحياه فعلا سكتت لان كانوا افراد العصابه وقتها اكتشفوا هرب حياه وكريم وابتدوا يدوروا عليهم
كريم بصوت واطى....شكلهم اكتشفوا اننا هربنا اوعى تعملى صوت احنا هنا فى امان
حياه شاورت براسها وقالت حاضر بس انا خايفه اوى
كريم...متخافيش احنا مغطينا الشجر يعنى محدش منهم هيشوفنا انشاء الله بس متتحركيش
وفعلا فضلت حياه فوق كريم والشجر مغطيهم وكريم رجله وجعته بس بيكابر لحد ما خلاص مبقاش قادر يستحمل وحياه حست بده
حياه....مالك ياكريم
كريم...رجلى وجعانى اوى ياحياه
حياه...استحمل شويه ولما يبعدوا هنطلع ونمشى من هنا ان شاء الله
لسه كريم هيرد سمعت حياه صوتهم قريب منهم فحطط ايديها على بؤق كريم ومحدش فيهم بيتكلم بس بصين لبعض
احد الاشخاص قرب من المكان اللى فيه كريم وحياه وقال
مفيش اثر ليهم ياحسن هنعمل ايه علا هانم هتقتلنا
كلمه علا نزلت على كريم زى الصاعقه ومش مصدق اللى سمعه وحياه قالت بصوت واطى جدا...علا مفيش غيرها
كريم..شكلها كده عشان ادم يصدق لما قولت ليه دى كان لازم تتحاسب
شخص تانى قرب وقال....قولت ليكم مش لازم نسبهم وننزل اديكم شوفتم اللى حصل هنعمل ايه بقا احنا
حسن قرب وقال...كريم رجله مكسوره يعنى مبعدوش كتير وفعلا كلام حسن صح لانهم لو كانوا بصوا تحت رجليهم كانوا شافوا كريم وحياه لكن ده قدرت المولى عز وجل انه يعمى عيونهم عن كريم وحياه اللى كانت بتقراء ايه قرانيه من سوره "يس"واللى بتقول
" بسم الله الرحمن الرحيم"
«وجعلنا من بين ايديهم سدا ومن خلفهم سدا فاغشيناهم فهم لايبصروان»
"صدق الله العظيم"
فضلت حياه تقراء الايه القرانيه دى لحد ما العصابه مشيت من المكان كله وكأن الله عز وجل استجاب ليها
كريم كان باصص عليها ومش بيتكلم خالص بس بيقول لنفسه... البنت دى لدرجه دى عندها ايمان وثقه بالله
ازاى مشفهاش غير حياه البنت العاديه اللى جات على بيته فى ظروف معينه...ليه مشفهاش حبيبه مثلا..ايوه حبيبه كريم ابتدا يشعر اتجاه حياه بشعور هو حبه ومش عاوز يخرج منه ابدا فضل كريم سارح فى بحر افكاره لحد ماحياه قالت...كريم...كريم.....
كريم...هااااا بتقولى حاجه ياحياه
حياه....ممكن تسيب ايدى شكلهم مشيوا لازم نتحرك بسرعه ونطلع من هنا
كريم...اااه سورى اسف
حياه قامت من على كريم براحه عشان رجليه اللى اتألم منها اول ما حياه ابتدات تتحرك
حياه...اسفه مكنتش اقصد
كريم...ولا يهمك المهم دلوقت هنعمل ايه
حياه....انت هتفضل هنا انا اللى هعمل
كريم....ازاى يعنى مش فاهم
حياه...انت رجلك بتوجعك يعنى استحاله هتقدر تمشى عليها واحنا معندناش وقت انت هتفضل هنا المكان ده امان ليك عبال ماانا اروح اشوف حد يساعدنا
كريم...بس انا خايف عليكى
حياه...متخفش ان شاء الله مش هيحصل حاجه وحشه المهم متطلعش من المكان ده عبال ماارجع
كريم...وانا هقعد لوحدى اعمل ايه هنا
حياه فكرت وبعدين قالت...انت اكيد حافظ قرأن
كريم...اكيد طبعا
حياه...بس محلوله اقعد اقرى قرأن وادعى لربنا وتضرع ليه ربنا ده جميل اوى ادعيله يحمينا ونخرج من الكرب ده على خير تمام
كريم...تمام بس اوعدينى انك هترجعى
حياه....اوعدك لو مكتوب ليه انى ارجع هرجع حياه قامت واقفت وبصت بحذر تشوف حد موجود ولا لاء من افراد العصابه ولما اتاكدت ان مفيش حد خرجت ورجعت تانى لـ كريم وقالت....تعرف انت كان معاك حق بخصوص الزفته اللى اسمها علا بس اشوفها بس وانا اوعدك انى هعرفها قمتها السلعوه دى
وهنا سمعت صوت علا بتقول....انا موجوده اهو ورينى هتعرفينى قمتى ازاى يابتاعه انتى😱😱😱😱😱😱
ـــــــــــــــــــــــــــــــــــــــــــــــــــــــــــــــــــــــــــــــــــــ
أنت تقرأ
روايه #حياه#بقلمى امل عاطف
Misterio / Suspensoاحبها حب صادق حب من اول نظره ولم يكن يعلم ان هذا الحب سوف يحطمه ويكسره ليغلق بعدها قلبه ويقسم على ان لا يفتحه مره اخرى لااحد فهل سوف ينجح فى ذلك........ هى فتاه ماتت امها وهى صغيره وتركتها وحيده فيتزوج الاب من الزوجه الثانيه ومن هنا تبدا معاناه حياه...
