روايه #حياه#بقلمى امل عاطف

البارت الخامس والاربعون من روايه حياه

البارت الخامس والاربعون من روايه حياه
الجزء الثالث /حب ام انتقام
بقلمى/امل عاطف
Nasem  El  Roh
💖💖💖💖💖💖

مروان... مش مرتاح لكلامك
ادم... اطمن اخوك قدها
مروان... بس انا خايف عليك ياادم
ادم... متخافش سبها على الله
مشى ادم وركب تاكسى ورجع على الفيلا وكان واضح عليه التعب والاجهاد وعيونه من كتر البكاء مش شايف بيهم دخل ادم على المكتب وقلع جاكت البدله ورماه على الكرسى وولع النور ولسه هيقعد لقى حياه على الكرسى باصه عليه وعنيها كلها كلام........................
ادم بهمس.... حياه
حياه قامت وقفت وقالت... ممكن اعرف كنت فين لحد دلوقتى وليه مش بترود على تليفونك
ادم دار وجه الناحيه التانيه عشان يتفادى مواجهه حياه وعيونها اللى هو اصلا بيضعف قدامها وقال... كان ورايا شغل وكنت بخلصه
حياه.... شغل ايه ده اللى لحد الساعه ٢:٣٠بالليل
ادم... هو تحقيق ولا ايه وبعدين ايه اللى مسهرك لحد دلوقتى اطلعى نامى ياحياه والصبح نتكلم
حياه... انت بتهرب ليه منى بنظرات بوصلى وانت بتكلمنى وراحت ووقفت قدامه مباشر وبصت فى عنيه اللى كانت وارمه من كتر العياط واصلا شكل ادم غنى عن اى كلام
حياه بخوف.... ادم فى ايه مالك وليه انت بالشكل ده  عنيك مالها انت كنت بتعيط يااادم ومتحاولش تنكر لان شكلك واضح اوى وقربت منه ورفعت ايديها عشان تمسك وجه وده خطر بالنسبه لاادم لانه كده هيسلم ويرفع الرايا البيضه ويضعف قدامها
بس لحق نفسه ومسك ايديها ونزلها وقال.... اطلعى نامى ياحياه اطلعى.. ادم مش عاوز يواجه حياه دلوقت هو اصلا قرر هو هيعمل ايه بس صعبان عليه انه هيكسر قلبها حياه المفروض انها مستنيا ادم عشان يفرح قلبها ويقولها انه كلم كريم بخصوص موضوعهم يعنى كان مفروض النهارده يكون اسعد يوم فى حياتها
حياه... لا مش هطلع غير لما اعرف في ايه وليه انت بالشكل ده اخر مره كلمتك كنت كويس خالص وكنت مستنى كريم انت كنت هتكلمه فى موضعنا صح انا كنت حاسه وهى دى المفاجأه اللى كنت محضره ليه
حصل ايه فى المقابله دى خلاك بالشكل ده
اصلا كريم لما رجع مكنش مظبوط هو كمان كلامه وتلميحاته مكنتش مريحاني اتكلم ياادم فى ايه
ادم بخوف.... هو كريم قالك حاجه..
حياه... حاجه زى ايه مش فاهما
ادم بنفاذ صبر... مش وقته الكلام ياحياه اطلعى نامى وسبينا انا كمان ارتاح
حياه... مش هطلع انام غير لما افهم وبعدين انت هتنام هنا فى المكتب
ادم مردش على حياه بس مسكها من ايديها وطلعها بره المكتب وقفل الباب من غير ولا كلمه
حياه هتتجن ومش فاهما حاجه فضلت تخبط على الباب وتنادى على ادم وهى بتبكى لحد ماتعبت وقعدت على الارض وسندت ظهرها للباب وكانت بتعيط... والحال نفسه كان عند ادم اللى بمجرد ماقفل الباب قعد على الارض يبكى بس بصوت مش مسموع
حياه بره سنده على الباب وبتقول... افتحلى ياادم فهمنى ايه اللى حصل خلاك بالشكل ده انا معملتش حاجه غلط تخليك تعملنى بالاسلوب ده ادم افتح انا حياه حببتك انا مستهلش منك كده افتحلى ارجوك ياادم
فضلت حياه تتكلم وتبكى لحد ماتعبت ونامت وهى قاعده على الارض
ادم جوه حزين ومخنوق ومش عارفه هو اللى هيعمله صح ولا غلط بس اللى متأكد منه انه ليمكن يكون السبب فى كسره قلب اخوه
ادم مبقاش سامع صوت حياه بره وافتكر انها طلعت تنام
قام ادم وقف ومسح دموعه وقال.. سامحيني ياحياه على اللى هعمله فيكى بس للاسف هى دى الطريقه الوحيده عشان تكرهينى وتبعدى عنى اسف ياحياه.. اسف
ياترى يااادم هتعمل ايه؟؟؟
فتح ادم الباب عشان يطلع على الحنينه يشم هواء لانه مخنوق بس اتفاجأ لما شاف حياه لسه قاعده على الأرض ونايمه
وطى ادم لمستوى حياه ومسح بأيده دمعه كنت لسه موجوده على خدها وقال... اسف ياحياه انتى متستهليش منى كده بس غصب عنى سامحينى
شال ادم حياه وطلعها على اوضتها ونايمها على السرير وغطاها وطفى النور ونزل تحت على الجنينه وفضل قاعد فى الجنينه يفكر لحد النهار ماطلع دخل راح على اوضته غير لبسه ونزل راح الجيم هو محتاج يطلع الطاقه السلبيه اللى عنده دى فى ايه حاجه عشان يرتاح وفعلا فضل ادم يلعب بوكس ويضرب فى هيكل الانسان المطاطى اللى قدامه وكل لحظه مرت عليه مع حياه كان بيفتكرها كل ابتسامه كل ضحكه حتى اللحظات اللى جمعتهم وقت الخطف خوف حياه عليه.. واللى عملته معاه وقتها
كل ده مر قدامه  وفى نفس الوقت كلمه كريم  بترن فى دماغه
«انا بحب حياه وعاوزك تكون معايا وانا بطلب ايدها للجواز......»
فضل ادم يضرب ويضرب لحد مابقاش قادر وتعب لانه اصلا منمش من امبارح
افتكر ادم موضوع اياد وابنه وقعد على اقرب كرسى واتصل بشخص واتكلم معاه فتره وبعدها رجع على البيت
كانت حياه فاقت ولقت نفسها نايمه على السرير فعرفت ان ادم هو اللى طلعها
قعدت حياه على السرير تفكر فى كلام ادم معاها وليه هو كده اكيد حصل حاجه بينه وبين كريم بس ياترى ايه هى انا مش هرتاح غير مااعرف فى ايه مش هتعرف تهرب منى المره دى كمان يااادم انت لازم تفهمنى ايه اللى مغيرك بالشكل ده
غيرت حياه لبسها ونزلت كان كريم رجع من المستشفى فى نفس لحظه رجوع ادم من الجيم
كريم قابل ادم على باب الفيلا فركن كل واحد منهم عربيته ونزل كريم وراح لاادم
كريم... كوتش صباحو ورد
ادم... صباح الخير ياكريم كنت فين بدرى كده
كريم... كنت نبطشيه وطول الليل صاحى ومش شايف قدامى وهموت وانام
ادم... اطلع خد شاور وافطر وبعدين نام براحتك
كريم... ماهو ده اللى هيحصل بقولك كلمت حياه
ادم.... لسه ياكريم والله انا راجع البيت الساعه 2 وحياه كانت نايمه
كريم... هتكلمها امته انا ماسك نفسى بالعافيه دانا كنت هقولها امبارح بس افتكرت كلامك واتراجعت فى اخر لحظه
ادم... اصبر ياكريم عندى بس مشكله فى الشغل هخلص منها وبعدها هكلمها عالطول تمام
كريم حضن اخوه وقاله... انا بحبك اوى ياادم ربنا يخليك ليه يااارب
ادم بيتعذب من كلام كريم ومش عارف يعمل ايه ولا يفاتح حياه ازاى فى الموضوع
بس اللى مكنش عامل حسابه ادم ان حياه تسمع الحوار اللى دار مابين ادم وكريم واللى بعده  مبقتش  فاهما حاجه
يقصد ايه كريم لما قال لاادم انه مبقاش قادر وماسك نفسه بالعافيه.. كلام ايه اللى كريم كان عاوز يقوله ليه امبارح بس اتراجع فى اخر لحظه... انت لازم تجاوب على كل الاسئله دى ياادم والمره دى مش تهرب منى
طلع كريم اوضته عشان يااخد شاور بعد ماصبح على حياه وبص بعدها لاادم وابتسم
اتقبلت عيون ادم وحياه مع بعض وفضلوا باصين لبعض كتير وبعدها هرب ادم من نظراتها اللى كلها اسئله وطلع على فوق يااخد شاور ويلبس عشان ينزل يروح على الشركه
اتجمعوا الثلاثه على الفطار وكريم مش مبطل كلام وهزار وادم وحياه الصمت سيد الموقف بس اللى مابنهم هى النظرات اللى بيخطفوها الاثنين كل فتره لبعض وهى اصلا كفايه لانها كلها عتاب من ناحيه حياه اما ادم فـ نظراته لحياه نظره خيبه امل وضياع
عشان يهرب ادم من النظرات دى قام وقف مره واحده وقال....انا اتاخرت على الشركه محتاج حاجه ياكريم قبل ماامشي
كريم...لاياادم انا اصلا طالع انام تصبحوا على خير وفعلا طلع نام وفضل ادم وحياه
ادم...محتاجه حاجه ياحياه
حياه بصت ليه ومتكلمتش وادم دور وجه عشان يتفادى النظرات دى واخد مفاتيح عربيته وكل متعلقاته ومشى
ركب ادم العربيه ولسه هيطلع لقى حياه فتحت الباب وركبت جنبه وسط زهول من ادم واللى كان لسه هيتكلم بس رنت مروان وقفته
ادم...الووو ايوه يامروان
مروان...هنعمل ايه بخصوص موضوع اياد
ادم...ابعتلى الموقع فين بالظبط ونتقابل هناك
مروان...تمام.عملت ايه امبارح طمنى
ادم...بعدين يامروان بعدين
مروان...هى حياه جنبك طب خلاص نتكلم لما اشوفك متتأخرش عليه
ادم قفل الخط وبص لحياه وقال....خير فى حاجه
حياه....اطلع بالعربيه فى كلام سمعته ولازم توضيح منك
ادم...كلام ايه ده وبعدين انتى سمعتى المكالمه بنفسك دلوقتى انا مش فاضى وعندى شغل لراسى اجلى كلامك لما ارجع
حياه....مفيش كلام هيتأجل يااادم
ادم...حياه والله مافاضى مش وقته
حياه...للاسف مش هتعرف تهرب منى المره دى كمان فالاحسن مضيعش وقتك واطلع
ادم بص لحياه بنفاذ صبر وفعلا طلع بالعربيه بس كان بيسوق بطريقه تخوف وحياه هتموت من الخوف
حياه....هدى السرعه شويه ياادم انا بخاف
ادم مسمعش منها وفضل ماشى لحد ماوصل لمكان على الكورنيش بس فاضى مفهوش حد ومسك الفون واتصل بـ مسعد وقاله...مسعد عشر دقائق وتكون عندى عشان تاخد حياه ترجعها على الفيلا احنا على الكونيش فى المكان***** مش عاوز تأخير
وبعدها فتح باب العربيه ونزل منها وراح باتجاه حياه وفتح الباب ونزلها ووقفها قدامه وخلع نظرته وقال....
عاوزه تعرفى ايه ياحياه
حياه....الكلام اللى سمعته من كريم دلوقتى واسلوبك معايا امبارح ده معناته ايه فهمنى
ادم اخد نفس طويل وقال....كريم عاوز يتجوزك ياحياه
تعليقك ايه
حياه اتصدمت من الكلام ده وقالت....عاوز ايه يتجوزنى
ده مش هيحصل ابدا انا بحبك انت وانت كمان بتحبنى بس ازاى كريم يفكر كده وليه انت مقولتش ليه اننا بنحب بعض ليه ياادم
ومدت ايديها عشان تمسك جاكت البدله وقالت...عشان كده حبيبي كان مخنوق امبارح صح
ادم مسك ايدها وبعدها عنه ورجع خطوه للوراء وقال...
من اللحظه اللى اعترفلى فيها كريم بحبك انتى بقيتى متحرمه عليه ياحياه واللى مابينى وبينك انتهى وكل اللحظات اللى عشتها معاكى انسيها  اصلا انا مش بتاع جواز وكلام فاضى انا راجل عملى وبتاع شغل وبس وبخصوص اللى كان مابينى وبينك اعتبريه زى ماانتى عاوزه تعتبريه..وكمل كلمه الجارح وقال...اعتبريه تسالى..اونزوه...اوحتى تضيع وقت المهم تطلعينى من دماغك ولوكان على الاوقات اللى عشتها معاكى انا منكرش انها كانت مسليه وانا شخصيآ اتسليت بيها كتير
وممكن تقولى الرقم اللى انتى عاوزاه وانا ادفعه ليكى حالا كتعويض عن الاوقات دى
ااااه نسيت المفروض انى اطلب ايدك النهارده بالليل لـ كريم  اخويا جوابك هيكون الرفض وتخدى كل اللى انتى عاوزه تخديه وتطلعى من حياتى انا واخويا للابد مشوفش وجهك هنا تانى ابدا
وطلع من جيبه عقد وقال....ده عقد البيت بتاعك اللى فى البحيره وكمان الارض رجعت ليكى واعتبرى ده مكافأة منى ليكى على انك هتسمعى الكلام وتنفيذه بالحرف زى الشطوره
وكمل تجريحه ليها اللى كان قاصد كل كلمه قالها عشان يخلى حياه تكره وتبعد عنه وطلع دفتر شيكاته وقال.... هااااااا عاوزه قد ايه ولا انا اقرر من نفسى بس اطمنى انا مش بخيل وبعرف اقدر الجمال  كويس
حياه  مدت  ايديها وبعيون كلها دموع  ضربت  ادم بالقلم على وجه  وقالت.... انت مش بنى ادم انت حيوان وحقير انا بكرهك يااادم بكرهك.... وهنا مسعد وصل فجريت حياه وهى بتبكى وركبت العربيه  وادم شاور لمسعد اللى كان باصص عليه ومصدوم لانه شاف اللى حياه عملته وقاله...خدها وامشى وخلى عيونك  عليها اوعى تبعد عن عنيك لحد ماارجع
مسعد.... انت كويس يابيه
ادم... اطمن انا كده ارتحت
مسعد اخد حياه وطلع بيها على الفيلا وطول الطريق حياه مبطلتش عياط ومسعد مش عارف يهون عليها ازى بس فى الاخر قرر انه ميدخلش نفسه فى شئ ميخصهوش
اما ادم راح وركب عربيته وساق بسرعه كبيره جدا ونظرات حياه ليه وهى بتسمع الكلام الجارح اللى قاله مش راديه تفارق عنيه 
ادم وقف العربيه ونزل منها وبص على نهر النيل وقال
اسف ياحياه  مكنتش احب ابدا انى اكون انا سبب عذابك 
بس انتى حتطينى فى موقف صعب موقف مش عارف اطلع منه ازى بس ده الحل الانسب للكل انا متأكد انها بعد الكلام اللى قولته ليها ليمكن تفضل هنا وهتمشى وبكده مكنش جرحت اخويا وكريم لسه صغير وبكره هنساها ويحب غيرها
اما انت ياقلبى فـ خليك زى ماكنت احسن اظاهر انك مش مكتوب عليك تحب وتتحب كسبت الرهان ياعقلى للمره التانيه واوعد بعد كده مش هسمع غير اللى تقول عليه انت كنت صح فضل ادم يكلم نفسه وقلبه مش مرتاح بعد اللى عمله فى حياه من ناحيه صعبانه عليه لانها ملهاش ذنب فعلا ومن ناحيه تانيه بيقول لنفسه ان ده انسب حل