بيت السعادة ( روايات ليبية ) مكتملة

البارت 1 💛

بيت السعادة 🏠👑1
.
محمد ، خليفة، عبد الرزاق ، علي : صباح الخير بوي ( الاولاد رتبتهم بالكبير )
صالح : صباح الخير خيركم طولتوا في النومة راهو جمعة اليوم ( الاب)
نورية : صباح الخير هي الفطور واتي وين صغاركم ( الام )
نجوى  : و الله عييت واني انوض هبلوني ( مرت خليفة  و عندها ولدين وبنتين : سامي و سمر توأم عمرهم 8 و اكرام  عمرها 18 و صالح  عمره 11 )
هناء : حتى اني شيء من الساعة 7 انوض شيء لاحياة لمن تنادي ( مرت عبد الرزاق عندها 6 .4 بنات و ولدين مروة عمرها 13 قمر  19 و اروة  17 و ارين 6 و مجد 12 و صالح 18)
بسمة : ايه امبارح ساهرين على دبلوكس ولا اي بوكس المهم على الخارب ( مرت محمد عندها 7 مرتين جابت توأم صالح و صابر 20 و نور و نوران 16 و بلقيس 14 و احمد 10 و رناد 7 )
صالح : مييري تعالي ( خدامة )
ميري: نعم بابا
صالح : انت في نوض كل نفر صغار مال انا
كلهم : ههههههههه
ميري : انا مافي فهم انت
نورية : ههههههه امشي نوضي الصغار كلهم ( الجد امداير لاولاده كل واحد جناح و هو عنده شركات خارج البلاد و محلات )
ميري : حاضر ماما
علي : بوي
صالح : نعم
علي : نبي نفتح عيادة خاصة بيا
صالح : بعد الفطور تو نتلاقوا
(في جناح محمد )
ميري : انتت في نفر نوض لازم
صابر : يا بنت الذين ردي الستار بنرقد
صالح : صبح يا فتاح
ميري : بابا صالح يقول انت نوض
صابر : حي علمه جدي تو تلقاه موتي محاضرة نووض
صالح : انت الاول
صابر : انت طلعت من بطن امي الاول
صالح : خلاص معناها بتسمع كلامي لانك اصغر مني
ميري : نووض
بلقيس : خيييرك
ميري : بابا صالح قال انت لازم ينوض
رناد: قولي لبابا صالح انا في مريض
بلقيس : وانا عيب نخلي اختي مريضة بروحها
ميري : اوكي انا اقول انت في كذب ( ومشت)
بلقيس : حي نوضي جدي تو يذبحنا
رناد : اوووف
ميري : نوور نوران
نور : نضنا نضنا
ميري : انت 👍 انا اروح لاحمد 😢
نوران : المسكينة داهشة من خوتك 😂
نور: 😂😂 ايه تسخف
ميري :احمد احمد احمد احمد احمد
احمد : هاااااااااااا كرهت اسمي نضت نضت
ميري : انت كويس بابا صالح قال انت لازم نوض
احمد : قولي ل بابا صالح انا في نوض .
( جناح خليفة )
ميري : صباح الخير ماما
اكرام : ااه انا اكرام يا همي
ميري : بابا صالح قال انت لازم نوض
اكرام ؛ نضنا كلنا هي نازلين
ميري : تمام انت في فازلين
اكرام : نازين مش فازلين 😂
(في جناح عبد الرزاق )
صالح : صباح الخير ميري
ميري : صباح الخير بابا
صالح : متعبيش روحك كلهم ناضوا و نزلوا
ميري : وانت ليش مافي فازلين اه نازلين
صالح : 😂😂 انا كنت اكلم حبيبة مال انا و توا فازلين
ميري : تمام انا اروح
.
.
صالح الجد : واخيرا نضتوا تو اتشوفوا القوانين الصح
قمر : يا جدو اليوم عطلة ونحنا امس قعمزنا و هدرزنا و لعبنا مش انت تحب اللمة
صالح : ايه صح نحب اللمة و هضا عليش انراجي في الحمير الباقيين
ورود : صباح الخير
صالح : صباح النور اهلين ببنيتي ( بنته عمرها 24)
ميري : بابا كلهم في نوض
صالح : قمر وين خوك صالح
ميري : صالح عبد الرزاق هو يكلم حبيبة مال هو
قمر : جاك الموت يا تارك الصلاة
ورود : حي علمه خوك راح فيها
صالح :صباح الخير
مروة : انقذ روحك
صالح : خيركم تشوفولي
صالح الجد : تعالى
صالح : نعم
صالح الجد : طبس
صالح : اااه وذني
صالح الجد : كيف حالها حبيبة مال انت
عبد الرزاق بحشم : فضح بيك  ياميري
صالح الجد : هي افطروا و بعدين حسابكم عندي
(فطروا و كملوا و صالح يتحلف في ميري )
صالح :هيا وقت على الجامع
محمد : مزال بكري ولا ؟
صالح : بكري شن مابين ماقرينا قرآن هضاك هو

صابر : امشوا وتو نلحقكم
صالح الجد : قدامي كلكم يلااااا
(كلهم طلعوا للجامع )
ميري : ماما بسمة
بسمة : نعم ميري
ميري : ولد مال انت يقول بيذبح انت
بسمة : 😲 من فيهم
ميري : صالح
بسمة : بيهبلني هالفرخ
نورية : ههههههه طالع ل بوه و الله حتى هو هبلني لما كان صغير
.
.
قمر : flowers
ورود : 😒 شن قلتلك انا معش اتقوليها يا moon
نور : اطلعينا
ورود : وين على الله
نوران : لمشغلك (ورود مصممة ازياء عندها مشغل خاص بيها )
اكرام: لا لا لموزارت
بلقيس : همك بطنك انتي
ورود : ريحي روحك انتي وياها صدعتن رأسي راكن
.
(بعد صلاة الجمعة )
صالح الجد : تعالوا اجتماع ضرووري
(اجتمعت العائلة )
صالح : كيف ماتعرفوا ربي عاطينا من نعمه بس كيف مايعطي ياخد و نحنا ....
كلهم : 😱😱😱
.
هضا اول بارت من رواية #بيت_السعادة ان شاء الله تكون البداية حلوة و تعجبكم باقي الرواية 💜
لو لقيت تفاعل حنزل البارت الثاني 💜
#rwayat_br0o