ဒီနေ့တော့ ကိုကို့စကားကို နည်းနည်းလေး နားမထောင်သလိုဖြစ်သွားတယ်
ကိုကိုဝယ်ထားတဲ့ အသားငါးတစ်ချို့နဲ့ အသီးအရွက်တွေလည်း ရေခဲသေတ္တာထဲမှာ ကျန်သေးတာမို့ ဒီနေ့ညနေစာအတွက် ချက်လိုက်မိတယ်
ကိုကိုက အမြဲ အလုပ်ကပြန်လာမှ သူ့မှာရေတောင်မချိုးဘဲ ကျွန်တော်နဲ့candy လေး ဗိုက်ဆာမှာစိုးလို့ ချက်ရတာ
ကိုကို့ကို ပင်ပန်းပါတယ် မချက်နဲ့ ဝယ်စားမယ်လို့ ပြောတော့လည်း မရပါဘူး သူပဲချက်ကျွေးချင်တယ်တဲ့လေ
ကဲ.. အဲ့ကိုကိုကို,ကျွန်တော်က ဘယ်လိုမချစ်ဘဲနေနိုင်တော့မှာလဲဗျာ..
အခုတော့ ညနေစောင်းချိန်လည်း ရောက်နေပြီ ကိုကိုပြန်လာတော့မှာမို့ အနွေးထည်လေးထပ်ဝတ်ကာ အိမ်ရှေ့ထွက်လာခဲ့လိုက်သည်။
မြို့ငယ်လေးဖြစ်တာကြောင့် လူသွားလူလာလည်းနည်းသည်။
ညနေစောင်းချိန် အပြင်မှာ လမ်းလျှောက်ထွက်လျှင် ပန်းရနံ့လေးတွေနဲ့ထုံသင်းနေတဲ့ လတ်ဆတ်တဲ့လေအေးတွေကို ရှူရှိုက်ရတာ
သဘာဝရဲ့ လက်ဆောင်တစ်ခုကို ရရှိသလိုပင်။
ဒီလိုအေးချမ်းသာယာတဲ့နေရာလေးကို ကျွန်တော်ကတော့ အရမ်းကို သဘောကျမိသည်။
လှပပြီး အေးချမ်းတဲ့ ပတ်ဝန်းကျင်လေးရယ်
ကျွန်တော် ချစ်ရတဲ့ကိုကိုရယ် ကျွန်တော်တို့ရဲ့အိမ်လေးရယ် နောက်ဆို ချစ်စရာကောင်းတဲ့သားသားလေးပါရောက်လာတော့မှာ..
ဘယ်လောက်တောင် ပြည့်စုံလိုက်လဲ..
ကိုကိုဖန်တီးထားတဲ့ ကမ္ဘာငယ်လေးထဲမှာ ကိုကိုနဲ့အတူဖြတ်သန်းရတဲ့နေ့ရက်တိုင်းက ပျော်စရာအတိဖြစ်နေတာပါပဲ...
ကျွန်တော်က candy လေးရှိတဲ့ဗိုက်လေးကို ကိုင်ရင်းပြုံးနေတုန်း
"ဘတ် အေးနေတာကို ဘယ်လိုဖြစ်လို့ အပြင်ထွက်နေတာလဲကွာ"
ဆိုကာ ဘယ်အချိန်က ဘယ်လိုအနားရောက်လာလည်း မသိတဲ့ကိုကိုက ပါးစပ်ကလည်း လူကိုဆူရင်း သူ့ကုတ်အကျီကိုလည်း ချွတ်ကာခြုံပေးနေသည်။
မျက်နှာနားကပ်နေတဲ့ ကိုကို့ရင်ခွင်ကျယ်ကြီးထဲကနေ ကိုကို့ကို မော့ကြည့်ကာ ကိုကို့ရဲ့နှုတ်ခမ်းကို ဖြတ်ခနဲလှမ်းနမ်းလိုက်သည်။
"အပြစ်လုပ်ထားပြီး ဒီလိုလာချွဲလို့ရရိုးလား"
ဒီတစ်ခါတော့ ကိုကိုက အထာနပ်သွားပြီဆိုတော့ မျက်လုံးတွေပိတ်သွားတဲ့အထိ သွားကိုဖြီးပြကာ မျက်နှာချိုသွေးရတော့သည်။
![🍕ဘေဘီလုံးကစ်🍔🍕ေဘဘီလုံးကစ္🍔[Completed]](https://img.wattpad.com/cover/233891111-64-k975580.jpg)