رواية ليبية"بعد موتي" بقلم الكاتبة Manoo

الجزء الثالث

الجزء الثالث :- "بعد موتي"

وصلني ردك "لو تقابلنا وحكينا شن رح يتغير؟ كل حد فينا غلط غلطته وصعب يتصلح"

لو غلطنا ليش ذكرتيني وبعتي مسج لو غلطنا مايتصلحش ليش مفكرة فياا ؟؟ انا معش فهمت ولا قدرت نفهم انتي شن تبي ،

نتلاقو احيانا نشوف نظراتك الي تنادي بيا وتعطيني بظهرك وتمشي احيانا من غير ماتلقي التحية ، واحيانا تساندي طلبات عيونك وتبتسميلي وتحييني ، بس تبي الحق ! ، انتي مش غالطة ولا عليك غبار ولا عليك أي ذنب ، لأن انا الي مش فاهم نفسي وانا الي سمحت بأن يصير هك ، لو من الأول ، الاأول نقصد بيه من رجعتك مش من ايامنا القديمة ، لو من الأول كنت صارم واستخدمت عقلي وماسمحتش لأي مجال يخلي قلبي يتكلم او يبدي رأيه ، راه توا ماكنتيش انتي هكي ، لو من الأول استخدمت قلبي صح راه توا ماكنتيش هكي ،
بس أنا شن ؟؟ ااي انا شن ؟؟ انا شن حنكون لو هادا كله كان حلم وكنتي انتي مكان بلقيس الي توا مقعمزة بحداي على أمل ان نفتح معاها موضوع ونحسسها بوجودها ، أنا شن حنكون لو من اول مارجعتي رجعنا حبنا ، نضت من الكنبة بهدوء وبإنهيار ، لاحضت بلقيس هالشي

_وسام شن فيك !؟
_لا بس تعبان شوي
_شن الي متعبك ؟
_مش عارف ، تصبحي ع خير

ومشيت للدار بسرعة لأن كنت متأكد ان بلقيس كان في كلام تاني حتقوله كنت متأكد بأن لو مشيت بنفس الهدوء الي نضت بيه حتوقفني وتقول كلامها والي متأكد من انه صعب بس حقيقي
، إرتميت ع السرير وغمضت عيوني زي الراجل القوي الي مالك كل الدنيا ينهي كل شي يواجه بغمضة عين وراحة ، بس انا لما غمضت عيني جاني جواب لسؤالين سألتهم قبل شوي ، أنا شن حنكون لو انتي توا في مكان بلقيس زوجتي وحبيبتي وام عيالي وتحت سقف واحد بس المشاعر تختلف ، حنكون خاين للقدر وصادق لحبنا ، القدر قالي بأن نكون مع بلقيس وخنته والانسان الييخون قدره بالزبط زي الخاين لوطنه هكي مبادئي ومعتقداتي ، وشن حنكون لو اول مارجعتي رجعنا حبنا الي ضاع من ايامنا بس ماضاعش من عقولنا وقلوبنا ، أنا حنكون خاين لبلقيس وخاين للقدر وخاين لنفسي وخاين لكل الأيام الصعبة الي قضيتها من غيرك وخاين لليوم الي وقفت فيه وأعلنت البداية الجديدة ، ف
ي حبنا لاحقتنا الخيانة لو مش بيننا بين ناس تانية وأنفسنا ، رغم هادا كله غمضت عيوني من جديد وعطيت نفسي فرصة ، فرصة أخيرة ليا ولحياتي وليك ، كيف رح تمشي هالفرصة وشن فيها ايجابيات وسلبيات ؟ ، بس عطيت نفسي فرصة ..

شن الي غيرنا ؟ وليش سمحت لشي هكي يصير ! بنيت عليك أحلامي وحياتي كلها بس طلع كلامك صح لما قتلي "أن مش شرط الي نخططوله يصير زي مانبو ضروري ماتصير مفاجآت إما تكون سلبية أم إيجابية" الي خططتله في مخيلتي هيا حياتي معاك وبيك ومستقبلي الي انت فيه بس المافجئة الي جت والي كانت سلبية بل أكثر من سلبية ، بس بجد المفاجأة مش عارفة شن سببها