ကံတရားကရှင်နှောင်းကိုအပစားမပေးသေးပါ
မိုးတွေသည်းတဲ့တစ်ရက် ဆိုင်ကိုကောင်လေးတစ်ယောက်အမောတကောပြေးလာခဲ့သည်
ချာတိတ်လေးရဲ့မိုးကာအင်္ကျီမှာရေတွေဆက်တိုက် လိုလိုစီးကျလျှက်
" မဂျက်မ...... ဟို..... စာတိုက်နားမှာ..... ဦးပေါ်ရဲ့ဒေါဂျစ်နဲ့ မြေသယ်ကားတိုက်မိလို့"
"ဘာ...."
သူမအလန့်တကြားဖြစ်သွားပြီးကောင်လေးနောက်ပြေးလိုက်သွားခဲ့သည်
သူမရောက်သွားချိန်မြင်လိုက်ရမြင်ကွင်းကမယုံနိုင်ဖွယ်....
ဦးပေါ်ရဲ့ဒေါဂျစ်လေးက စိစိညက်ညက်ကြေမွလို့.....
ကတ္တရာလမ်းနက်နက်ပေါ်သွေးရောင်တွေလွှမ်းလို့......
ရှင်နှောင်းတို့ ဆေးရုံကိုအရောက်သွားခဲ့သော်လည်း ဦးပေါ်ရဲ့ အသက်ကိုမမှီလိုက်ပါ
သွေးတွေကြားထဲမှပဲ........
ဦးပေါ်သူမတို့သားအမိကို အပြီးတိုင်နှုတ်ဆက်သွားခဲ့လေပြီ
ရှင်နှောင်းထက် အခံစားရဆုံးကသားသား......
သားက အဖေလိုဦးပေါ်ကိုအားကိုးသလို
ဦးပေါ်ကလည်းဖခင်မေတ္တာအပြည့်ပေးခဲ့သည်
ဒီဘဝဒီမျှပေါ့ ဦးပေါ်ရယ်
အတွေးတွေ မှတ်ညဏ်တွေအားလုံးထဲမှာ ဦးပေါ်က ရှင်နှောင်းရဲ့ကျေးဇူးရှင်တစ်ယောက်ပါ
.....................................
လူတွေဖြတ်သန်းရတဲ့ဘဝကိုယ်စီမှာ အမှတ်တရတွေ ခါးသီးတဲဒုက္ခကိုယ်စီရှိတယ်
တစ်ခါတစ်လေ
ပြန်မမှတ်မိချင်အောင် မေ့ထားတဲ့အရာတွေကလည်း ကောင်းခြင်းဆိုးခြင်း ပုံစံတစ်မျိုးမျိုးနဲ့ ကျွန်မတို့ဆီပြန်ရောက်လာတက်သေးတယ်
.............................
" ဟိုဝိုင်းကဧည့်သည်က မဂျက်မနဲ့တွေ့ချင်လို့တဲ့"
ဆိုင်ကကလေးမလေးပြောသောကြောင့် သူမအဝေးမှ လှမ်းကြည့်လိုက်သည်
ခပ်ရွယ်ရွယ်လူတစ်ယောက်နဲ့ အသက်ကြီးကြီးအဘွားကြီးတစ်ဦး
" ဘာကိစ္စရှိလို့လဲရှင့်"
ရှင်နှောင်းထိုဝိုင်းကိုထိုင်လိုက်ရင်းမေးလိုက်သည်
" ရှင်နှောင်း..... "
အဘွားကြီးမှသူမလက်ကိုအားကိုးတကြီးဆုတ်ကိုင်လိုက်သည်
" အန်တီထား....."
ဇရာကြောင့်အန်တီထားရဲ့မျက်နှာအများကြီးပြောင်းလဲသွားခဲ့သည်
အန်တီထားပုံစံက အဆင်ပြေပုံမပေါ်......ချို့ချို့တဲ့တဲ့ဖြစ်နေသည့်ပုံစံ
အချိန်တွေလည်းကြာခဲ့ကြပြီကို
သူမကိုယ်တိုင်တောင်ဒီလောက်ပြောင်းလဲသွားခဲတာ
ရှင်နှောင်း အန်တီထားကိုဝမ်းသာအားရဖက်ထားမိသည်
အန်တီထားလည်းရှင်နှောင်းကိုတွေ့တော့မျက်ရည်တွေပါစီးကျလျှက်
"၈ နှစ်ကြာပြီရှင်နှောင်း....ရှင်နှောင်းကိုအန်တီထားလိုက်ရှာနေခဲ့တာ ....ဒီတစ်သက်ရှင်နှောင်းတို့ပြန်မဆုံနိုင်တော့ဘူးထင်ထားတာ အန်တီထားရယ် ခုလိုပြန်တွေ့ရတာဝမ်းသာလိုက်တာ"
အန်တီထားပြောတဲ့စကားတွေကထူးဆန်းလွန်းလို့ရှင်နှောင်းအနည်းငယ်မင်သက်မိသွားသည်
" အဟမ်း...."
ဘေးမှ သပ်သပ်ရပ်ရပ်ဝတ်စားအမျိုးသားတစ်ဦးမှ သူမတို့ကိုကြည့်ပြီးချောင်းဟန့်လိုက်သည်
"အန်တီထား ..... သူက ဘယ်သူလဲ" ရှင်နှောင်းအမေးကို ထိုသူက
" ကျွန်တော့်ကအထက်တန်းရှေ့နေစောမောင် ပါ ကျွန်တော်က ကိုထွန်းဝေရဲ့ရှေ့နေပါ"
"ကိုထွန်းဝေ" ရှင်နှောင်းတအံ့တဩဖြစ်သွားမိသည်
အံ့ဩခြင်းနဲ့အတူ.....သူမရင်ထဲလှိုက်ခနဲတင်းကြပ်သွားခဲ့သည်
" အန်တီထားရှင်းပြပါရစေရှင်နှောင်းရယ်"
အဲ့ဒီ့နေ့ကရှင်နှောင်းထွက်သွားပြီးတော့........
......................,.,........
ESTÁS LEYENDO
Hope (မျှော်လင့်ခြင်း)
Romanceအိမ်နဲ့အဝေးကြီးမှာ....... သူစိမ်းတွေရဲ့အလယ် ရှင်သန်ဖို့ကြိုးစားရတဲ့ရှင်နှောင်း ရက်စက်ယုတ်မာတဲ့လောကြီးမှာ အချစ်ဆိုတဲ့အရာနဲ့တွေ့ခဲ့တဲ့အခါ မိန်းမငယ်တစ်ယောက်ရဲ့ချစ်ခြင်းမေတ္တာတရားကအနိုင်ရမလား ရက်စက်တဲ့လောကကြီးကပဲအနိုင်ရမလား.... လူတွေဖြတ်သန်းရတဲ့ဘဝကိုယ်...
