Yours [COMPLETED] (Z+U)

🔥🔥 Part 18 🔥🔥

[ Unicode ]

<< မီးတောက်လေးခုဆိုတော့ ခင်များတို့ မျက်လုံးေလးတွေ ဘလင်းဘလင်းဖြစ်သွားတယ်မလား အဟင်း 🌚 >>

👇

သူ့သဘောနဲ့သူ ဆုံးဖြတ်ပြီး သူ့သဘောနဲ့သူ မပြန်ချင်ပါဘူးဆိုပြီး ဂျီကျနေတဲ့ ကောင်လေးနဲ့ မျက်နှာမှာ ဘာမှ မဖြစ်သလို ဟန်ဆောင်ပြီး ရင်ထဲမှာ ဝမ်းနည်းနေတဲ့သူတယောက်တို့က TV က လာနေတဲ့ ကိုရီးယား ဇာတ်လမ်းတွဲတခုကို အတူတူ ထိုင်ကြည့်နေကြတယ်။

အရင်ကလည်း ဒီလိုပဲဆိုပေမယ့် အရင်ထဲက မသွားချင်တဲ့သူနဲ့ ပြန်မလွှတ်ချင်တဲ့သူဟာ တညတာ အတူတူဖြတ်သန်းအပြီးမှာတော့ ပိုလို့ တွယ်တာလာပြီး အတူတူမရှိမယ့် တရက်အတွက်ကိုပင် စိတ်ထဲ မတင်မကျနဲ့ အလိုမကျဖြစ်နေရတယ်။

မျက်​ေမှာင်လေးကျုံ့ပြီး အာလူးကြော်တခုပြီးတခု အဆက်မပြတ်စားနေတဲ့ ပါးလေးတွေက ဘေးကကြည့်တာတောင် တလှုပ်လှုပ်နဲ့ အသည်းယားစရာကောင်းလောက်အောင် ဖောင်းတစ်နေတာကြောင်​့ Chanyeol က နှလုံးသားကလာတဲ့ အသံနဲ့ Baekhyun ကို နူးနူးညံ့ညံ့လေးခေါ်လိုက်တယ်။

" အချစ်~ "

" ဘာလဲ..! "

Baekhyun ရဲ့ ခပ်စွာစွာ အသံလေးကြောင့် Chanyeol မှာ မပြုံးပဲ မနေနိုင်..။ အာလူးကြော်အစပ်တွေကြောင့် အနည်းငယ် ရဲနေပြီး မသိမသာ ဆူထွက်နေသေးတဲ့ နှုတ်ခမ်းပါးလေးနဲ့ ဆူအောင့်အောင့်အသံလေးကပဲ ချစ်ဖို့ကောင်းလွန်းနေတာမို့ အသံထွက်ပြီး ရယ်လိုက်မိတော့ မျက်စောင်းလေးက ဒိုင်းခနဲ ရောက်လာသေးတယ်။

" ဘာရယ်တာလဲ.. ဟွန်း..! "

" မောင် အိမ်မပြန်ချင်ဘူးလို့~ "

Chanyeol က Baekhyun ပုခုံးသေးသေးလေးပေါ် ခေါင်းတိုးနေပြီး စူစူပူပူလုပ်နေပေမယ့် နှုတ်ခမ်းတွေကတော့ ပြုံးနေခဲ့တယ်။

Baekhyun ကတော့ Chanyeol ရဲ့ အဲ့ဒီစကားတခါကြားတိုင်း တခါနှာခေါင်းရှုံ့နေဆဲ။

" ဖယ်စမ်းပါကွာ.. မင်းဘာသာ လုပ်ချင်ရာလုပ်နေပြီးတော့ ငါ့ကို လာဂျီကျမနေနဲ့.. "

" အား... စိမ်းကားလိုက်တာ အူကြူးလေးရယ်.. မောင့်ကို မင်းတွေငါတွေတောင် သုံးနေပြီလား.. ဝမ်းနည်းတယ်ကွာ.. "