LOCK DOWN BREAKAGE (Complete )

LOCK DOWN BREAKAGE Episode -9

Uni

      LOCK DOWN BREAKAGE

    Episode -9

             

       Yibo Geရဲ့ကျောပြင်လေးကို လှမ်းမြင်နေရပေမယ့် Geဆီကို မရောက်ရှိနိုင်ဘူး။အနားကို တိုးလေ ဝေးကွာလေဖြစ်နေတယ်။ဘယ်လောက်ပဲ အော်ခေါ်နေပေမယ့် Geက ပြန်မလှည့်ကြည့်လာဘူး။ကျွန်တော် မောပန်းလာပေမယ့် Geဆီကို မရောက်ဘူး။Geက ကျွန်တော့် အသံကို မကြားလို့လား ။ဒါမှမဟုတ် ကျွန်တော့်ကို Geက ထားခဲ့ရက်နိုင်တာလား။ကျွန်တော် ရင်ဘတ်တစ်ခုလုံး တင်းကြပ်လာပြီး အသက်ရှူလို့ မရတော့ဘူး။မျက်ရည်တွေကတော့ ဆက်လက်စီးဆင်းနိုင်ပေမယ့် ကျွန်တော် အသက်မရှူနိုင်တော့ဘူးGe။ကျွန်တော် Geကို မထားခဲ့နိုင်ဘူးGe။ကျွန်တော့်ကိုလည်း ထားမသွားပါနဲ့။

"Ge.....Ge.................."

       Yibo မျက်လုံးတွေကို ဖွင့်ကြည့်လိုက်တော့ Geနဲ့ကျွန်တော့်ရဲ့အိပ်ရာပေါ်မှာပင်။ခုနက အိပ်မက် မက်နေခဲ့သည်လား။တကယ့်အပြင်မှာ ဖြစ်နေသလိုပင်။ကျွန်တော့်ပါးပြင်ပေါ်က မျက်ရည်တွေကတော့ အိမ်မက်ရဲ့သက်သေအဖြစ် ကျန်ရှိနေခဲ့တယ်။ကျွန်တော့်ရဲ့ နံဘေးမှာ Ge...Geမရှိတော့ဘူး။Geဘယ်သွားပါလိမ့်။

    ကျွန်တော် အိပ်ယာပေါ်ကနေ ကုန်းရုန်းထလိုက်တယ်။Ge...Geကို ရှာရမယ်လေ။

     "Ge....Ge...Zhan Ge"

      ကျွန်တော် Geကို ရေချိုးခန်းထဲမှာလည်း မတွေ့ဘူး။အပေါ်ထပ်က အခန်းအားလုံးကို ပတ်ရှာကြည့်ခဲ့ပေမယ့် Geရဲ့ အရိပ်ယောင်လေးကိုမျှ မတွေ့ခဲ့ရဘူး။အောက်ထပ်ကို အပြေးအလွှား ဆင်းလာတော့ တွေ့ပါပြီ။ကျွန်တော့်ရဲ့Geက မီးဖိုချောင်ထဲမှာပဲ။ကျွန်တော် မနက်စာပြင်နေတဲ့ Geကို နောက်ကနေ မလွတ်တမ်း သိုင်းဖက်လိုက်တယ်။

 

     "Yibo...Yiboဘာဖြစ်တာလဲ။Geက မနက်စာပြင်နေတာလေ။"

"ကျွန်တော်က Geပျောက်သွားပြီမှတ်နေတာ။အိမ်မက်ထဲမှာ Geက ကျွန်တော်ခေါ်နေတာကို လှည့်မကြည့်ဘဲ ထွက်သွားတယ်လေ။ကျွန်တော် ဘယ်လောက်ပဲ အော်ခေါ်နေပေမယ့် Geက တစ်ချက်လှည့်မကြည့်ခဲ့ဘူး။နိုးလာတော့လည်း Geက ဘေးမှာမရှိတော့ ကျွန်တော် ....ကျွန်တော်...."