أنتِ أمانتي

البارت 2

'' أنتِ أمانتي ''

للكاتبة زهراء المياحي

~'~'~'~'~'~'~'~'~'

اسيل: حسباله بعدني طفلة وسالم يضحك ويسولف وياي على باله نفسها أسيل الي عمرها خمس سنوات؛ هي رفعت راسها تباوع للصاله؛ لتفتت أشوف علياء وسالم واكفين بالدرج وسالم يباوعلي رافع حاجبه دنكت هما نزلو عفتهم اصعد وصعدت

سالم: شبيها؟

حياة: تعبانة من المدرسه

علياء: ليش تكول حامد وسالم بالعكس أني اتعامل وياها ك شابه

حياة: مو لان كلتلها ريتاج حفلة خطوبتها الجمعة ضاجت

علياء: إحنا قبل أسبوع ياله عرفنا مو مشكله تعرف اليوم او باجر

حياة: مادري بس هي ضايجة من شي يجوز تقي مضوجها هي كل متضوج تجمع تجمع بكلبها وتحجيها دفعة وحده

.............

أسيل: وكفت الم بالملابس ندگ الباب دخلت علياء؛ ابتسمت الي

علياء: شبي الحلو ضايج؛ أني مكلت لامج انج زعلانة لان البارحة سمعتي حامد ديمدح بجمال أم الأحمر سولفت وي سالم ضل يضحك عليج

أسيل: اي مو أني طفلة حتىٰ يضحك علي؛ لحظه بس لا يعرف أني أحب حامد؟

علياء: يجوز شاك بيج كتلج نضراتج فاضحتج

أسيل: تنهدت؛ من عمري 14 سنة واني أكتشفت أحبة؛ حتى لو جان مجرد اعجاب او حب مراهقه؛ بس الوحيد جان تعامله وياي غير يحسبني شابه جبيره واعيه مو طفله مثل ماتگلي امي

علياء: والله الصراحة تنكال حتىٰ لا تضوجين أي احسة حب مراهقة مو كل شخص تعامله ويانا زين نحبه صح لو لا؟

أسيل: أي أكيد؛ وهنا المشكلة؛ حاولت وحاولت اطلعه من بالي؛ لتفتت الها؛ شلون نوگف گلوبنا ونخليها بعد متحب؟

علياء: شگلچ؟؟ گلوبنا تحب من وحدها ساعات تحب اشخاص غلط نحبهم؛ شلون انسيچ هذا الاعجاب ؟

أسيل: صح هو صعب ينسي بس لازم اتحكم بي اذا متحكمت بي افقد السيطره؛ وانزل للهاويه بتسمت الي

علياء: وتعالي اكلچ؛ اتمنه اهلي يعتبروني طفله غير يدللون بيه؛ تخيلي ياخذوني من سالم ويرجعوني للبيت تعالي انتي اهواي عليج المسؤليه والحمل؛ الله فد شي

أسيل: هههههه

علياء؛ ها ولج شوفي ضحگتچ

اسيل؛ تسلمين دكتورتي النفسيه

علياء: هههههه بخدمتج؛ أمشي ننزل نأكل جعت أبني موتني

أسيل: قبلها اكلج شي؛ جريت نفس؛ حامد البارحه باسني؛ بعدني ماكملت شهگت

علياء: شنوووووووو كووولي والله خرررب يمته وين وشنو كلج ول...

أسيل: قاطعتها لا تخافين مو مثل متتصورين البارحة نزلت اشوفة لان حسبالي ما اخذ رقم ام الماروني ويراسل بيها فكلت أنزل وأشوف كلبي وجعني نزلت؛ هو سئلني ليش سهرانة كتلة اريد اشرب مي وسولفنا هيج عن الدراسه شجعني وتقرب باسني برأسي