أنتِ أمانتي

البارت 44

'' أنتِ أمانتي ''

للكاتبه زهراء المياحي.

___________+___________

أسيل: يعني أقصد خايفه من سالم ما يحبني..

حياه: هو صح هيج سوه ويكول ما اريد ابنج بس غصبا ما علي يتقبله لان ماله اي مفر مثل ما تقبل نور وهو مو يكول احبج هاي هي لعد....ما يكدر
ياذيج...

اسيل: هزيت راسي بتسمتلها... ماشي تصبحين على خير...

حياه: وانتي من اهلوا مو تنسين هاي اخر مره اشوفه هنا بالبيت..

اسيل: اكيد.... صعدت هي دخلت للغرفه هو كاعد على الجربايه حاط ايدي على راسه من دخلت كام...

سالم: ليش هيج سويتي؟! تردين تكليلها؟! مو كلتي اريد اسمعك واعرف ليش متريد اطفال وكتلج؟!

اسيل: هو اقترب رجعت ليوره...

سالم: وهسه بله شفسر تصرفاتج هاي؟!

اسيل: غريبه مو؟! كتلت ابنك وكتلت مرتك وجاي علي وتكول شفسر تصرفاتك؟! هم قاتل ومؤذي ومغتصب وجاي علي؟! اني شمدريني ما تجي تاذيني؟! بعد شمدريني ما جاي بس حتى تنام يمي وتكلت ابني... هااا... هو هز ايده وكعد على الجربايه...

سالم: تخبلت...

اسيل: انت خبلتني...

سالم: اعذرج على تصرفاتج... اني هم ما مقصر وياج.. وكبل حجيت كل شيء...

اسيل: خايفه منك أهواي...

سالم: باجر تكعدين وترجعين لصوابج... ياله لا توكفين اهواي انتي حامل مو زين...

اسيل: اقترب جرني من ايدي... كعدت على الجربايه اباوعله هو كعد نفس متسواي....

سالم: اني رايح... بس عرفي يا اسيل ما اعز اي شخص بالدنيا مثل ما اعز واحب نور وانتي ثنينكم الله لا يخيرني بينكم... اني عشت وكبرت وعيت...
سويت اشياء غلط واعرف راح بيوم اموت ندم عليها....اريد منج انتي اخر وحده تدخل حياتي... اخر حب الي... توكفين وياي...

_كلهن ما والمني وما تحملني غيرج... اريدج وياي... اعرف اطلب طلب كلش جبير منج... بس فكري بيه وبايامنا الي قضيناها من اول ما تزوجنا لاخر ما حملتي... اكو يوم رفعت ايدي عليج... ضغطت عليج من نمت وياج؟! واذيتج وخليتج تبجين كولي؟! احجي...اريد الصراحه هم سويت هيج بيج؟!

اسيل: هزيت رأسي بنفي..

سالم: اني انسان اريد كل شي موجود كبالي اريد اعرف الجواب قبل السؤال حتىٰ...وعندي قاعده بهل الحياه الي يكسر كلمتي مهما كان عزيز اكسر كلبه لو شنو الصار....اسيل خطيتي خطوه اني ما ردتها كتلج ما اريد طفل... وهسه عرفتي ليش...

اسيل: اي عرفت ليش...وياريت ما عرفت شنو تتوقع بعد الي كلته الي اشيلك بالحضن؟!

سالم: بس مهما كان متركيني بنص الطريق...مو عساس تكولين احبك رغم عيوبك الي مرت؟!
ليش اني مو عذبتج قبل اكثر واسوء بس مع
ذالك حبيتيني... واجتي الي ولحضني.. هسه شنو
الي تغير بس لان عرفتي اني قبل متزوج؟! ثنين؟!
قبلج؟! اني كتلج قبل بالخطوبه.. اني انسان صاحب علاقات اهواي...