أنتِ أمانتي

البارت 7

'' أنتِ أمانتي ''

للكاتبة زهراء المياحي

'~'~'~'~'~'~'~'~'~

أسيل: امي تصيح واني مغمضة عيوني لزمتني وطلعتني من الحمام ركض علي تقي دخلت للغرفة ودخلت وياي جمانة كامت تمسح الدم وتعقمه وامي تغسل وجهي بالمي كومتني وساعة اني بس اغسل بعيوني ابوي واكف فوك راسي فتحت عيوني باوعت للمراية راسي مشدود بشاش ابيض رجعت دنكت اغسل بيهن فتحتهن بالكوه اخخخ

حياة: ليش هيج مسوية بنفسج ليش

أسيل: مو اني

حياة: ليش تجذبين اسراء كالت

أسيل: ماما راسي يوجعني ما بية حيل احجي دخلت خالة هناء وبيدها اسراء

هناء: أسيل ليش هيج تسوين حتى تخلين احد يلتفت الج وينسى الي سويتي بنور كمتي ذبيتي تهمة براس بنتي ليش

حياة: عفىٰ عليج هناااء.... بنتي متسووويهااا

أبو أسيل: كاااافي الكل يسكتتت... أسيل احجي شنو الصار

أسيل: بابا انسى ما صار شي... اني الغلطانه

هناء: مو داكللكم بنتي... ما تسوي شي

أبو أسيل: ااااني مو كلت كاافي... ااااسيل اااحجي

أسيل: مردت اكول الي صار خاف خالة هناء تزعل وين تروح وهي بعد اسبوعين ترجع لتركيا ترجع زعلانة من ماما حجيت واني دموعي تصب؛ دخلت بنتج تنفخ بوجهي تعاتبني شلون اذيت نور هيچ عطت بيها شكو منو هي وتحاسبني؟ دفعتها وراحت دفعتني نضرب راسها بالحايط هي جرت العطر وگفختني بي

هناء: لعد ليش جذبتي وكلتي أسيل هي الي سويت هيج بنفسها

اسراء: موو

أسيل: قاطعتها... لا موو ولا غيرهاا صدكيني مدام هيج سويتي بية سااالم ولا يطيقج بعد

اسراء: اي هو بكيفج

أسيل: فوكاها؟؟ هي نزلت معصبه لتفت الي ابوي حجه بعصبيه

أبو أسيل: صدك جذب هاي سوالف اطفال مو بنات شابات... وكعتن من عيني

أسيل: نزل بابا وخالتي هناء امي تقربت كعدت يمي

حياة: نور يم خالتها

أسيل: شنوو يم خالتها ؟

حياة: من زمان اخذها سالم يم خالتها لان بقت تبجي... هو دزها لهناك ويكول بيبيتها مشتاقتلها

أسيل: بجيت... مااما اني شسويت لسالم ليش هيج دياذيني... ليش

حياة: عوفي واحد مخبل تخبل فد نوب علينا وهسة حيري براسج يوجعج؟

أسيل: نزلت جوه تمددت متاذيه؛ راحت لخالتها اكيد بعد مترجعها ليش هيج حظي وكت الدوام يحطوها فوك راسي وكت العطلة ياخذوها مني؛ اليوم شلون تنام؟! منو يبدللها هي تبجي علي لو تنسى منو يبدل حفاظتها منو يدرسها الوان وحيوانات نمت واني دموعي بعيني كعدت ثاني يوم رأسي يوجعني اخخخ نزلت جوه امي شافتني شهكت