أنتِ أمانتي

البارت 10

'' انتِ أمانتي ''

للكاتبة زهراء المياحي

°~°~°~°~°~°~°~°~°~°~°~°~°~°~

_نفتح الباب تفاجئت منو أريد ادير وجهي وأشوف بس الباب نسد على كيف؛ متحرگت؛ أسمع خطوات خفيفه بالغرفه؛ واحد صعد على الجربايه نزلت الجربايه بيه؛ بلعت ريگي؛ تمدد بصفي؛ احس بهالته وجسمه الثگيل؛ انفاسه مضطربه كامت تگفخ رگبتي؛  درت وجهي بخوف؛ گبل حط ايده على حلگي

سالم: اششش صوتج!!

أسيل: ما قاومت ولا رفست؛ من الصدمه جسمي گله باد وتجمد؛ باوعتله بصدمه اريد احجي قوه قبضته على حلگي

سالم: ولا تحجين ولا تتنفسين حتىٰ التزمي السكوت لان اجة دوري اريد احجي

أسيل: لزمت ايده اريد ابعدها عن حلگي؛ هو دفعها

سالم: تقربي مني اكثرر... خو ليش اني اقترب

أسيل: قرب مني شهگت؛ لزمت ايده غرست اظافيري بيها وعصرتها دفعت ايده؛ صحت بي؛ ليش هيچ تسووووي؟ شبيييك!!! تخليني افهما غيررر شي؟ اني شمسويتلك هيج تاذي بيه بس فهمني؟
گتمت دموعي عيوني غورگت؛ انت مستوعب الي دتسوي الي؟ ساااااالم هااااااي اوووول مرهه بحياااتي انت تقرررب مني هل القرررب وووين اكوو ابن عممم يتمددد بفراش بنت عمه ويسد حلگها يريد يحجي وياهااا ؟؟ شنووو نووع الحجي الي تريد تحجي؛ نفجرت ابجي؛ ليش تخليني افهما غير شي ليشش؛ جر نفس مسح دموعي

سالم: دموعج غاليه لاتبجين؛ اريد نرتبط بس طالب شي مستحيل؟ شي غالي؟ هو ارتباط

أسيل: شهكت... لالالا لا لاااااا تكوولها دفعت ايده
يا ارتباط انت شدتحجي ساااالم داخل للغرفه بنص ليل تگلي ارتباط من جدك تحجي؟

سالم: شبيج هيج متفاجئه اول وتالي راح ترتبطين مو شي جديد ماكو فرق لاتقنعيني هسه أنو انتي متردين گرايب وحامد؟

أسيل: قاطعته لا علساس انت المناسب الي؟! بس فكررر بيهاااا بس فكررر منو الي ينطيني الك؟ امي الي متطيقك؟ لو أبوي الي يحجي عنك جاااهل اني حتى مااا فكرت بيها باحلامي؟ نرتبط اني وياااك!

ذكرياتك انت وي علياء لحد الان بالي
ضحككم بالحمام بوساتها الك من ترجع للدوام بالي مستحيل ااااخذذذ وااااحد جان متزوج وياي بنفس البيت واشوف شلون يعامل مرته وهي تسولفلي عنكمممم؛ انت تخبلت؛ عوفنا من علياء انتتت اكبررر مني باكثر من عشر سنوات؛ ابوي برايك يقبل يزوجني منك هسه بس اريد استوعب انت يمته حبيتني؟

سالم: اني ما احبج

أسيل: اااامووووت ررروحي اااكتل نننفسي لا تخبلني سااالم لا تخبلني

سالم: صوتج لج لاتعلي

أسيل: اخذت نفس حط رجله على رجلي ضخامته وانفاسه؛ اخذ خصل من شعري يلعب بيها؛ كل ظني يحبني طلع أصلا مرايدني شبي هذا؟ قرب جرني اله  دفعته بقوتي عطت بي؛ انت متحبني واني هم اصلا اعتبرك اخوي الچبير مو ابن عمي