أنتِ أمانتي

البارت 4

'' أنتِ أمانتي ''

للكاتبة زهراء المياحي

~'~'~'~'~'~'~

أسيل: شنو مناسبه هذا السؤال؟ وشنو يقصد اني مربيه نور علمود منو؟؟؟ اجتي خالتي مگدرت اوجها واسئله طول الطريق اباوع للسيارات والاشجار بس بالي يمه؛ كل ساع اخطف نضرات اله شنو المقصد من كلامه؟! وكف السياره يم سوبر ماركت نزل نور ومازن خالتي مكدرت تجي ويانا رجليها يوجعنها نزلت وياه وهو يشتري لمازن ويرضي بين نور ومازن هما تعاركو نور تبجي ومازن عافنا وصعد بالسياره ضحك حامد ع هوستهم رجعنا للسياره

_وخالتي كعدت ترضي بمازن ميقبل زعلان نور من شافته كامت تبجي تريده هو اصر يخليها بحضنه حطيتها بحضنه واوصي عليها هو يلعب وياها وهي تجر بشعره صعد حامد للسياره يضحك

حامد: مو قبل شوي يتعاركون؟؟ شو هسه ضحك وسوالف

سعاد: اسول رضتهم

حامد: واني ساعه اقنع بيهم عمي أسيل ترهم لكل مشكله

أسيل: جريت حسره؛ وصلنا للبيت حطيت نور بحجلتها وانظف الممه هي تبجي شلتها العب وياها وانطيها بسكتها لليل وهي مسكتت بس تبجي تعجبت هاي اول مره هيج يصير وياي لزمت بطنها هي عاطت تبجي شلتها متوتره دخلت ع خالتي تسولف هي وامي لتفت امي واني دموعي تصب

حياة: شبيج!

اسيل: ماما بطنها كامت تاذيها؛ هي كامت ع سريع شالتها تباوعلي بخوف

حياة: لييشش شبيهاااا

اسيل: حجيت بخوف ورجفه؛ مااعرف الصبح ما بيها شي بس هسة واني جنت حاطة عيني عليها والله ولا شلتها بس مادري شبيها فجئه لزمت بطنها وازد المهام, اخذتها خالتي تدك ع بطنها

سعاد: اشكد صارلها مطالعه بطنها

اسيل: من البارحه

سعاد: صاير عدها امساك
عادي تصير عند الأطفال كلبتيها مناحه هههه

اسيل: اخذت نفس؛ اهدي لنفسي خالتي گالت لاتشيلين هم باچر ناخذها للدكتور

حياة: تعالي نشربها زيت زيتوون بلكت ترتاح بطنها

اسيل: خفت يصير بيها شي والله ما أرحم نفسي صدك مسؤلية صعبة تربي الأطفال خاصة الأطفال إلي مو الك تحس بمسؤلية أكبر تخاف تفقدهم وي صفنتي احس نور تريد توكع مني لتفت الها هي تقاوم حته تروح لسالم وهو واكف بالباب فاتح ايده الها ويباوعلها برود قربت انطيتها اله اخذها وراح لغرفته

_يوم ثاني بدلت ملابس نور ونزلت انطيتها لحامد ردت اروح وياها گلي سئلي ابوج اول مرحت لابوي مقبل گال تتبهذلين هي خالتج وابوها لاترحين كل؛ سكتت محجيت شي اخذو نور واني دخلت غرفه سالم رتبت ملابسها وغسلت ممتها عقمت اشيائها اجت يمي امي شافتني ضايجه حجت وياي من وره خشمها