قصة : { #العمل_الأسود } 🕯📿
الحلقة الثالثة { ٣ } 🧿
( يقعد مازن ف الأنتريه وتدخل شروق تجري ع جوة ، تدخل الأوضة ، تقرب ع المراية تشوف شكلها ، تلاقي نفسها حلوة ، تبتسم ، تقرب تخبط ع باب التويليت وتفتحه )
شروق : مروان اخوك برة
مروان ب استغراب : مازن !!
شروق : اه
مروان : طب حطيله حاجة يشربها عبال م اطلع
شروق : حاضر
مروان : وغيري هدومك دي ، انتي طلعتيله كدة ي شروق !!
شروق ب احراج : فكرته ماما ولا عزة 😕
مروان : غيري طيب
شروق ب مقاوحة : م انا قافلة الروب 🤷
مروان ب اصرار : قلتلك غيري يلا
شروق ب احباط : ماشي 🙄
( تروح شروق تلبس اسدال وهي متضايقة وتدخل المطبخ تحط عصير وتطلع بيه )
شروق وهي بتدي مازن العصير : اتفضل 😊
مازن وهو بياخده : تسلم ايدك 🍹
شروق وهي بتقعد : هو طالعلك دلوقتي ، بس كان بياخد دش
مازن ب احراج : معلش طلعت من غير م اقول كدة ، بس كنت حابب اعملهاله مفاجأة 😅
شروق ب ابتسامة : لا انت تطلع ف اي وقت ، دة بيتك يعني براحتك 🙂
مازن : الله يخليكي تسلمي ، انا لسة واصل والله
شروق : اه انت كنت بتدرس برة ف امريكا ، صح ؟
مازن : اه وخلصت الحمدلله
شروق : الحمدلله 😊
مازن : كان نفسي احضر فرحكم والله
شروق : لو نعرف إنك هتيجي قريب كدة كنا اجلناه لحد م ترجع طبعاً
مازن : الله يخليكي 😄
( يقرب مروان )
مروان : حمدلله ع السلاماااا 😃👋
مازن وهو بيحضنه : ايه ي عرييييس 😄
مروان : واحشني والله ♥️
( يقعده )
مازن : وانت كمان ، مكنتش قادر تستنى يومين الأمتحانات عشان احضر فرحك ي معلم ، دة انا كنت هخربهولك 😉
مروان : هههههه والله كل حاجة كانت بسرعة اسأل ماما وشروق 😄
شروق ب كسوف : اه والله فعلاً 😅
مازن : ع العموم مبروك ي شبح عقبال م احضر سبوع النونو كدة
مروان : حبيبي الله يخليك
مازن وهو قايم : اقوم انا بقا
( تضايق شروق وتبصله )
مروان : تقوم فين ي عم انت لحقت ، اقعد !
مازن : لا كفاية كدة انتوا لسة عرسان بقا مش عاوز ابقا رخم 😄
( تبتسم شروق ب احراج )
مروان وهو بيقوم : لا والله م هتنزل غير لما تتغدى معانا الأول
مازن : غدى ايه ي عم انا جعان نوم والله ، حتى امك ملحقتش اقعد معاها ، م المطار عليك ع طول
مروان : ماليش دعوة هتاكل معانا ☝️
مازن ب ارهاق : والله العظيم فاصل وهموت وانام 🤦
مروان : قلت هتتغدى ، م تقولي حاجة ي شروق ليفكرك بخيلة 🤷🏻♂
شروق ب ارتباك وهي بتقف : لا لازم طبعاً انا طبيخي حلو ع فكرة 😅
مازن : هدوقه وهقرفك كل يوم ، بس انهاردة مش قادر والله 🙅🏻♂️
مروان : خلاص عندي فكرة حلوة ، خليه عشا تكون نزلت نمتلك كام ساعة وظبطت حالك ، بالليل تطلع تتعشى معانا
مازن : م الأيام جاية كتير ي عم والله ، هروح منكم فين يعني 🤷🏻♂
مروان : خلصنا بقا ، قلتلك ع العشا اهو وهسيبك تنام براحتك
مازن : طيب ماشي 😊
مروان : لو مطلعتش هننزل نجيبك احنا هااا ☝️
مازن : هههههه لا هطلع والله ، هصحى واطلعلك 😄
مروان : ماشي ي حبيبي هنستناك
مازن : اوك ، عاوزين حاجة ؟
مروان وشروق : سلامتك
مازن : يلا باي ✋
( ينزل مازن بيتهم تحت )
شروق : شكله طيب اخوك 🙂
مروان : اه جداً ، برنس العيلة دة واخد الدلع كله
شروق : عشان الصغير ؟
مروان وهو بيقعد : عشان الصغير وعشان لسانه حلو مع الناس ، اي حد بيحبه وبيحب يتعامل معاه ، ودمه حلو مش رخم او م النوع الي كئيب ، بالعكس بيحب الهزار والضحك اوي
شروق وهي بتقعد جنبه : اممممم 🙂
مروان وهو بيقرب ع شروق : مش هتغدينا ولا ايه
شروق : اوك 😊
( تقوم شروق تدخل المطبخ تحضر الأكل وكل تفكيرها ف مازن ، طريقة كلامه ، شكله ، لبسه ، تصرفاته ، كلام اخوه عليه ، كل تفصيله فيه عمالة تتعاد ف دماغها وكل حرف وكل كلمة قالها ، تحت ، مازن قاعد مع مامته )
مازن : شكلها طيبة العروسة
الام : اه بنت ناس ع اد حالهم ومشفناش منها غير كل خير الحمدلله
مازن ب استغراب : اومال كنتي مقلقة منها ف الأول ليه ؟!
الام : من موضوع العفش بس وانا مكنتش طيقاها وقلت داخلين ع طمع ، وف الأخر قلت م كل دة ف بيت اخوك يعني 🤷
مازن : ايوة صح كله ف وشه ، وبعدين هو مش قليل ولازم بيته يكون مفروش كويس
الام : ايوة
مازن وهو بيقوم : انا هقوم انام بقا احسن مروان صمم اتعشى معاهم بالليل
الام : طيب ي حبيبي قوم
( ييجي الليل ، شروق ف المطبخ بتعمل ف الأكل وبتتكلم ف الفون )
شروق ب صوت شبه واطي : ي بت بقولك قمر قمر ، عارفة القمر والله م ييجي فيه شكة كدة 🤷
عزة ب حماس : يخربيتك شوقتيني اشوفه 😃
شروق : ف مرة تعالي واعملي حجة إنك بتسلمي ع حماتي وعدي عليها هتلاقيه تحت
عزة ب ضحك : من بكرة هكون عندك 😂
شروق : هههههه ، بجد انا لما شوفته مبقتش عارفة اتكلم ولا اشيل عيني من عليه ، دة كفاية عيونه يلهوي عليها ، ولا سماره ♥️
عزة ب قلق : يخربيتك طب وطي صوتك ل جوزك يسمعك ي زفتة 😐
شروق : بيتفرج ع ماتش كورة ف الأوضة بعيد عني متقلقيش
عزة : وانتي بتعملي ايه ء مش قاعدة معاه ليه ؟!
شروق ب ملل : زهقت من خلقته 🙄
عزة ب استغراب : انتي لحقتي ي بت !
شروق ب حيرة : مش عارفة ، انا من ساعة م شفت اخوه وانا مش طيقاه 😕
عزة : لاااا هو هييجي يقلبك ع جوزك ولا ايه ي حلوة 🤷
شروق وهي بتقلب الأكل : ولا قلب ولا نيل ، روحي يلا خليني اعمل الأكل عشان هيطلع يتعشى معانا
عزة : اخوه ؟
شروق : اه
عزة ب قلق : طيب وامسكي نفسك كدة ل جوزك يلاحظ طريقتك دي تبقا مصيبة !
شروق : متخافيش ي بت انا بهزر معاكي ي هبلة
عزة : طب يلا روحي شوفي الي وراكي ، سلام
شروق : ماشي ، سلام
( تقفل شروق وتكمل عمايل الأكل ، يعدي الوقت ، مازن ف اوضته نايم ، يرن فونه )
مازن ب صوت كله نوم : الووو 😞
ماجدة : الحلو الي نايم للعشا !
أنت تقرأ
قصة : ( العمل الاسود ) ل سهيلة سعيد المنجي
Romance_ السحر عمره م حرك قلب ، ولا عمره حرك روح ، السحر سر وقابل الجن انه بيه يبوح ، السحر جسد ، عروسة ورق ، وكل مجرب فيه مجروح .
