قصة : ( العمل الاسود ) ل سهيلة سعيد المنجي

الحلقة ١٣ و ١٤

قصة : { #العمل_الأسود } 🕯📿

الحلقة الثالثة عشر { ١٣ } 🧿

( يمشي مازن يروح ، يعدي الوقت ، تنتهي ميعاد الزيارة وتبات مروة مع شروق ويمشي الباقي ، تاني يوم ، مروة نايمة ع الكنبة وشروق ع السرير صاحية ، يخبط الباب وتدخل الدكتورة )
الدكتورة : صباح الخير
شروق : صباح النور
الدكتورة : عاملة ايه انهاردة ، حاسة بتحسن ؟
شروق : اه الحمدلله
الدكتورة : ايه بقا الي عملتيه اجهضك ؟
( تتخض شروق وكأن الدكتورة عارفة الي هي عملته )
شروق : ولا حاجة 😐
الدكتور ب شك : انا كاشفة عليكي قبل كدة وحملك كان طبيعي جداً ، اكيد في سبب !!
شروق : كنت بعمل ف البيت ، بس مش مجهود للدرجة ، وفجأة حسيت بالمغص ونزفت !
الدكتورة : امممم ، اكيد مجهود جامد !
شروق وهي بتبص ل مروة النايمة : لا بالعكس 😒
الدكتورة : ع العموم ربنا يعوض عليكي
شروق : إن شاء الله
الدكتورة : تقدري تخرجي اي وقت
شروق : شكراً
الدكتورة : العفو
( تمشي الدكتورة ، تتنهد شروق ب ارتياح ، تمسك الفون )
شروق : الو
مروان : ايه ي قلبي صباح الخير
شروق : صباح النور
مروان : عاملة ايه انهاردة ؟
شروق : وهو يعني انت سألت عليا م الصبح !
مروان : والله مطحون عمليات من ساعة م وصلت المركز
شروق ب زهق : ربنا يعينك ، انا هخرج الدكتورة كتبتلي ع خروج
مروان : هتطلعي دلوقتي ؟
شروق : ايوة المفروض البس وامشي
مروان : طب متقدريش تستني ساعة كمان بس 😬
شروق ب عصبية : لا مقدرش ي مروان ، هقول ل الدكتورة سبيني ساعة كمان ازاي ، انا هبقا اخد تاكسي انا ومروة سلام
( تقفل شروق )
شروق : مرواااا ، مروة اصحي
( تصحى مروة )
مروة وهي بتقوم : ايه ي شوشو ، انتي كويسة ؟
شروق : اه الدكتورة كتبتلي ع خروج
مروة وهي بتقوم : طب هتصل ب مروان اقوله
شروق : لا انا اتصلت بيه ، وراه عمليات مش جاي
مروة : هنروح ازاي طيب !
شروق وهي بتحاول تقوم : هناخد تاكسي
( تقرب مروة تسندها )
مروة : طب استني هشوف ميار لو مش ف الكلية تجيلنا
شروق : مش مهم ي مروة نروح احنا
مروة وهي بتمسك الفون : اصبري بس ، الو ، ايه ي ميار فينك ، طب تقدري تجيلنا ، اة شروق هتخرج ، ماشي يلا باي
( تقفل )
مروة : جاية
شروق : ماشي
( تساعدها مروة تغير هدومها ويستنوا ميار ، توصل ميار المستشفى )
ميار وهي ىتدخل : يلا بينا
مروة : يلا
( يسنده شروق وينزله بيها ، يلاقوا عربية مازن ومازن جواها )
مروة ب استغراب : ايه دة جبتي مازن !!
ميار : عربيتي مع بابا عشان عربيته بتتصلح ، اركبي قدام عشان المطبات
( يفتحولها قدام ، تسند ع العربية وتحاول تركب )
مازن وهو بيمدلها ايده : هاتي ايدك 👋🏻
( تسند ع ايده وتقعد ، يركبه البنات ورا ويمشوا ، ف الطريق )
ميار ل شروق : بقيتي احسن دلوقتي ؟
شروق : اه الحمدلله
ميار : هتحملي تاني ب اذن الله وهتكوني احلى ماما بالعالم 😊
شروق : تسلميلي ي روحي 🙂
( يوصله قدام العمارة ، ينزله البنات ويسندوها تنزل وينزل مازن ، يدخله البنات العمارة مسندينها ، يقربه ع الأسنسير ، يجري عليهم البواب )
البواب : عطلان ي باشا
مازن : لا والله !!
مروة ب خضة : يلهوي 🤦🏻‍♀
البواب : بعتنا نجيب المهندس ، زمانه ف السكة
ميار : قدامه اد ايه يعني ، دول تسع ادوار !!
البواب : ممكن نص ساعة الله اعلم 🤷🏻‍♂
مروة : كتير اوي !
شروق : مقدرش استنى نص ساعة ، وكمان لسة هييجي يصلح ، هطلع انا وخلاص
ميار : اه تعالي نحاول كدة مع بعض
( يسندوها وتطلع سلمة سلمة )
شروق ب تمثيل التعب : استنوا شوية بس 😔
( يقفوا )
مازن : وسعوا ي بنات
مروة : ايه !
( يقرب مازن ويشيلها ، تتخض شروق ب فرحة )
مروة : ي بني استنى هنطلع واحدة واحدة !
مازن : انتوا بقالكوا ساعة ف اول دور !!
شروق ب فرحة وكسوف : مازن دول تسع ادوار ، هتقع مننا كدة نزلني 😅
مازن وهو بيطلع بيها : لما اتعب هنزلك
( يطلعه دور واتنين وتلاتة والتسعة كاملين وطبعاً شروق هتموت م الفرحة ، يوصله قدام الشقة )
مازن : افتحي بسرعة 😑
( تجري مروة تفتح باب الشقة ، يدخل بيها )
مازن ب نهجان : احطك هنا ، ولا جوة ؟
شروق ب ضحك : ي عم ارميني ف اي حتة وخد نفسك بس 😄
الكل : ههههههه 😂
( يحطها ع الكنبة ويترمي جنبها )
مازن : جردل ماية بسرعة 😑
( تجري ميار تجيبله ماية ، يشرب الأزازة كلها ويفتح اول زرارين ف القميص )
مروة ب ضحك : ايه فرفرت ولا لسة 😂
مازن ب تعب وهو مغمض عينه : لو ماجدة ، لسة عندها امل ف جواز ، اشرحولها ظروفي 😓✋
الكل : ههههههه 😂
ميار : اجمد ي وحش ، اومال لو مراتك بتولد هتعمل ايه 🤷
مازن : اكيد مش هطلع بيها تسع ادوار ع رجلي ⁦!
ميار : ههههه انت وحظك بقا 😄
( يرن فون شروق )
شروق : الو ، اه وصلت ، مازن وميار جم خدونا ، الله يسلمك ، اوك سلام 
( تقفل )
مازن وهو بيقوم : هنزل انا
شروق : خليك خد نفسك الأول !
مازن : انا فل كدة ، لو في اي حاجة رنوا عليا 🤙
البنات : اوك
مازن : يلا سلام ، وحمدلله ع السلامة
شروق ب حب : الله يسلمك ♥️
( ينزل مازن وشروق بصاله ب حب ع الي عمله معاها ، تبدأ شروق تاخد موانع حمل ، بعد يومين ، شروق عند حماتها قاعدة )
الام وهي بتقوم : هعملك كباية عصير ب ايدي
شروق : تسلم ايدك ، مش عاوزة اتعبك
الام : لا ازاي ، مش هغيب
شروق : اوك 😊
( تدخل الأم المطبخ ، تقوم شروق تخبط ع باب اوضة مازن ، مازن واقف ف البلكونة )
مازن : ادخل
( تدخل شروق )
شروق : فاضي دقيقة ؟
مازن ب عدم ارتياح : تعالي 😐
( تدخل تقف معاه ف البلكونة )
مازن : عاملة ايه دلوقتي ؟
شروق : تمام الحمدلله ، انا مش عوزاك تزعل مني
مازن ب استغراب : ازعل منك ليه ؟!
شروق : ع الي حصل لما دوخت ، انا مكانش قصدي طبعاً ، بس مكنتش حاسة بنفسي ، وعيني كانت مزغللة وكنت تعبانة والله 😟
مازن : محصلش حاجة ي شروق ، انا نسيت الموضوع اصلاً ، انتي زي اختي ، وانا متأكد إنك مكنتيش قاصدة طبعاً 😒
شروق : ايوة اكيد
( تبدأ عيونها تدمع )
شروق : انا بس كان الحمل دة تاعبني بجد ، وشكل من كتر م كنت بقول كدة فارقني ، انا ام فاشلة والله 😔
( تصعب عليه )
مازن ب حزن : متقوليش كدة دة اكيد فيه خير ليكي ، افرضي كان كمل ولقدر الله جه ف شهر متأخر ونزل ، ولا خلفتيه فيه عيب ولا مشكلة ، كنتي هتفرحي وقتها ؟
شروق : لا طبعاً 😟
مازن : يبقا قولي الحمدلله بقا
شروق : الحمدلله ع اي حال
مازن : ب أذن الله ربنا هيعوضك
شروق : ب اذن الله ، ماجدة عاملة ايه ؟
مازن : كويسة الحمدلله ، انتي كويسة دلوقتي ؟
شروق : اه الحمدلله
الام من برة : ي شروووق ، انتي طلعتي !
شروق : هشوف ماما
مازن : اوك
( تقرب عليها شروق )
الام : كنتي فين ؟!