قصة : ( العمل الاسود ) ل سهيلة سعيد المنجي

الحلقة ٢١ و ٢٢

قصة : { #العمل_الأسود } 🕯📿

الحلقة الواحد والعشرون { ٢١ } 🧿

( تاني يوم ، ف شركة ابو ماجدة ، قاعد بباها ف مكتبه ، يخبط باب المكتب )
الاب : ادخل
( تدخل ماجدة )
ماجدة ب ابتسامة : هااااي 😊
الاب ب ترحيب : هااي ي قلبي تعالي ، دة ايه النور دة 😃
( تقرب تسلم عليه وبعدين تقعد ويلف يقعد قصادها )
ماجدة : عامل ايه ؟
الاب : الحمدلله ، اخيراً خرجتي 🤷🏻‍♂
ماجدة : اهو 😅
الاب : المهم انتي عاملة ايه ؟
ماجدة : انا فل
الاب : لسة مفيش اخبار عن مازن ؟
ماجدة ب حزن : تعبان ، كل الي اعرفه عنه إنه تعبان اوي 💔
الاب : مش المفروض تبقي معاه ف وقت زي دة ي ماجدة !!
ماجدة : حاولت ، بس هو مش عاوزني ، مش عاوزني معاه !
الاب ب استغراب : انا مش عارف بس ايه الي جرالكم !
ماجدة : انا نفسي مش عارفة 😅
الاب : بتعرفي اخباره من اخته ؟
ماجدة : اه ، من مروة وميار
الاب : طب وبعدين طيب ، م انتي لازم تخلي حياتك تمشي ، انتي كدة هتضيعي مني ، ولا بتاكلي ولا بتشربي ولا حتى بتخرجي من اوضتك !!
ماجدة ب ابتسامة : هبقا تمام متقلقش 😊
الاب : مش واضح !
ماجدة : بص ، هي حياتك بتبقا عادية جداً ، وفجأة ييجي حد يشقلبهالك ويعيشك احلى ايامك وتتعود عليه سنين ، لدرجة إن فراقه معناه موت ، لإن مينفعش تتفارقه ، وفجأة برضو يسيبك ، حتى من غير سبب من غير عتاب من غير كلام ، من غير اي حاجة تنبهك ، انت بس قمت صحيت اكتشفت إنه بعد وسابك كدة اتبخر ، دة مش بسيط إنه يعدي بالساهل 😅💔
الاب ب حزن : عارف ي قلبي 😟
ماجدة ب ابتسامة : بس انا هبقا تمام متقلقش 🙂
الاب وهو بيمسك ايدها : إن شاء الله هتبقي تمام
( ف بيت مازن ، مروة قاعدة ف الأنتريه مع مروان ومامتها )
مروان ب استغراب : التحاليل مفيهاش اي حاجة ، جسدياً صحته كويسة !
الام : الله اومال ماله بس !
مروان : لازم يروح ل دكتور نفساني ، هو سايب نفسه ينهار كدة !
مروة : مظنش مازن هيرضى
مروان : اهو نقولوله ونجرب
( يرن فون مروة ، تاخده وتدخل البلكونة )
مروة : الو
دياب : مروة عاملة ايه ؟
مروة : دياب ازيك ؟
دياب : الحمدلله ، بقولك انا كنت عاوز اقابلك ضروري
مروة ب استغراب : في حاجة ؟!
دياب : عاوز اشوفك ، الموضوع يخص مازن
مروة : طيب حاضر ماشي
دياب : هعدي عليكي اخدك
مروة : ماشي باي
( تقفل مروة ، يعدي الوقت ويوصل دياب ياخد مروة من قدام العمارة ويمشوا )
مروة ب قلق : قولي بقا في ايه ي دياب ، قلقتني !!
( يعدي الوقت ودياب حكالها كل حاجة حكهاله مازن قبل كدة ع شروق والي قاله مازن من شوية )
مروة ب زهول : انت بتهزر ، مازن وشروق ، ازاي 😦
دياب : الي بيحصل دة كله غصب عنه
مروة ب انفعال : غصب عنه ايه ، دة هي فضلت وراه لحد م وقعته مش غصب عنوووو 😧
( يركن دياب ع جنب )
دياب : لا مهو بصي ، انتي اه اخت مازن بس انا اعرفه من واحنا ف حضانة مع بعض ، ف انا بقا ادرى ب صاحبي ف دي ، مازن لا حب ولا هيحب حد غير ماجدة ، والي بيحصل دة ليه سبب ومتأكد إن الست دي عملاله حاجة ، لإن الي بيخون ي مروة مبيحسش بالزنب ⁦!
( تنزل دموعها )
مروة ب حزن : بس دة كتير اوي 😥
دياب : عارف ولازم نتصرف ، انا مرضتش اقول ل مروان لإنه مش هيصدقني والموضوع هيكبر اوي ومش هنقدر ساعتها نتصرف ، ف هتعرفي تثبتي معايا كدة وتهدي لحد م نعرف بالظبط في ايه ، ولا ارجعك زي م جبتك ؟
مروة وهي بتبص حواليها : انت جبتنا فين صحيح ؟!
دياب : دي منطقة شروق ، انزلي
( ينزله يتمشوا ، دياب يوقف واحد )
دياب : لو سمحت
....... : أأمر ؟
دياب : هو في واحد هنا اسمه مرزوق عبدالله ؟
....... : ايوة ابو شروق بتاع الموبايلات
دياب : ايوة هو دة 😃
........ : شايف الشارع الي هناك دة ، اول م تدخله هتلاقي بيتهم 👉
دياب : طب انا كنت عاوز يعني اقعد مع حد يعرفهم ، اصل انا كنت متقدم ل اختها وعاوز اسأل عنهم
....... : ااااه قلتلي ، لا ي باشا يبقا الي هيفيدك الولا حمو كاچو ، دة يعرف عنهم كل حاجة
دياب : حلو اوي ، الاقيه فين دة بقا ؟
....... : نفس الشارع الي وصفتهولك هتلاقيه قاعد ع القهوة
دياب وهو بيدي فلوس للراجل : شكراً ي شبح 👋
....... : حبيبي تؤمر 👋💵
( يمشي دياب ومروة يدخله الشارع ويسأله ف القهوة ع حمو كاچو )
القهوجي : اهو ي باشا الي قاعد دة 👈
( يقربه ع شاب بيشيش )
دياب ب رسمية : انت حمو كاچو ؟
( يتخض الشاب ويرمي الشيشة من ايده ويقف )
حمو : وربنا ي باشا عليا مراقبة وماشي ف السليم وبروح امضي كمان 😧✋
دياب : ي عم اهدى انا مش ظابط
حمو ب ارتياح : اومال اي الدخلة دي ي باشا 🙄
دياب : حقك عليا
حمو ب استغراب : مين حضرتك ؟!
( يشوف مروة )
حمو : والهانم ؟!
دياب وهو بيديله فلوس : انا عاوزك ف كلمتين بس وماشي
حمو : بس كدة ، كرسيين للبشوات يااااض
( يجري القهوجي يجر كرسيين ويحطهملهم يقعده )
حمو : خير أأمرني ؟
دياب : انا جاي أسألك ع مرزوق عبدالله
حمو : ابو شروق ؟
دياب : اه ابو شروق
حمو ب ترقب : تسأل عليه ازاي ولامؤخذة ؟!
دياب : متقدم ل بنته ، ف جيت أسأل
حمو : ل عزة ؟
دياب ب تفكير لإنه ميعرفش اخواتها : ااااا .........
مروة : اه عزة 😐
حمو : امممم ، وعاوز رأيي انا ؟
دياب : هما قالولي انت الوحيد الي هتفيدني
حمو : كلامهم صح ، بس انا مبحبش اخوض ف اعراض حد ولامؤخذة ✋
( دياب ومروة يبصه ل بعض )
دياب ب استغراب : ايه دخل الموضوع ف الأعراض ؟!
حمو : بص هما الأب والأم سمعتهم زي الفل ، وكمان عزة الي انت عاوز تتجوزها دي
دياب : اومال ايه المشكلة ؟!
حمو : ف اختهم شروق
دياب : مالها شروق ، الي اعرفه إنها متجوزة راجل محترم 😕
حمو : متجوزة بعد ايه ي باشا ، بعد م لفت ودارت 🤷🏻‍♂
مروة ب قلق : ممكن توضح اكتر معلش !
حمو : ممكن ي هانم ، مسألتوش نفسيكوا ليه الصغيرة اتجوزت قبل الكبيرة ؟
( يبصه ل بعض )
دياب ب فضول : ليه ؟!
حمو : عشان الصغيرة لامؤخذة ب عمايلها وقفت حال الكبيرة 💁🏻‍♂
دياب : ايوة عمايل ايه بقا ؟
حمو : بس كلام ف سرك ي باشا ، عشان دي اولاً اعراض ، ثانياً انا مش عاوز مشاكل ، انا كمان فتحت بيت الحمدلله ✋
دياب : قول ي حمو متخافش ، كلامك مش هيطلع برة !
حمو : انا كنت متجوز شروق دي
( يتصدمه )
دياب : متجوزهاااا 😳
حمو : عرفي
مروة ب صدمة : ينهار ازرق 🤦🏻‍♀
حمو ب قلق : باشاااا ، اوعا كلامي يطلع برة ⁦☝️⁩
دياب : ي عم متقلقش ، كمل بس !!
حمو : الكلام دة كان من فترة ، يعني من حوالي ٣ سنين كدة وكانت امي واخواتي عارفين يعني مش جواز حرام ، بس هي حملت وانا مكنتش اد مسؤلية عيال ، زي م انت شايف انا ع باب الله 🤷🏻‍♂
دياب ب فهم : اممممم 😐
حمو : ف سيبتها ونزلت العيل ب عملية ولبسوها ل واحد غني كبير ف السن
( دياب بيغلي من جواه هو ومروة 🔥 )
حمو : ف لو عاوز رأيي ونصيحتي ابعد عن البيت دة ، لإن اكيد هتلط اختها برضو 🤷🏻‍♂️
دياب : طب هما ليهم ف الأعمال والسحر والكلام دة ؟
حمو : الي زي دول ي باشا متستبعدش عنهم اي حاجة ، لإن مفيش ايمان ف قلوبهم إنهم يجوزه بنتهم ل واحد ويضحكه عليه ، ف اتوقع منهم اي مصيبة تانية 🤨