قصة : ( العمل الاسود ) ل سهيلة سعيد المنجي

الحلقة ١١ و ١٢

قصة : { #العمل_الأسود } 🕯📿

الحلقة الحادية عشر { ١١ } 🧿

مازن : صباح الفل ، القهوة والنبي ي ست الكل
الام : حاضر ي حبيبي
شروق : هعملهالك انا
الام : لا متتعبيش نفسك انتي روحي اقعدي
شروق : لا انا كويسة متخافيش
مازن : شكراً ي شروق 😊
شروق : العفو ❤
مازن : هروح البس عشان الشغل
شروق : انت بتشتغل ؟
مازن ب ضحك : اومال لأ 😂
شروق ب احراج : لامؤخذة 😅✋
( يمشي مازن يروح يغير هدومه ، تخلص شروق القهوة ، تقرب بيها عند اوضته وتخبط )
مازن وهو بيلبس القميص : ادخل
( تدخل شروق )
شروق : القهوة ☕
مازن وهو بيقفل زراير القميص : تسلم ايدك
( ياخدها منها يشربها )
مازن ب اعجاب : عليكي فنجان قهوة يظبط الدماغ 👌🏻
شروق : بالهنا يارب ♥️
( يسكتوا ومازن مستغرب إنها لسة واقفة ، يروح يلبس كوتشيه ويلبس ساعته ، تنتبه هي كمان ل وجودها الي مالوش اي لازمة )
شروق : محتاج حاجة تاني ؟
مازن : لا ي قلبي سلامتك
( تتخض شروق من كلمة قلبي وقلبها يدق بسرعة ، بالنسبة ل مازن قالها ب تلقائية مجاملة عادي هي زي اخواته ، لكن بالنسبالها كأن محدش ف الكون اتقالتله غيرها )
شروق : اوك 🙂♥
( تلف شروق عشان تخرج ، تجيلها فكرة شيطانية 💡 تسند ع الترابيزة وتعمل نفسها هتقع ، يشوفها مازن يجري عليها يسندها )
شروق ب تمثيل : اااه هقع 😞
مازن : ساندك متخافيش 😕
( يسندها تحط ايدها ع رقبته وتمسك ف ايده ، يقعدها ع السرير )
مازن : ثواني هندهلك ماما
( لسة هيمشي تمسك ايده )
شروق : لا لأ متخضهاش ، انا باخد نفسي بس ✋
مازن : طب ع مهلك !
( تسيب ايده )
مازن : اجيبلك ماية طيب ؟
شروق : لأ تسلملي
( تقوم شروق وتعمل نفسها هتقع تاني ، يحط ايده ف ضهرها يسندها ، تبقا قريبة منه اوي ، باصين لبعض ، كل مادا م شروق بتقرب وشها ل وشه ، خلاص فاضلها سم وشفايفها تلمس شفايفه ، تلمسها ، ينتبه مازن إن دة كله غلط ، يرجع وشه ل ورا يلاقيها بتقرب اكتر ، يسيبها تقع ع السرير )
شروق : ااه !
مازن ب احراج : اسف 😐
( ياخد الفون والمفاتيح بسرعة ويمشي )
شروق ب ندم : غبياااا 🤦🏻‍♀
( ينزل مازن وهو متوتر ومش ع بعضه ولا فاهم ولا قادر يستوعب هي ازاي عملت كدة ! يركب عربيته ويمشي ، يمسك الفون بتاعه )
مازن : ايه ي بني ، اه لسة نازل ، عاوز اقابلك ضروري ، تعلالي الشركة ، لما تيجي اقولك ، ماشي سلام
( يقفل مازن ، يرن فونه من ماجدة ، يتخض وقلبه يوجعه كأنه عامل مصيبة ، وهي فعلاً مصيبة ، ميردش عليها ، يعدي الوقت ، يوصل الشركة يلاقي صاحبه مستنيه ، ياخده ويدخله مكتبه )
دياب ب قلق : في ايه ي بني قلقتني !!
مازن : في حوار كدة ، بس ميطلعش ل جنس مخلوق برة ⁦☝️⁩
دياب : قول ي اخي سيبت ركبي !
( يحكيله مازن الي حصل من شروق )
دياب ب اندهاش : احيه بتهزر 😳
مازن : وربنا ، انا م الأول كنت بحاول اخد كل تصرف ليها ب هزار ، لكن دايماً نظراتها ليا مش متظبطة ، بس حاولت ع اد م اقدر منبهش نفسي ل كدة ، والي متأكد منه إن هي مثلت ومكانتش تعبانة وقت الي حصل دة 😐
دياب : الموضوع دة مينفعش يتسكت عليه
مازن : انت اهبل ، هتكلم ف حاجة زي كدة مع مين وازاي اصلاً 🤷🏻‍♂
دياب : لا مش قصدي كدة طبعاً ، قصدي إن انت لازم تصدها ، البسلها الوش الخشب لما تكونوا لوحديكم ، هي شيفاك بتهزر وتضحك ف فكرتك تيجي ف السكة الشمال ، ف عشان متتماداش فيها لازم تقلب عليها ⁦☝️⁩
مازن : يلهوي ، هي لسة هتتمادى 🤦
دياب : وانت يعني اخوك ساب بنات الدنيا كلهم وملقاش غير م المنطقة الوسخة دي !!
مازن : اتعرف عليها من مطعم كانت شغالة فيه 🙄
( يرن فون مازن ، يعمله سايلينت وميردش )
مازن : مش وقتك خالص
دياب : مين ؟!
مازن : ماجدة
دياب : م ترد عليها !
مازن : من ساعة الي حصل وانا حاسس إني خنتها ، مش هعرف اكلمها 😑
دياب : خنت ايه ي بني محصلش حاجة
مازن : لمستها ، لمستها ي دياب ، والنبي اسكت 🤦
دياب : طب متحطش الموضوع دة ف دماغك عشان كدة غلط وكلم خطيبتك
مازن ب تنهيدة : ماشي
دياب وهو بيقوم : همشي انا عشان ورايا شغل ، لو في حاجة كلمني 🤙
مازن : اوك
( يمشي دياب ، يرن فون مازن )
مازن ب تنهيدة : ايه ي قلبي 😑
( مروة قاعدة مع شروق )
شروق وهي بتقوم : انا هطلع بقا عشان عاوزة انام
مروة : طيب ماشي اطلعي ريحي
شروق : ابقي قولي ل ماما لما تصحى إني طلعت
مروة : ماشي ي روحي
( تطلع شروق شقتها ، تمسك الفون )
شروق : الو
رنا : ايه ي بت عاملة ايه ؟
شروق : الحمدلله ، وانتي ؟
رنا : اهو عايشة ، مبروك ع الحمل عزة قالتلي
شروق : الله يبارك فيكي ، فاضية ؟
رنا : انا مع محمد بنتفسح 😌
شروق : امممم ، يعني متعرفيش تجيلي ، عاوزة اقعد معاكي حبة
رنا : لو خلصت بدري هعدي عليكي
شروق : طيب ماشي 😒
رنا : سلام
شروق : سلام
( تقفل شروق وتدخل اوضتها ، تقف قدام المراية ، تفتكر الموقف ، تبتسم وتحط ايدها ع شفايفها )
شروق : هتقع هتقع 🙂
( يعدي الوقت ، مازن ف شغله مش عارف يركز نهائي ولا يشتغل ، يسيب الورق ويرجع دماغه ل ورا ويغمض عيونه ويتنهد 😑 عند مروان ف المركز ، يرن الفون بتاعه )
مروان : ايه ي مروة عاملة ايه ؟
مروة : كويسة ي حبيبي ، انت عامل ايه ؟
مروان : اهو بخير الحمدلله
مروة : كنت عوزاك تعدي عليا انهاردة قبل م تطلع البيت ، ينفع ؟
مروان ب قلق : في حاجة ولا ايه ؟!
مروة : لا عوزاك ف موضوع بس متنساش
مروان : طيب حاضر هعدي عليكي !
مروة : تسلملي 😊
( يعدي الوقت ، عند شروق ، قاعدة مع رنا )
رنا ب صدمة : يلهوي بتهزري 😳
شروق ب ندم : انا معرفش عملت كدة ازاي ، بس هو الي عنيه دوبتني يخربيته 🤦🏻‍♀
رنا : يخربيتك انتي دة اخو جوزك ، جوززززك احيييه 😱
شروق : خلاااص انا مش طارشة سمعتك ، وبعدين كان غصب عني قلت مكنتش قاصدة 🙄
رنا : انتي عينك م الولا دة صح ؟
شروق : انتي هبلة انتي لسة قايلة اخو جوزي 💁🏻
رنا : بقولك ايه ي شروق ، من غير لف ودوران كدة انتي عينك منه وهتموتي عليه ، وإلا مكنتيش عملتي الي عملتيه دة ، ومتخافيش سرك ف بير ، ف اتكلمي معايا بصراحة ، مش يمكن اقدر اساعدك 🤷
( تسكت شروق )
رنا : بالطريقة الي وقعت بيها محمد 😉
( تنتبهلها شروق )
شروق : ازاي ؟!
رنا : الأول تقوليلي كلامي صح ولا لأ 💁🏻
شروق : م انتي عارفة كل حاجة خلاص بقا 🙄
رنا : تقوليلي ب لسانك انتي ، لأن الي انا هقولهولك دة سر انيل من دة بكتير
شروق ب استغراب : في ايه ي بت ؟!
رنا : اخلصي ، بتحبيه صح ؟
شروق : ايوة بحبه ، قولي بقا وقعتي محمد ازاي ؟
رنا : عملتله عمل 😌
شروق ب زهول : يخربيت اهلك ، عمل ي رنا 😮
رنا : ايوة عمل يختي
شروق : ليه دة كله م كان يولع 🤷
رنا : انا الي هولع مش هو ، هو مليون بنت تتمناه ، وبعد م كان بيبصلي ب قرف دلوقتي مش شايف ف الكون دة كله غيري ، انا وبس ، ملكته ، ب اشارة مني يروح وب اشارة ييجي ، خاتم ف صوباعي 🙂👌
شروق : وانتي عوزاني اعمل عمل ل مازن ؟!
رنا : لو عوزاه يحبك زي م بتحبيه ويسيب الكل عشانك ، ويقف قصادهم كمان عشانك وتطلقي من جوزك وتتجوزه ، يبقا تعمليله