قصة : ( العمل الاسود ) ل سهيلة سعيد المنجي

الحلقة ٥ و ٦

قصة : { #العمل_الأسود } 🕯📿

الحلقة الخامسة { ٥ } 🧿

عزة ب تنهيدة : طيب افتحلي الأسنسير دة بقا
الامن : عزيييييز
( يجري البواب يقرب عليهم )
البواب : طلع الهانم شقة دكتور مروان
البواب : عنيا حاضر
( يفتحلها الأسنسير ، تدخل عزة ب خوف )
عزة ب قلق : بقولك ايه ، انت تطلع معايا 😕
البواب : انتي خايفة ؟!
عزة : ايوة انا اول مرة اركبه !
البواب وهو بيدخل معاها : طيب حاضر
عزة : معلش ي عم عزيز
البواب : لا ي بنتي ولا يهمك
( يطلعه اول ٣ ادوار وعزة مرعوبة )
عزة : لا معلش اقف 😬
البواب : م انا معاكي اهو !
عزة : معلش اقف وخرجني انا دوخت ، هطلع الباقي ع رجلي
البواب : حاضر
( يوقف البواب الأسنسير وتطلع عزة باقي الأدوار ع رجليها ، تطلع عند شقة حمات شروق تلاقيهم واقفين ع السلم ماشيين )
الام ب قلق : ايه دة ، مالك ي حبيبتي ؟!
عزة وهي بتنهج : اصل طالعة ع رجلي 😑
مروان ب استغراب : ليه الأسنسير عطلان ؟!
عزة : لا انا خفت منه بس
مازن : احيه وطلعتي كل دة !!
( تنتبهله عزة )
عزة ب ارتباك : اااا لا ركبت لحد الرابع ، وبعدين قلت للبواب يخرجني 😐
الكل : ههههههه 😄
مروة : بكرة تتعودي عليه
عزة : اه ، هطلع انا ، عن اذنكوا
مازن : ادخلي خدي نفسك طيب !
الام : ايوة تعالي ، السلم عالي !
عزة : الله يخليكوا ، عشان بس شروق مستنياني ف متقلقش عليا 😅
الام : طيب ي حبيبتي ع مهلك
( عند شروق ، يخبط الباب ، تقوم تفتح )
شروق : تعالي ي زوزة
عزة ب تعب : يختي الأسنسير دة يخوف اوي !
شروق : عشان دور عالي بس
عزة وهي داخلة : اه السلم ارحم 🤷
شروق : تعالي خدي نفسك
( يقعده )
شروق : عاملة ايه ؟
عزة : اهو فل الحمدلله ، مش شفت اخو جوزك
شروق : مازن ؟
عزة : اه يختي
شروق : ايه رأيك ؟
عزة : رأي ايه بس ، انا مش عارفة ازاي دة اخو مروان ، مش شبه بعض نهائي 🤷
شروق : لا هما فيهم شبه من بعض لو دققتي ، بس السن عامل فرق طبعاً
عزة : ايوة طبعاً ، بس صراحة الولا زي القمر ، يحل من ع حبل المشنقة ، ايه الحلاوة دي ابن الكلب طول ب عرض ، دة عنده عضلات زي الي ف الأفلام الأجنبي 😂
شروق : هههههه اه ، انتي شوفتيه ازاي ، حودتي ع حماتي ؟
عزة : وانا طالعة شفته ع باب حماتك مع جوزك وامه واخته ، شكلهم رايحين مشوار مهم 🤔
شروق : اه رايح يتقدم ل واحدة
عزة : لا والله !
شروق : والله
عزة ب حسد : ي بختها بنت المحظوظة 😕💔
شروق ب ضيق : والله الواحد ندم إنه استعجل ع ام الجواز
عزة ب استغراب : ندمتي ليه ؟!
شروق : ايوة م كنت صبرت اخدت واحد حلو ومن سني ، لا بصيت للزفت الفلوس ، طب مهو مازن اهو مال وجمال ودم خفيف ودارس برة وكل حاجة زي الفل ، بس هو استعجال اهلي دة الي جابني ورا 🙄
عزة : يختي قولي الحمدلله ، غيرك ولا لاقيين مال ولا جمال ، ع الأقل لحقتي حاجة فيهم ، وبعدين م انا قدامك اهو متلقحة 🤷
شروق : انتي الي فقرية ، انا والنعمة لو مكنتش متجوزة وواحد زي مازن دة قصادي كنت وقعت امه ف حبي وخليته خاتم ف صوباعي كمان 🙂
عزة : بس انتي بتقولي رايح يتقدم ل واحدة !!
شروق : انا بتكلم عمتاً مش ع مازن بالتحديد ، وبعدين دة فكك منه مظنش انتي تنفعي ع سكته
عزة : ومنفعش ليه يختي وحشة 😏
شروق : لا عشان انا حطيته ف دماغي
عزة ب خضة : انتي هبلة ولا ايه ، انتي متجوزة !
شروق : هطلق
عزة ب صدمة : ي بنت المجنونة بتقولي ايه 😳
شروق ب برود : ايه في ايه ؟
عزة : انتي بتهزري صح ؟!
شروق ب توتر : اه طبعاً ، انتي هبلة ولا ايه 🙄
عزة ب ارتياح : خضتيني يخربيتك 😑
( يعدي الوقت ، جوة ڤيلا صغيرة شيك جداً ، قاعد مازن واهله مع ماجدة واهلها بيتكلمه )
ام ماجدة : مشاء الله ، كبرت ي مازن 😃
مازن : اخر مرة شفت حضرتك فيها كنت ف امتحانات تالتة ثانوي 😅
ام مازن : الولاد بيكبره بسرعة عن البنات
مازن ب ضحك : اه زي الكلاب كدة 😂
الكل : ههههههه 😆
( يغمز ل ماجدة من غير م حد ياخد باله ، تبتسم ب كسوف )
ابو ماجدة : يلا اهو هنخلص منكم ومن زنكم 🤷🏻‍♂
مازن : خلصنا دراسة اهو ملكوش حجة بقا
مروان : نحدد الخطوبة ب اذن الله
ماجدة ب كسوف : كنت انا ومازن متفقين إنها تبقا يوم عيد ميلادي ، لإنه قرب وكدة 😅
مروة : ايوة بقا متفقين ومخططين كل حاجة ، طب قولي دة انا حتى اختك 😉
مازن : وانتي مالك ي رخمة ولا اعرفك 🙄
الكل : ههههههه 😄
مروة : لا ريلي اصيل 😂
( يعدي الوقت ، عند شروق وعزة )
عزة : وانتي مرحتيش معاهم ليه ، انتي مش مرات اخوه الوحيد !!
شروق : مقاليش تعالي معايا ، ومجاش ف بالي اروح تصدقي 😕
عزة : لا كان المفروض تروحي عشان كمان العروسة الجديدة تعرف إنك ليكي وضع معاهم ، وإنك مهمة ف كل حاجة
شروق : خلاص مش مهم يعني !
( يلاقوا الباب بيتفتح بالمفتاح ويدخل مروان ، تحط عزة الطرحة ع راسها )
شروق ب انفعال : مش ترن الجرس ي مروان عزة قاعدة براحتها 🤷
مروان ب احراج : معلش والله مختش بالي معرفش إنها لسة هنا !
عزة ب ارتباك : حصل خير ، براحته يعني دة بيته 😅
مروان ب اسف : لامؤخذة ي عزة انا اسف ✋
عزة : لا يخويا ولا يهمك
مروان : عن اذنك
عزة : اتفضل اتفضل
( يدخل مروان اوضته )
عزة ب صوت واطي : هبيتي ف الراجل كدة ليه يخربيتك ي شيخة 😐
شروق : ولا هبيت ولا نيلة ، مش في حريم قاعدة الله 😑
عزة : وهو ايش عرفه يعني ، انا قايمة مروحة
شروق : رايحة فين باتي معايا
عزة : ابات ايه انتي اتهبلتي ، انتوا عرسان !
شروق ب تريقة : عرسان ايه بقا ، العرسان اخو الأستاذ والحلوة الجديدة ، احنا قدمنا خلاص 😏
عزة وهي قايمة : والله دة بقا بالذات ف ايدك تفضلي عروسة طول العمر ، يلا سلام ✋
شروق : سلام يختي 🙄
( تمشي عزة ، تدخل شروق ل مروان ، تلاقيه بيغير هدومه )
شروق : مروان
مروان : اممم ؟
شروق : معلش متزعلش مني ، انا بس خفت عزة تكون اتحرجت منك
مروان : لا مفيش حاجة ، انا بس فكرتك لوحدك
شروق : حصل خير ، عملته ايه مع اهل العروسة ؟
( يحكيلها )
شروق : امممم ، يعني الخطوبة الأسبوع الجاي ؟
مروان : اه ، والنبي حضريلي العشا بسرعة عشان هصحى الصبح بدري وهموت وانام
شروق ب زهق : ماشي 😒
( تدخل شروق المطبخ تحضر ف الأكل وكل تفكيرها ف عروسة مازن ، شكلها ، اسلوبها معاه ، علاقتهم عاملة ازاي ، مازن تحت ف اوضته بيتكلم ف الفون )
مازن : جبته بس قلتلك عاملهولك مفاجأة ، متبقيش رخمة بقا 🙄
ماجدة : وحياتي ي مازن هموت واشوفه 🙏🏻
مازن : عشان خاطري خليها يوم الخطوبة
ماجدة : بتحلفني ليه بس 🤦🏻‍♀
مازن : اقنعتك 😁
ماجدة ب ضحك : لأ 😂
مازن : ههههه مفيش فايدة 😂💔