قصة : ( العمل الاسود ) ل سهيلة سعيد المنجي

الحلقة ١٩ و ٢٠

قصة : { #العمل_الأسود } 🕯📿

الحلقة التاسعة عشر { ١٩ } 🧿

مازن ب تعب : مش عارف 🤦
شروق : لازم تكشف
مازن : رحت انهاردة قاله مفيش حاجة !
( تفتكر شروق إنه شارب العمل وممكن يكون دة السبب ، بطنها توجعها وتحس بالخوف )
شروق ب توتر : ااا يبقا ممكن خدت برد ف معدتك بس 🤷
مازن وهو بيقوم : ممكن
( يطلع م التويليت ، تطلع وراه ، تحضنه من ضهره )
شروق : مازن
مازن : امممم ؟
شروق : عوزاك تسيب ماجدة 🙂
( قلبه يوجعه غصب عنه 💔 )
مازن : ماجدة !!
شروق : ايوة ، انا عوزاك ليا لوحدي ، سيبها 🖤
مازن : هسيبها 🙂
( تبتسم شروق وتحضنه اكتر ، وفجأة ، يرن فون مازن ، يتخضوا ، يقرب مازن ع الفون ويرد )
مازن : الو
مروة : ايه فينك ؟
مازن : ليه ؟
مروة : بسأل عادي ، كنت عوزاك 😕
مازن : عوزاني ف ايه ؟
مروة ب استغراب : في ايه ي بني بتتكلم كدة ليه !!
مازن : هتخلصي ولا اقفل ؟
مروة : لا اقفل ي مازن 🤷
( يقفل ف وشها )
ميار : ايه ؟
مروة ب استغراب : قفل ف وشي 😐
ميار : لا والله !!
مروة : وربنا ، وبيكلمني ب كل حقارة !!
ميار ب استغراب : ايه دة ليه ؟!
مروة : مش عارفة !
( فوق )
شروق : مين ؟
مازن : دي مروة
شروق : في حاجة ؟
مازن : مش طايقها ولا طايق حد خالص 🤦
شروق وهي بتحط ايدها ع خده : حتى انا 🙂👋
مازن وهو بيبوس ايدها : انتي مفيش ف دنيتي غيرك اصلاً ، مش طايق حد ولا عاوز اعرف حد غيرك ، عاوز ابقا معاكي انتي وبس ⁦♥️⁩
( يبوسها ، يعدي الوقت وييجي الليل ، مازن ف اوضته بيتكلم ف الفون )
مازن : مبهزرش
ماجدة ودموعها بتنزل : لا بتهزر اكيد ، انا عملتلك ايه عشان تسيبني 😧
مازن ب برود : مش عاوزك
ماجدة ب عياط : مازن بطل بالله عليك اسكت ، ولو بتهزر بلاش كدة 😥💔
مازن : مبهزرش ، والي بينا انتهى ، ماشي
ماجدة ب استغراب : كدة فجأة ، بعد كل دة نهيت كل حاجة فجأة كدة ، انا عملتلك ايه !!
مازن : خلصنا بقا 🙄
ماجدة : ماشي ، ماشي ي مازن براحتك بس ..........
( تلاقيه قفل ف وشها ، تتصدم ، تسيب الفون وتتفتح ف العياط ، تاني يوم ، يطلع مازن من اوضته ولسة هيمشي ............ )
مروة : مازن
( يبصلها )
مروة : عوزاك 😐
( تروح تقعد ف الأنتريه ، يتنهد ويروح وراها )
مازن وهو بيقعد : نعم ؟
مروة : انت ليه بتتعامل معانا بالأسلوب دة ؟!
مازن ب برود : الي هو ايه ؟
مروة : عصبية وكلام ناشف ومش طايقنا ، حتى ماجدة اشتكت منك لما هزقتها ف المستشفى 💁🏻
مازن : اديني سيبتها عشان ترتاحوا كلكم 😊
( تتخض مروة )
مروة : سيبتها 😦
مازن : اه سيبتها 
مروة : انت بتهزر مش كدة ؟!
مازن : انتي شايفة ايه 🙂
مروة : كدة من غير سبب ، عملتلك ايه البنت 🤷🏻‍♀️
مازن : مش طايقها ولا طايقك ولا طايق اي حد ، ولا حتى امك الي جوة دي طايقها 💁🏻‍♂
مروة وهي بتقوم تقف ب خضة : انت ايه الي بتقوله دة ، انت جرا ل مخك حاجة 😧
( تقرب امهم )
الام ب قلق : في ايه ي ولاد ؟!
مازن : اه اتجنيت عقبالكم كلكم
مروة : لا انت لازملك حد يوقفك عند حدك ⁦☝️⁩
مازن وهو بيقوم يقف قصادها : الي عندك اعمليه 😊
مروة : انت مستفز ي اخي ، يخربيت بردوك ايه دة !!
مازن : مش ابرد منكوا ولا ابرد من عيشتكم الوسخة
( تتخض مروة من كلامه وفجأة ، تديله امه بالقلم )
الام ب قهرة : لما تتكلم مع اختك تتكلم ب ادب ، ايه الي انت بتقوله دة 😦
مازن ب تريقة : ب ادب اه ، مربتنيش كويس انتي خلي بالك ⁦☝️⁩
الام : فعلاً انت محتاج تربية من اول وجديد 😐
مازن ب استفزاز : ربيني بقا ، لو قدرتي 🙂
( يسيبهم ويدخل اوضته )
مروة ب عياط : ماما مازن ماله بجد 😥
الام : مش عارفة ي بنتي !!
( تاني يوم ، يخبط باب بيت مازن ، تقرب ميار تفتح )
ميار : ماجدة !
ماجدة : ازيك ؟
ميار : الحمدلله ، تعالي ادخلي
( تدخل ماجدة )
ماجدة : مازن هنا صح ؟
ميار : اه انهاردة اجازته ، هو ف اوضته
ماجدة : طب انا هدخله ، محتاجة اتكلم معاه 😕
ميار : ايوة ايوة ادخليله ، هعملك عصير
ماجدة : تسلميلي
( تقرب ماجدة عند اوضة مازن ، تاخد نفس طويل وتخبط ع الباب ، محدش يرد ، تخبط تاني ، يفتح مازن )
مازن : ماجدة !!
ماجدة ب حزن : عاوزة اتكلم معاك 😟
( يدخل مازن يقعد ع سريره ، تدخل وراه ماجدة )
مازن وهو باصص للأرض : ايه الي جابك ؟
ماجدة وهي واقفة قصاده : جيت افهم
مازن وهو بيبصلها : تفهمي ايه ؟!
ماجدة : افهم ليه عملت معايا كدة !
مازن : هو لما واحد ميبقاش عاوز يكمل مع واحدة يبقا لازم يحط تفسيرات ومبررات 💁🏻‍♂️
ماجدة وعيونها بتدمع : لما تبقا الواحدة دي معاه بقالها اكتر من خمس سنين ، وفضل معاها ع الحلوة والمرة ، واستناها وبعدين خطبها عشان يكمله حياتهم سوا ، وعيشها اسعد ايام حياتها ، وييجي فجأة يسيبها يبقا لازم يحط تفسيرات ومبررات 💔
( يقوم يقف قصادها )
مازن : وانا معنديش حاجة افسرهالك 🤷🏻‍♂️
ماجدة ب كسرة : ي مازن حرام عليك الي انت بتعمله فيا دة ، انا بسببك نفسيتي زي الزفت وتعبانة والله ، لازم تفهمني انا عملتلك ايه 😥
مازن ب حيرة : معرفش ، بجد معرفش ، انا بس كارهك مش اكتر ، مستحقرك كدة مش طايقك 😐
( تنزل دموعها )
ماجدة ب عياط : انا مش عارفة اقولك ايه ، انت بجد صدمتني فيك 💔
مازن وهو بيشدها من وسطها عليه : ايه دة بجد مصدومة 🤨
ماجدة وهي بتزقه : اوعا 😕✋
مازن : اوعا ليه ، مش انا مازن حبيبك
( بيحاول يبوسها )
ماجدة وهي بتقاومه وبتعيط : كنت حبيبي ، دلوقتي انا معرفكش ، اوعاااا 😣
( تزقه وتمشي منهارة م العياط ، يبتسم مازن ب سخرية ، تشوفها ميار وهي ماشية )
ميار وهي بتقوم : ماجدة !!
( متردش ماجدة وتمشي )
ميار : في ايه بس يارب 🤦🏻‍♀️
( تعدي الأيام وع دة الحال ، مازن خناق دايماً مع امه واخواته وماجدة ميعرفش عنها حاجة من اخر مرة وكل حياته شروق ، حتى الأكل والشرب مبقاش بياكل ولا بيشرب غير من ايدها لما خس النص وبدأ يبان عليه التعب والأرهاق دايماً ، حتى شغله مبقاش يروح وخد اجازة طويلة ، شروق قاعدة مع رنا )
شروق ب خضة : ينهار اسود ، محمد مات 😳
رنا ب حزن : ايوة 😔
شروق : ازاااااي ؟!
رنا : بسبب ام العمل والزفت،  موته بسببي ، جم يصحوه م النوم لقوه نازف دم من بؤه ومناخيره وعنيه وميت 😥💔
شروق ب خضة : ينهار اسود ينهار اسود ، وعرفه اهله ؟
رنا : لأ طبعاً ، بس من سبب الموت انا فهمت لإن قعد من فترة يشتكي ب معدته لإن العمل ف معدته 
شروق ب خوف : احيه طب اعمل ايه ، انا مش عاوزة مازن يموت 😧
رنا : هو بيشتكي ب حاجة ؟
شروق : كان ب معدته برضو
رنا : كان ، يعني مبقاش دلوقتي ؟
شروق : لا دلوقتي لأ
رنا : طب خلاص يبقا هو كويس
شروق : انا عاوزة افك العمل 😟
رنا ب خضة : تفكي ايه انتي اتهبلتي !!