قصة : ( العمل الاسود ) ل سهيلة سعيد المنجي

الحلقة ١٧ و ١٨

قصة : { #العمل_الأسود  } 🕯📿

الحلقة السابعة عشر { ١٧ } 🧿

( شروق خلاص هتفرقع ومازن اتعمد يفرسها اكتر 🔥 )
ميار : ايه ي عم راعي شعورنا ، نمشي ولا ايه 🤷
مازن : لا تمشوا ليه دة انتوا منورنا خالص 😏
مروة : دة نورك يخويا 😄
ماجدة : مش هتروح عشان شغلك ؟
مازن : لا اخدت اجازة
ماجدة : ليه كدة ، انا بقيت كويسة
مازن : مينفعش اسيبك لوحدك ⁦♥️⁩
ماجدة : ماما راحت تغير هدومها بس وراجعة
مازن : ماليش دعوة ب حد ، انا هفضل معاكي
ماجدة ب حب : ماشي ي بيبي 😍
( تفتكر شروق لما كانت تعبانة ومروان سابها ف المستشفى وراح شغله ، تتحرق اكتر 🔥 مازن وماجدة عمالين يضحكه ومقرب منها اوي وبيقوله كلام محدش سامعه غيرهم ، شروق تجيب اخرها )
شروق وهي بتقوم : انا هروح ، همشي 😐
ميار : م تقعدي هنروح سوا !
شروق : لا خليكوا انتوا ، انا رايحة عند ماما مش مروحة البيت
ميار : طيب ماشي
شروق وهي بتبص ل ماجدة : الف سلامة
ماجدة : الله يسلمك ي شروق ، تعبتك شكراً ع سؤالك 😊
شروق : لأ العفو ، سلام
( تمشي شروق م المستشفى وهي ع اخرها ، تركب تاكسي وتمشي ، توصل بيت رنا ، تخبط ع الباب ، تفتحلها )
رنا : ايه الي اخرك كدة ؟!
شروق : كنت بزور واحدة 😒
( بعد يومين ، ام مروان تعزمهم كلهم ع الغدا إلا مروان ف شغله ، الكل قاعدين بيتغده ، شروق تقوم )
مازن : رايحة فين ؟
( يستغرب الكل سؤاله وأولهم شروق )
شروق : هجيب ماية ،!
( يبص مازن ل طبقه ويكمل اكله ويكمل الباقي وتروح شروق تدخل المطبخ تشرب وترجع ، يبصلها مازن لحد م تقعد ، تلاحظ ماجدة ، تبصله ب استغراب ، يخلص الكل اكل وتدخل شروق المطبخ تعمل الشاي ، يفضل مازن باصص ع المطبخ ، وفجأة ، يقوم يدخل البلكونة ، ياخد نفس طويل ويمسك دماغه )
مازن ب تعب : ااااه 😑
( تدخله ماجدة )
ماجدة ب قلق : مالك ي مازن ؟!
مازن : دماغي مصدعة اوي 🤦
ماجدة : من ايه ي قلبي ؟!
مازن : مش عارف ، من امبارح ع كدة وخدت مسكنات بالهبل
ماجدة : ممكن يكون ضغط شغل
مازن : امبارح كنت اجازة وانهاردة مرحتش
ماجدة : طب من ايه كدة فجأة !!
مازن ب نفاذ صبر : معرفش معرفش 🙄
ماجدة : طب اهدى طيب ، في ايه مالك ؟!
مازن ب انفعال : ي ستي م قلتلك مصدع 🤷🏻‍♂
ماجدة : طب هعملك قهوة
مازن : لا خليكي انتي ✋
( يدخل مازن م البلكونة ويقرب ع المطبخ )
مازن : شروق ممكن تعمليلي قهوة ، لو سمحتي 😐
شروق ب فرحة : اه حاضر عنيا 😊
( تبدأ تعملها ، تقرب عليه ماجدة )
ماجدة : يعني هي من شروق حاجة ومني حاجة !!
مازن : بطلي ام تفاهه بقا 🙄
( يسيبها ويروح يقعد ، تتحرج ماجدة من طريقته قدام شروق وشروق طبعاً فرحانة ، تقرب ماجدة ع شنطتها تاخدها )
ماجدة : انا ماشية ي جماعة 😒
الام ب استغراب : ماشية ايه ي بنتي ليه ؟!
ماجدة ب ضيق : معلش ، عن اذنكم
( تمشي ماجدة )
الام : م تشوف خطيبتك ي بني حصل حاجة بينكم ؟!
مازن : محصلش زفت فكك منها 😑
( مروة وميار يبصوا لبعض مصدومين من طريقة مازن ، تقرب شروق بالقهوة )
شروق وهي بتديله القهوة : اتفضل
مازن وهو بياخدها منها : تسلم ايدك 🙂
( تديهاله وتقعد وهو عينه متشالتش من عليها وكل واحدة من اخواته ملهية ف حاجة ومحدش ملاحظ غير شروق ودة حباه جداً ، يعدي الوقت وتطلع شروق بيتها ، تدخل اوضتها وتقف قدام مرايتها وتبتسم ب انتصار ، يخبط باب الشقة ، تروح تبص م العين السحرية ، تلاقيه مازن ، تفرح اكتر وتفك التوكة من شعرها وتفرده وبعدين تفتحله )
شروق : ايوة ؟
مازن ب توتر : اااا ، اناا ........
شروق : عاوز حاجة ي مازن ؟
مازن ب ارتباك : ااا لأ ، لأ مش عاوز 😐
( يمشي مازن ، تبتسم شروق ، ينزل مازن م العمارة ويفضل ماشي ف الشارع زي التايه ، يرجع تاني ، يخبط باب بيت شروق ، تفتح )
شروق : ايوة ي مازن ؟
مازن : انا ...........
شروق : م تقولي مالك ؟!
( يدخل مازن ويقفل الباب وراه ، تستغربه شروق )
شروق : في ايه 😕
( يقرب منها ، وفجأة ، يبوسها )