قصة : { #العمل_الأسود } 🕯📿
الحلقة الأولى { ١ } 🧿
*( شهر 6 ، سنة 2020 )*
( جوة منطقة شعبية ، ف بيت دورين ، ف تاني دور ، واقفين بنتين ف المطبخ بيغسله المواعين وبيعمله الأكل )
عزة ب اعجاب : لا ومقولكيش بقا الواد خطيبها بصي حتة سكرة كدة يخربيته 😍
شروق ب تريقة : اه ، م الوحشين ليهم بخت يختي 😒
*( ملحوظة .. شروق بنت جميلة ، بشرتها خمرية ، عيونها بني ، طولها متوسط وجسمها كيرڤي مظبوط ، شعرها اسود طويل ، عندها ٢٢ سنة ، خلصت دراسة الدبلوم ، بتشتغل ف مطعم ، عزة تبقا اختها الكبيرة عندها ٢٤ سنة ، ظروفهم المادية بسيطة )*
عزة وهي بتغسل المواعين : اه والنبي حسرة علينا ، ملناش بخت والله ي بنتي 🤷
شروق : دة العادي يعني
( تدخل الأم )
الام ب عصبية : م تخلصوا ام الطفح دة بدل م انتوا عمالين تندبه ع حالكم ، عاوزين نااااكل 😠
شروق وهي بتغسل ايدها : ولا نندب ولا نتنيل ، انا هروح البس عشان شغلي
( تمشي شروق )
الام : شوفي البت بتتحجج ب شغلها عشان متعملش حاجة ازاي !
عزة : مهي كانت واقفة بتعمل معايا انتي الي طفشتيها 🙄
الام : ال يعني البت بتعمل اوي ، بلا وكسة عليكوا انتوا الأتنين ، امتى تغوره من وشي واخلص منكوا بقا 🤷
عزة : لازقينلك ي حبيبتي 😊
( شروق ف اوضتها بتلبس ، تخلص وتطلع م الأوضة )
الاب : بت ي شروق
شروق ب تنهيدة : ي نعم 😑
الاب : هاتيلي علبة سالمون وانتي جاية زهقت م الجبنة
شروق : هات فلوس 👋
الاب ب انفعال : طلعي م الي ع قلبك ي بت البخيلة 😠
شروق ب قرف : والله م في ع قلبي غير الهم ، دة انتوا عيلة تخنق !
( تمشي )
الاب : جلدة شبه امها ، ي ستار 🙄
( يعدي الوقت ، جوة مطعم ل الوجبات السريعة ، واقفة شروق وبنت ع الكاشير )
رنا : ي بنتي م توافقي دة عريس لؤطة ، دة عنده شقة 🤷
شروق : ي ستي مش عاجبني انا الله !
رنا : طب ليه بس ؟!
شروق : كدة
رنا ب فضول : كدة ليه يعني ؟!
شروق : قلت كدة وخلصنا بقا ، وبعدين فرحنالي اوي ب شقته كأنها ڤيلا مثلاً 🤷
رنا : وهو حد هيبص ل بنات ف مستوانا دة عنده ڤيلا يختي ، ليه يكونش ابوكي وزير المواصلات 🤨
شروق ب احباط : يبقا اسكتي بقا ، مكتوب علينا ام الفقر 😒
( يدخل شاب المطعم ، يقرب عليهم ب ابتسامة )
مروان : صباح الخير 🙂
*( ملحوظة .. مروان دكتور باطنة وعنده مركز طبي وكذة عيادة برة ، بشرته خمرية ، عيونه عسلي ، طويل ورفيع ، جسمه عادي مش رياضي ، عنده شعر م الجناب بس والباقي اصلع ، لابس نضارة نظر بس مش دايماً بيلبسها ، عنده ٤١ سنة ، ليه ٣ اخوات اصغر منه اتنين بنات وولد ، مادياً كويس جداً )*
البنات : صباح النور
مروان : عاملين ايه ؟
البنات : كويسين الحمدلله
( ياخد مروان المنيو يبص فيه ، يرن الفون بتاعه )
مروان : الو ، ايوة انا جاي اهو بس بجيب غدا ، اوك ، باي
( يقفل مروان )
مروان ب استغراب : انتوا غيرته المنيو ولا ايه ؟!
شروق : اه ضيفنا حاجات جديدة
مروان ب حيرة : انا توهت ، خلينا ف اوردر كل مرة
شروق ب ابتسامة : اوك 🙂
( تطلبله شروق الأوردر ، يروح مروان يقعد ع ترابيزة ومش شايل عينه من عليها )
شروق وهي بتبصله : هو كل مرة ع الحال دة ، بيبصلي كدة ليه !!
رنا وهي بتغمزلها : معجب 😉
شروق : اتنيلي انتي كمان 🙄
رنا : والله معجب وباين عليه اوي يعني ، دة كل مرة يفضل قاعد باصصلك كدة لحد م اوردره يخلص !
شروق : دة بيحلم ، انا ابص ل واحد ف سنه دة ، لو كان اتجوز بدري شوية كان خلفني !!
رنا : بصي ل جيبه يختي متبصيش ل سنه ، دة عنده مركز طبي بتاعه 🤷
شروق ب اندهاش : لا والله !!
رنا : وربنا ، دة غير العيادات ، دة دكتور مشهور ع النت
شروق : طب خلصي طيب
( يكمله شغلهم ، بعد شوية ، يقوم مروان يقرب عليهم )
مروان : ايه ي بنات ورايا مستشفى وعيانين اتأخرت 🤷🏻♂
رنا : اسفين والله ي دكتور بس في ضغط انهاردة انت فاهم 😅
مروان : لا انا كدة هشوفلي مطعم تاني بقا
شروق ب ابتسامة : ايه دة تقدر تستغنى عننا كدة 💁🏻
مروان : لا بصراحة مقدرش ف متجوش عليا يعني
شروق : لا منقدرش نزعل حضرتك 😅
مروان : تسلمي 🙂
( تبتسم شروق ، يعدي يوم واتنين وتلاتة وع نفس زيارات مروان للمحل دة غير الأيام الي فاتت ، رغم إنه بياخد الأكل ويوزعه ع الممرضات ف المستشفى إلا إنه مازال بييجي ويشتري عشان بس يشوفها ، مروان وشروق قاعدين ف كافيه شيك جداً ، شروق عمالة تبص حواليها متوترة )
مروان ب استغراب : ايه مالك ؟!
شروق ب توتر : معلش اصل مش متعودة اقعد مع حد غريب 😬
مروان : م انا جايبك هنا عشان اعرفك عليا ومبقاش غريب
شروق : ايوة اه
( يقرب الويتر يحط المنيو قدامهم 🍽️ )
مروان : شوفي تشربي ايه
( تبص شروق ف المنيو متفهمش حاجة عشان مكتوب ب الأنجلش )
شروق : ااا الي انت هتشرب منه 😐
مروان ب فهم : انا هشرب قهوة ، بس ممكن اختارلك انا
شروق : اه ياريت 😅
( يشاور للويتر )
الويتر : أأمروا ؟
مروان : واحد قهوة تركي وتشيك ميلك فراولة
الويتر : اوك
( يمشي الويتر )
مروان : مع إن كان نفسي نتغدى سوا بس انتي مش راضية !
شروق ب توتر : معلش خليها مرة تانية عشان متأخرش ع البيت 😕
مروان : طيب بصي ي ستي ، انا مش هطول عليكي عشان توترك دة وترني انا كمان 😄
شروق : ههههه 😅
مروان : انا عندي ٤١ سنة ودكتور باطنة ، والحمدلله ناجح ف شغلي جداً ، مش متجوز قبل كدة لإن ملقتش البني ادمة الي راسمها ف خيالي ، بس أول م شوفتك بصراحة لغيت اي حاجة كنت راسمها ف خيالي ورسمتك انتي ❤️
( تتحرج شروق وتبتسم )
مروان : ف بصراحة انا راجل دغري انا جبتك هنا بس عشان نتعرف ع بعض لكن انا عاوز اجي اتقدملك
( تتفاجئ شروق )
مروان : ف انتي ايه رأيك ؟
( ييجي الليل ، ف عمارة كبيرة وفخمة جداً ، جوة شقة فيها ، قاعد مروان مع واحدة ست كبيرة )
الام ب اهتمام : قول ي حبيبي ، موضوع ايه ؟
مروان ب ابتسامة : انا قررت اتجوز 😊
الام ب فرحة : بجد والنبي 😃
مروان : اه والله
الام ب حب : اخيراً ي مروان هشوفك عريس ي حبيبي 😍
مروان : يارب الموضوع يتم بس واهلها يوافقوا
الام ب استغراب : وميوافقوش ليه ؟!
مروان : انا اكبر منها ب حوالي ١٩ سنة !
الام : وايه يعني ي حبيبي ، بس مقتدر إنك تفتح بدل البيت عشرة ، الراجل مش بالسن ، وانت الف بنت تتمناك ، انت بس الي شغلت نفسك ب شغلك ونسيت حالك من بدري 🤷
مروان : خلاص ي ستي حددي يوم نروح نقابل فيه اهل البنت وقولي ل بابا
الام : حاضر ي حبيبي هقوله
( تقرب اخته )
مروة ب شك : متجمعين كدة يبقا في حاجة بتخططولها 🤔
الام : باركي ل اخوكي هيخطب
مروة ب اندهاش : الله بجد والنبي 😃
مروان : ايوة 😊
مروة : لولولولولولييييي 😝
مروان ب خضة : بس بس ي فضايح انتي !
مروة ب فرحة : بس ايه دة انا هبهدل الدنيا دة انهاردة فرح اخيراً هتتجوز 😍
مروان : ههههههه ، هو انا سمعتي وحشة اوي كدة 😄
مروة ب ضحك : اوي اوي 😂
ميار وهي طالعة من اوضتها : بتزغرطي ليه ، امك جالها عريس 🤔
الام : هيييي شوفوا البت 😮
مروة : ههههههه 😂
مروان : لسانك دة عاوز قطعه 😐
ميار : مين هيتجوز بجد ؟
أنت تقرأ
قصة : ( العمل الاسود ) ل سهيلة سعيد المنجي
Roman d'amour_ السحر عمره م حرك قلب ، ولا عمره حرك روح ، السحر سر وقابل الجن انه بيه يبوح ، السحر جسد ، عروسة ورق ، وكل مجرب فيه مجروح .
