قصة : { #العمل_الأسود } 🕯📿
الحلقة السابعة { ٧ } 🧿
( يسكته )
شروق : كنت قايلة ل مروان يوصلني بس نساني كالعادة 🤷
مازن ب انتباه : لا هو بس شغله صعب شوية ، لكن ميقدرش ينساكي
شروق : ربنا يقويه
مازن : يارب
( يطلعه م الأسنسير ويطلعه م العمارة ، يقرب مازن ع عربيته ويفتح ل شروق الباب تركب ويركب ويمشوا ، ف الطريق )
شروق : صحيح مبروك انت وماجدة
مازن : الله يبارك فيكي تسلمي
شروق : امتى الخطوبة ؟
مازن : يوم ١٣ عشان هيبقا عيد ميلادها
شروق : اممم حلو دة مع بعض ، هيبقا يوم مميز
مازن : اهاا اكيد
شروق : انا عاوزة اغير موبايلي ، تقترح عليا ايه حلو ؟
( يدردشه شوية ، يرن فون مازن )
مازن : الو
دياب : حبيبي الي واحشني
مازن : واحشك ايه بس فينك !
( تنتبهله شروق )
دياب : ابويا ي عم داخل سخن عليا ، سلمني كل حاجة وطلع نفسه معاش 😂
مازن : هههههه ، ايوة اتحجج كالعادة 🙄
دياب : عاوز اشوفك طيب
مازن : شوف انت فاضي امتى انا موجود
دياب : هجيلك يوم
مازن : خلاص اشطا ، خطوبتي يوم ١٣ هااا
دياب : لا والله !
مازن : ايوة
دياب : اخس عليك ، ومتقوليش غير بالصدفة !
مازن : لسة محددين والله ملحقتش اقول
دياب : الكل هيحضر ولا ايه ؟
مازن : لا ناس معينة مش عاوز زحمة ، ف الفرح بقا ابقا اعزم كله
دياب : ماشي ي يابا الف مبروك
مازن : الله يبارك فيك ، متنساش بقا
دياب : عنيا حبيبي ، ماجدة العروسة ؟
مازن : اه ماجدة طبعاً متلبسناش ف حيطة هههههه 😄
دياب : هههههه ماشي ي باشا ، اشوفك ع خير
مازن : ب اذن الله ي معلم ، سلام
( يقفل مازن ويشغل اغاني ف العربية ، يعدي الوقت ، يوصله منطقة شروق )
شروق : بص نزلني ع اي جنب ، عشان العربية كبيرة اوي صعب تدخل بيها هنا
مازن : هحاول طيب يمكن تنفع !
شروق : اوك بس مش هتنفع صدقني ، عربية بباك وقت م جم اتقدمولي مدخلتش
مازن : اه الشوارع ضيقة اوي هنا !
( يركن العربية )
شروق : م قلتلك شوارعنا هنا زفت خالص 🤷
مازن : طيب هتعرفي تدخلي ؟
شروق : ايوة طبعاً دة بيتنا ي بني 😄
مازن ب ضحكة : ايوة صح ماشي ، هو مروان هيرجع ياخدك ولا ايه ؟
شروق : مش عارفة ، هبقا اتابع معاه بالموبايل
مازن : اوك سلميلي ع اهلك
شروق : الله يسلمك حاضر 😊
( تنزل شروق ، يشوفها مازن غصب عنه يلاحظ لبسها الي مينفعش تمشي بيه ف منطقة زي دي لوحدها )
مازن : مروااان ، استني !
( تقف شروق ، ينزل مازن ويقفل العربية )
شروق : رايح فين ؟!
مازن : مينفعش تدخلي لوحدك ، هوصلك للبيت
شروق : ي بني الناس عرفاني هنا متقلقش 🤷
مازن : معلش خليني اوصلك احسن
شروق ب فرحة : طيب اوك ♥️
( يمشوا ف المنطقة وطبعاً عيون الناس عليهم الأتنين يلفته النظر لإن اللبس دة مكانش من عادات شروق ، يعدوا ع شلة شباب ، الشارع ضيق ، ب حركة تلقائية مازن يحط ايده ف وسطها يقربها ناحيته عشان الشباب الي واقفة ، تتفاجئ شروق وجسمها يترعش من لمسته ، يلاحظ مازن ف يعرف إن مكانش المفروض يعمل كدة ف يندم من جواه ، يوصله عند البيت )
شروق : دة البيت 👈
مازن : طيب اطلعي يلا
شروق : م تطلع طيب اشرب حاجة
مازن : الله يخليكي ي شروق شكراً
شروق : مش بعزم عليك ع فكرة يلا
مازن : لا والله م هينفع ، خليها مرة تانية
شروق : لا مينفعش تيجي لحد هنا ومتطلعش عيب ، يلا
مازن : ورايا حاجات والله
شروق : معلش مينفعش ، هزعل منك والله لازم تطلع ، يلا
( تطلع شروق البيت ويطلع وراها مازن ، يطلعه أول دور ، تطلع شروق المفتاح وتفتح )
شروق وهي داخلة : ماماااا
( مازن واقف ع الباب )
شروق : ادخل ي بني
( يدخل مازن )
شروق : اتفضل 👋
( يقعد ع كنبة ف الصالة جنب الباب )
شروق ب احراج : معلش البيت مش اد كدة يعني 😅
مازن : لا طبعاً دة زي الفل وروحه حلوة
شروق ب ابتسامة : تسلم 🙂
مازن : هو مفيش حد هنا ؟!
شروق : مش عارفة ، ثواني
( تدخل شروق اوضة ، عزة نايمة )
شروق : عزة ، انتي ي بت
عزة ب صوت كله نوم : شروق 😞
شروق : قومي فوقي ، مازن معايا برة
عزة ب خضة وهي بتقوم : مازن مين يخربيتك ، ايه الي جابه هنا 😳
شروق : شششش وطي صوتك ليسمعك ، وقومي فوقي عشان مقعدش معاه لوحدي
عزة ب تريقة : والنبي دة انا اخاف ع الولا منك مش انتي الي تخافي منه 😏
شروق : بطلي ام هزار مش ناقصة ، وبعدين يختي ياما تحت السواهي دواهي ميغركيش
عزة : طب اوعي خليني اقوم
شروق : يلا
( تقوم شروق تطلع برة )
شروق وهي بتبص ل مازن : هعملك شاي
مازن وهو بيقوم : لا لأ مفيش داعي ، انا نازل ✋
شروق : انت مش عاوز تشرب حاجة ف بيتنا ولا ايه ، لتكون قرفان 😒
مازن ب احراج : لأ طبعاً انتي بتقولي ايه مش قرفان !!
شروق : ع العموم ميغركش المنظر المكركب دة ، احنا نضاف اوي يعني
مازن : ي بنتي وربنا مش قرفان !
شروق : يبقا تقعد لما اعملك شاي ☝️
مازن : ماشي
( يرن فون مازن )
مازن : الو
شروق : ادخل البلكونة عشان الشبكة
مازن : اوك
( يدخل مازن البلكونة وتدخل شروق المطبخ تعمل الشاي )
مازن : ايه ي قلبي عاملة ايه ؟
ماجدة : الحمدلله ، هننزل امتى ، انا تقريباً جهزت
مازن : اديني ساعة بس
( ماجدة سامعة صوت دوشة واطفال وكركبة م الشارع )
ماجدة ب استغراب : هو انت مش ف البيت ؟!
مازن : لا انا عند اهل مرات مروان
ماجدة ب استغراب : بتعمل ايه هناك ؟!
مازن : كنت بوصل شروق عشان مروان عنده شغل
ماجدة ب غيظ : والله ، ويعني انت الي معندكش اشغال وفاضي !!
مازن ب صوت واطي : لما اتصل بيا اتحرجت ف قلتله ماشي
ماجدة : يعني انت هناك دلوقتي ي مازن ؟
مازن : اه بس نازل والله
ماجدة ب انفعال : وايه الي يطلعك اصلاً ، انت مش وصلتها ، تطلع ليه ؟!
مازن : ي قلبي ممكن تهدي طيب 🤦
( تسمعه شروق تعرف إنه بيكلم ماجدة ، تقف تتصنت )
ماجدة : انت تعمل الحاجة الي تعصب وتقولي اهدي !!
مازن : طيب خلاص لما اجيلك نتكلم
ماجدة ب انفعال : لا متجيش ي مازن متجيش ، خليك قاعد عندهم واولع انا 🤷
مازن ب ضيق : طيب اهدي قلت !
( تعرف شروق إنهم بيتخانقه )
شروق ب صوت عالي م المطبخ : مازن شايك ايييه 😏
( يتوتر مازن وتسمعها ماجدة )
مازن : ااا ثواني ي شروق ، ماجدة هكلمك اما انزل اوك
( تقفل ف وشه ، يغمض عينه ب تنهيدة ويقفل الفون ، تقرب عليه شروق )
مازن : شايك ايه ؟
مازن : تقيل ي شروق 😐
شروق : اوك 😊
( ترجع شروق المطبخ ويفضل مازن واقف ف البلكونة ، تقرب شروق بالشاي )
شروق : اتفضل
مازن وهو بياخد الكباية : شكراً
شروق : انت كويس ؟
مازن : اه
شروق : حساك في حاجة ، حصل حاجة ؟
مازن : لا لأ مفيش
( يشرب الشاي )
شروق : محتاج سكر ؟
مازن : لا مظبوط ، تسلم ايدك
شروق : بالهنا ❤
( يسند ع سور البلكونة )
شروق : طبعاً مش بتشوف المنظر دة كل يوم 😄
مازن ب ابتسامة : لا خالص 😅
أنت تقرأ
قصة : ( العمل الاسود ) ل سهيلة سعيد المنجي
Romansa_ السحر عمره م حرك قلب ، ولا عمره حرك روح ، السحر سر وقابل الجن انه بيه يبوح ، السحر جسد ، عروسة ورق ، وكل مجرب فيه مجروح .
