الـسلام عليكُم ♥️.
#احببتُ مرغمًا - الحلقة الـثالثة -
الكاتـبة؛ ليـلاء .
______________________
اتساءل بإستمرار لو كان بإمكاني العودة لتلك النقطة في حياتي، لذلك المكان بالتحديد حينما بدأت تخرج الأشياء عن مسارها بشكل خاطىء.
جنات ؛
امشي بالشارع راجعة مـِن المدرسة ،،
گلبي طول الطريق ينغز بـِّيه خليت ايدي عليه واحاول اهدي واتنفس بهدوء وصلت لـ بيتنة اشوف سيارات وناس هواي يم بابنة ضل يدك گلبي بكُل قوتة
ماريد لـ بالي يطلع صحيح ..
توجهت لـ فرعنة ركضت اشوف جدي واكف بالباب بكُل شموخ وانتبهت عيونة حمر وناس تجي تسلم عليه مشيت بأتجاهة باوعلي وأبتسم بتعب
اجه عليـَّة وحنا ضهره مسد على راسي وانه عيوني تجري "صدك يعني "باوعتلة :
جنات :- جدو شصاير فـدوة؟!
:- تعاي بوية لتخافين ، بيبيتج يم امج روحِـي هسَـة هيه محتاجتج.
جنات :- ليـشش شبيها ماما ؟؟؟
نزل راسه ومحجة شي
مشيت بكُل سرعتي دخلت للبيت
اشوف هـاي الوجها مخرمش والي تبجي علىٰ صفحة
بيبي لازمة امي وتهدي بيها
هيه رايحة روحها مـِن البجي صحت بـ صوت مفزوع :
جنات :- ماماااااا شكوو
اندارتلي وعلامات الخوف علىٰ وجهة النسوان
ضلت تباوعلي وتبجي على حال امي وتصيح: خطية ماتدري الله يساعدها.
اجت أمي بأتجاهي وهيه تزحف بالگوة تجر بروحها
حضنتني بقوة وصاحت:
:- يـُمة راح ابوج الجان خيمتنة ، جنات انكسر ضهري بأبوج ولج عافنة مااتت مااتتت.
صفنت لحضات احاول استوعب الصدمة
منو ؟
ابوية؟
خفت نزلت دمعتي بأسى يعني صدك..!
تحجي وهيه حاضنتني
ضلت تضرب علىٰ خدها بكُل قوتها
باوعت لبيبي اشرتلها راححح يعني
باوعت بعيني غطت وجها بشيلاتها كعدت تنعي
أشــوف امي منتهيه مـِن اللطم والبجي ،،
حسيتها هدت وذبت راسها علىٰ جتفي
ضليت ابجي صغيرة
بعدني صف سادس ماعرف شبيها
دموعي تجري بغزارة
حاولت ارفع راسها چـان اشوف منضرها
آلي مانسيتة لهل لحضة اباوعلها بالگوة تجر النفس
سادة عيونها صحت بصوت عالي :
جنات :- مااماااااااا بيبي مامااا مدري شبيها ، فـدوة فتحي عيونج لا تعوفيني ماماا ابوس أيـدج لا تعوفيني
اجت بيبي تركض
تخبلت تدوهنت اوضاعها وهيه تشوفها
ماتدري شسوي راحت برا لأحد يساعدنه يشيلها ويانه
أنت تقرأ
احببتُ مرغمًا " باللهجة العراقية "
General Fiction- قصة حقيقية - أخشى عليك لحظة استيعاب ما خسرت، وإدراك ما قد فاتك، أن ترى أنه لم يتبقّى لك مني سوى طيفٌ تتمسك به محاولًا إرجاع صورتي كاملةً لك، والأسوء .. أن تعي أنك لا تقدر، ولن تقدر على ذلك. "وما هُمْ بِضَارِّينَ بِهِ مِنْ أَحَدٍ إِلَّا بِإِذْنِ ال...
