الـسلام عليكُم ♥️.
#أحببتُ مرغمًا - الحلقة الرابع والعشرين -
الكاتـبة؛ لـيّلاء.
____________________
رهف..؛
اجه اليوم الي الكل فرحان بية ومنتظرة
عرس فهيدان وجنونة ، الكل اجه مِن أهل بابا عمامة مِن العمارة نسوان عمات ابوية كرايب ماما هَم كذلك
العالم كلها عدنه وأهل عمر بكُل مَـرة اول النـاس يجون بَس ماجتمعت ويّ أمه وخواتة استحي منهم ماعرف ، بالاعراس عدنة حيل ونسة وفري
واكفة بالمطبخ اشرب ماي ، ماحس اله اسمع صوت هوسات برا نسوان وزلم ضليت مصفنة هاي شِـنو وين..
طلعت برا بالاساس ناس تعرف ناس من زلم ونسوان شفتهم ملتمين سوا ويهوسون بالطرمة بفرح لعيون فهيدان ، ضليت انكز بمكاني واصفك وياهم
ماتحمل اسمع هوسة واضل كاعدة
دار وجهة محمد اخوية باوعلي وضحك جرني من ايدي ودخلني بنصهم لأن شافني ادبج وحدي
دخلت وياهم نسوان كبار صارت ونسة
هاي تذب گولات وذيج تردح بمكانها واني اگابلها ونهوس سوا ، هلاهل وأصوات عالية
گابلتني عمت بابا الجبيرة ذبينه فلك على گولتها
فرحانة واضحك ، شــوية وكفنة نرتاح نسوان اخوية جابن مي الهن
ضحكت بوجة عمت بابا ، درت وجهي لحضات
غابت ضحكتي من شفتة گدامي عيونة تريد تطلع هلگد مخازر خزرتة لو تموت چـان اني بالفتحة الثالثة
درت وجهي عنه بـلاية ردة فعل سويت نفسي مامهتمة
رجعوا دخلوا الزلم بَس شفت وياهم اصدقائهم وناس غربة بسرعة فهد أشرلنة ندخل جوا
دخلنة للإستقبال ورجعن يهوسن
وكفت شوية رحت ذبيت الشال لأن خنگني ، شفت وسن اجت تقربت شدتة فوك راسي
سوته عبالك مـَا مصريات ولو احس نفسي عبالك وحدة جاي تنضف.. رجعنة ندبج ونردح
گولات عماتة وخالاتة هـاي مال
..على عناد عماتة لعبن لعب خالاتة
يمكن خالاتي ماعدهن غيرها بَس عماتي گولاتهم كلش حلوة
سمعت صوت محمد يريد نفرغ الاستقبال لأن راح يدخلون زلم بعدهم مناصبين الكراسي البرا ، النسوان كامت تطلع رحت وراهم امشي جرتني وسن من ردن ثوبي :
وسن :- وين رهيف عفية روحي جيبي مكناسة ومكرافة الجهال كسروا كلاص ليسحكة واحد استعجلي..
هزيت راسي طلعت برا
رحت ورا البيت كُل المكانيس والمنضفات بية جريت المكناسة شفت المكرافة مسافة عني
تقدمت أخذها ماحسيت غير بشخص جرني مِن شالي ليورة ، حجة بنفاذ صبر باين على صوتة :
..وحق الحق يا رهف إذا متجرين عدل ادفنج بمكانج باللّٰـه العضيم شِـنو كاوليه ﭑنتي خو موكاولية..؟
أنت تقرأ
احببتُ مرغمًا " باللهجة العراقية "
Ficción General- قصة حقيقية - أخشى عليك لحظة استيعاب ما خسرت، وإدراك ما قد فاتك، أن ترى أنه لم يتبقّى لك مني سوى طيفٌ تتمسك به محاولًا إرجاع صورتي كاملةً لك، والأسوء .. أن تعي أنك لا تقدر، ولن تقدر على ذلك. "وما هُمْ بِضَارِّينَ بِهِ مِنْ أَحَدٍ إِلَّا بِإِذْنِ ال...
