الـسلام عليكُم ♥️.
#احببتُ مرغمًا - الحلقة السابعة -
الكـاتـبة ؛ لـيّلاء .
___________________
كِدتُ أن أفقدني. لقدّ مر الكثير ولكن لا زَال الخوفُ مُصاحبًا ليّ، لا زلتُّ أذكرني ولكن من بَعيد، بلا مَلامح، مَخطوفة الدهشة مُترامية الوجهة.
جنات ؛
اتفقوا يروحون سفرة عائلية
اشوف رهف ؏َ ريوگ بـَس تصفن خاصة مـِن فهد ذكر اسم عمر باوعلتها بعيوني أشرتلها شبيج..!!
ارتبكت ونزلت راسها تاكل ،،
حضرنة نفسنة علمود نروح اتفق فهد ويّ عمر يجيب عائلتة كلها ويجون ويانة وراح يلحگونة علما نوصل همة جايين
طلعت اريد اصعد بالسيارة اني ورهف..
صاحت خالة بأسم رهف تساعدها بشيل شغلة وياها
گالت،، هسَـة اجي صعدي انتي .
مشيت وحدي حسيت شخص يمشي وراي ، درت وجهي وكفت باوعتلة بأستغراب حجة ابرود ويباوع لگدام :
فهد :- شكو واكفة بنص الشارع امشي صعدي
- ترا راح اصعد بمزاجي مو لأن أنتــة گلت خــوش
ابتسم أبتسامة جانبية وخلة ادية بجيوبة حركتة المُعتادة
باوع بعيني وحجة :
- كدامي للسيارة بسرعة بلاية حچي زايد .
ضربت رجلي بالگاع بغيظ ومشيت وراة..
دمي يفور مـِن تصرفاته المتناقضة مادري شيريد بالضبط
صعدت بالسيارة ورا ضليت اباوع مـِن الجامة ومخيلة ايدي علىٰ خدي شفت بيت جيرانهم طلعوا مـِنة شباب هواي نصها بـگد فهد وأصغر يمكن أصدقاء معزومين عدهم
شدخلني هسَـة اني درت وجهي علية واشوفة عينة ضلت عليهم سيارتنة قريبة علىٰ بيتهم صفة صايرة ، شافني مـِن الجامة وخزرني اشرلي اعدل كعدتي
سيارة بيت أخوة محمد بصفنة أشر لولد گاعد بيها بعينة ورفع ايدة يأشر ع طريق شفتة هز راسة الولد ، شــوية ماحس اله وشغل السيارة ومشة بيها يمة شراح يسوي هذا..! صحت بـِّيه :
- وين ماخذني وحدي بعدهم مصاعدين اهلك ؟؟
باوع مـِن الجامة ورجع كمل سياقة شفتة طلع مـِن فرعهم ضليت اصيح :
- نزلني بسرعةة فهددد ..
عيني دمعت خفت هذا شيريد ، شــوية رجع لفرعهم وهو يدور السيارة ويصفها ؏َ رصيف علمود مـِن يصعدون گبل نطلع ميحتاج ندورها
وكفها باوعلي مـِن الجامة الگدامة عگد حواجبة
حجة بأستغراب:
- هـاي ليـش دمعت عينج لا يكون خفتي مني ؟
نزلت راسي استحيت مـِنة بـَس هو هَم مـَاحجة ..
ضليت اكرص بأيدي توترت شحاجي هسَـة ، فجأة ضرب ؏َ ستيرن السيارة بأيدة فزيت بخوف اخذ نفـس طويل وحجة بهداوة:
أنت تقرأ
احببتُ مرغمًا " باللهجة العراقية "
General Fiction- قصة حقيقية - أخشى عليك لحظة استيعاب ما خسرت، وإدراك ما قد فاتك، أن ترى أنه لم يتبقّى لك مني سوى طيفٌ تتمسك به محاولًا إرجاع صورتي كاملةً لك، والأسوء .. أن تعي أنك لا تقدر، ولن تقدر على ذلك. "وما هُمْ بِضَارِّينَ بِهِ مِنْ أَحَدٍ إِلَّا بِإِذْنِ ال...
