الـسلام عليكُم ♥️.
#احببتُ مرغمًا - الحلقة الرابعة -
الكـاتـبة؛ لـيلاء.
______________________
حوصرنا بطريقةٍ ما على حواف كلماتنا التي كُتِمت، نحن الذين توشحنا بالصمت ردعًا لمشقة الحديث.
جنات ؛
بعد آلي سمعتة قويت نفسي عدلت شالي
كملت طريقي دخلت للمطبخ بَـعد وبعد يـَ جنات تشوفين هواي .. انتبهوا لوجودي وسكتوا
خالة ام محَمد وكفت بهت لون وجهة
شكت اني سمعتهم وهو ولا عبالك يباوع عليـة معاجبة العجب تقدمت بسرعة اخذت ماي ومشيت
وصلت للباب حجت خالة ام محمد بقلق :
- ها خالة ليـش مصعدتي ..!
باوعت علية والعبرة خانگتني ،،
هيج وجودي غير مرحب بـيه بكُل مكان اروحلة
رفعت راسي
خليت عيني بعينه
حجيت واني اوجة الكلام الخالة :
- لا عمة نسيت الماي ، واسفة اذا اخذت راحتي زايد
نزلت عيني مـِنة وهو يخزر بـِّيه
هنوب مقابل فوكاها ، بقت خالة تحجي وياي علىٰ نص حجيها وتركتها
صعدت فوك .. صَــح تصرفي يمكن يطلع مو مقبول
بـَس آلي سمعته مو هين وماريد أضعف گدام احد خاصة كدامة ، چـان بجيت كدامهم لو باقية شــوي
رحت يم البنات كعدت يمهم
ضليت صافنة وافكر شضامتلي الدنيـا ، كسرت صفنتي رهوفة وهيه تأشر بيدها :
رهف :- ياحلو الصفنة مو الك لـ ذاك الواحد .
ضحكت عليها ،
حاولت إلهي روحِـي وياهم
وصدك بـ سوالفهن وشقاهن وياي طلعني مـِن جوي وشوي حاولت اتناسى
خلصناها ضحك وشقى
نور تسولف عَلىٰ خطيبها وسوالفها هيه وياه
مـِن حجتلنة عيونها تلمع لاحضت هواي تحبة دعيت اللّٰـه يديمهم لـ بعض ، الحُب حلو بـَس لازم نختار الشخص الصح علمود نستمر بحياتنة بكُل أريحية وتفاهم .
جابوا الفراشات وفرشوا بالگاع كلنة نمنة
صار هدوء والكل سكت
باوعت علىٰ احد زواية الغرفة وفكرت بكلام ابن خالة ام محمد " فاتحلي دار ايتام " ،،
حيل حقدت عليـَّة بهاي الليلة ..
لو موجودين چـان محَد تجرأ يحجي هيج كلام عنه
ولا اسمع مـِن اي أحد ولا اشوف بعيوني مذلة نسوان عمامي ويانة
دمعت عيني مكمت اسيطر عليهم
طلعت مني شهكة شگت صدري
حسيت بهاي الليلة بأحساس اليتم مَـرة ثانية
ضليت ابجي بـ صوت فزت نـور ورهف عليـَّة مستغربات شبيه
تقدمت رهف بـ فزع وشبكتني :
رهف :- يروحي شبيج لويش البچي؟
بجيت أكـثر حضنتها حيل
حسيت ارتاحيت .. هديت روحِـي شــوي وحجيت :
أنت تقرأ
احببتُ مرغمًا " باللهجة العراقية "
General Fiction- قصة حقيقية - أخشى عليك لحظة استيعاب ما خسرت، وإدراك ما قد فاتك، أن ترى أنه لم يتبقّى لك مني سوى طيفٌ تتمسك به محاولًا إرجاع صورتي كاملةً لك، والأسوء .. أن تعي أنك لا تقدر، ولن تقدر على ذلك. "وما هُمْ بِضَارِّينَ بِهِ مِنْ أَحَدٍ إِلَّا بِإِذْنِ ال...
