ضابط برتبه جحيم

البارت الاول

بقلمي / ضوء القمر 💫

لتصدك غريب بيوم يأذيك
هنه البيك من المنك وبيك.!🖤

ساعه 12:30 ليلا
طلعت من المركز دنيا شتا بروده ادك بالعظم و مطر خفيف أخذت نفس قوي و اني البس قمصلتي توجهت لسيارتي و اني اورث جكاره شغلتها و مشيت للبيت كلش تعبان اريد بس اوصل حتى انام

بعد نص ساعه وصلت للبيت صفيت السياره بالكراج و دخلت شفت الضوه مال غرفه امي مشتغل عرفتها دتنتظرني رحت دكيت الباب على كيف و دخلت

....: سلام عليكم
الام : و عليكم السلام هلا يمه الله يساعدك

رحت تمددت و خليت راسي بحضنها كامت تلعب بشعري

الام : اسويلك اكل حبيبي
.....: لا يمه ماكل بره
الام : خير ان شاء الله
كعدت تربعت كدامها : شبيج احسج تريدين تحجين
الام بدموع : يمه اخوك سعد
بغضب : يمه هم طركاعه الله سعد شبيه انوب ترا راسي شيب من مصايبه
الام بسرعه : لالا يمه ما بيه شي بس يريد يرجع للبيت لخاطري يمه خلي يرجع
كمت وكفت : يمه قسما بمن احل القسم اذا شفته احط طلقه براسه
الام : يا يمه بس هو
بغضب : تصبحين على خير يمه و هل موضوع ياريت مينعاد من رخصتج

عفتها و صعدت مفور اني الله بلاني بلوه ما مقسوملي ارتاح بحياتي وكفت بالممر ضليت استغفر اهدء من نفسي و توجهت لغرفه بنتي فتحت الباب شفتها نايمه يربي هاي الطفله الله دزها الي ملاك من السماء فتت للغرفه رحت يمها بست راسها على كيف كعدت

ملاك : الله يساعدك بابا
.....: و يساعدج يا روح بابا كعدتج اني
ملاك : لا بابا اني اصلا كاعده انتظرك ليش تاخرت
ضحكت : ولج مرتي ما سألتني هل سؤال
ملاك بطفوله : بس اني مو مرتك اني بنتك
ضحكت : نامي أم لسان نامي
ملاك : تصبح علي خير باباتي
..... : و انتي من اهله حبيبتي

بستها و غطيتها زين و رحت ل غرفتي شفت سوزان مرتي نايمه سبحت و بدلت هدومي طلعت من الحمام دك الفون مالتي باوعت على الرقم و تافافت سويت الجهاز صامت و نمت

نسيت اعرفكم على نفسي
اني ياسين محمد العلي عمري 31 سنه ضابط بالاستخبارات برتبه نقيب اني ضخم و جسمي زين مرتب شعري اسود و مشيب شويه و عندي شوارب بشرتي حنطيه عيوني لون زيتوني و عندي غمازه
اني أكبر واحد باخواتي اني متزوج بس علاقتي ويا زوجتي عباره عن مشاكل و دائما تهددني ببنتي و اني كلشي ولا بنتي المهم عندي اخويه الصغير حياتي جحيم بسببه شالع قلبي بمصايبه طايش حيل و اني دائما اتحمل نتيجه طيشه من وره امي لان تظل تنوح و تبجي و تتمرض و اني اخاف عليها والدي متوفي من زمان لذالك اني شلت مسؤليه اخواني عندي 4 اخوان ( مصطفى 29 سنه متزوج و طالع بيت وحد _ خالد 27 سنه بالخارج يدرس و كل فتره يجي زياره _ نور 25 سنه متزوجه بديالى و كل فتره تجينا زياره _ سعد 22 سنه طالب كليه طايش إلى أبعد الحدود ) طبعا احنا من سكنت بغداد

كعدت ثاني يوم متاخر اليوم جمعه اجازتي رفعت الفون شفت كومه مكالمات ما اهتميت باوعت الساعه ب 10 كمت غسلت و نزلت جوه شفت جهال مصطفى ( محمد و ياسر و رهف ) يلعبون ويا ملاك اجوا يركضون سلموا عليه و راحوا رحت للصاله شفتهم كاعدين سلمت على مصطفى و مرته و كعدت

مرت مصطفى ( رهام ) : خويه اسويلك ريوك
ياسين : لا يا بعد اخوج تسلمين
رهام : لعد اكوم احضر الغده من رخصتكم
الكل : مرخوصه
مصطفى : ي خويه شبيك ويا سعد
ياسين بملل : شبيه
مصطفى : امي تكول ما ترضى يرجع للبيت و متهجول يوميه يبات يم واحد من جماعته ليش خويه
ياسين بعدم اهتمام : خل يتربى تعبت منه و من مشاكله
مصطفى : بس هذا مو حل يا خويه يا عيني و بعدين ترا عيب بحقنا عدنا بيت شكبره شكده و اخونا يوميه يم واحد
ياسين : لعد ما تكلي شنو الحل كتل كتلت حبس حبست حرمان حرمت شسوي بعد والله مليت و تعبت تريد يرجع رجعه يمك لان بالله الكريم ما متحمل شوفه خلقته

سكت ما حجى شي و اني هم سكتت اجوا الجهال يمنا و ضليت العب وياهم و اشاقيهم و خابرني صديقي من اهل ديالى ضليت اسولف وياه لما صار الغده صبت رهام الغده و كعدنا توه دا امد ايدي على الاكل و دك الفون باوعت سعد ما رديت دز رساله ( فدوه رد بسرعه ) ستغربت رجع خابر رديت

سعد ب بجي قوي : ياسين الحكني كارثه
كمت وكفت الحيلي : لك احجي شكو
سعد : اني ......

......يتبع
صوتوا حتى تعرفون الكارثه الي سواها سعد 😁

مرات آگولن گضت
ماباقي حسبة وكت
وارتاح وتعدي
ومرات اكرهة العمُر
واسئل وادور درُب
للمگبرة يودي !

لا تنسون 👈⭐🥺
تفاعلوا 🥺