بقلمي / ضوء القمر 💫
آحس هوسه وعَرآضه و چآدر بـ بآلي !!
ياسين : متاكده
سوزان ب ارتباك أكثر: هااا موو
تحاملت على نفسي و كعدت جريتها من ايدها : مو شنو احجي
سوزان : مو مو باع راح احجي بس امانه الزم اعصابك
ياسين : احجي عااااد
سوزان : مو مو امك ضربتها جلطه و دخلت غيبوبه
فتحت عيوني بصدمه: شنو انتي شجاي تحجين
سوزان : والله هذا الي صار
ياسين : وديني ل امي
سوزان : ماشي كوم على كيفك
كمت و سوزان سندتني وصلنا للممر مال غرفه الانعاش شفت مصطفى كاعد و منزل راسه مشيت بتعب
ياسين : مصطفى
مصطفى إجه يركص لزمني كعدني : ياسين شطلعك من الغرفه بعدك تعبان
ياسين : امي وين
مصطفى نزل رأسه : ضربتها جلطه من الخوفه مال الرمي و دخلت غيبوبه الدكتور كال الله اعلم شوكت تكعد و انته هم صار لك يومين نايم و سعد هم حرت بيه لان الناس هدروا دمه و مدا اعرف شسوي
ياسين : سعد وين هسه
مصطفى : دزيته ل ديالى يم نور
ياسين : قسما بالله العظيم وجلاله اسمه ل الله اذا امي صار الها شي لا اسلمهم سعد بيدي و ما عسى يحركوه
مصطفى : على كيفك يا خويه مو هيج هسه انته روح ارتاح حتى نشوف شنسوي و ان شاء الله امي ما بيها شي
ياسين : اريد ارجع للبيت
سوزان : بس بعدك تعبان و هم لازم الطبيب يفحصك
ياسين : ما بيه شي بس اريد ارجع للبيت و اشوف شسوي ب غضب الله
مصطفى : ماشي امشي اوديكم و ارجع خاف تتخربط بالطريق لو يصير شي
رجعنا للبيت سبحت و تمددت ارتاح شويه ضليت افكر شسوي احس عقلي وكف و بالي كله يم امي اوف ياربي لا تختبرني بيها والله ما اكدر اتحمل فراكها شويه و دخلت سوزان جايبه الاكل اكلت كلمتين و ضليت افكر شلون احل الموضوع اذن العصر صليت و رحت على صديق أبويه شيخ ناصر هل رجال لو شما اسوي ما أوفي تعبه ويانا من يوم مات والدي و هو واكف بظهرنا حتى أكثر من عمامي حيل اعزه و احترمه رحت عليه و بعد السلام حجيتله كل الموضوع
ياسين : هسه شسوي مدا اعرف افكر احس عقلي واكف
الشيخ ناصر : اذا نجيها قانونيا و عشائريه الحك الكم
ياسين بذهول : شلون و سعد كاتل ابنهم
الشيخ ناصر : شوف ابني بالدكه العشائريه من حق اهل المغدور يرمون ع البيت بشرط ما ياذون أصحابه فهمت
ياسين : صراحه لا
الشيخ ناصر : خليها يمي السالفه انه احلها الك
ياسين: والله يا عمي ما ادري شلون اشكرك جاي نثكل عليك و كل مره جايبيلك سالفه
الشيخ ناصر : شهل حجي يول انته ابن الغالي و انته و اخوتك حسبه ولدي ترا ابوك ما جان بس صاحبي لا هذا اخوي الما جابته امي
ياسين : والله مدري شحجي خجلان منك
الشيخ ناصر : لا خجل ولا شي انته روح ارتاح و بس تخلص فاتحتهم نروح و نحجي وياهم هسه بعدهم دمهم حامي على ابنهم و احتمال يتهورون
ياسين : إن شاء الله عمي يالله اودعناكم
الشيخ ناصر : الله وياك ابني
رجعت للبيت مرتاح شويه لان عندي ثقه بالشيخ ناصر
خابرت نور تطمن على امي طمنتها و كتلها خلي سعد يتحضر راح اجي اخذه ربع ساعه و اتصل سعد
سعد : الو ها ياسين نور كالت تريد ترجعني شنو حليتوا السالفه
ياسين : لا لسه ما نحلت عمي الشيخ كال وره الفاتحه نروح الهم و نتفاهم
سعد : لعد شلون ارجع خاف يكتلوني
ياسين : ساعه و امرلك تحضر
سعد : بس......
سديت الخط و كمت بدلت رحت جبت سعد و هو طول الطريق يحجي و يبرر الي سواه اني كان ما اسمع شي اريد بس نوصل حتى افوخ نار قلبي بيه اول ما وصلنا و نزل من السياره استلمته كتل كطعت الصونده مال حديقه عليه ما خليت غلط و مسبه و لسه احس قلبي موجر منه
ياسين : اسمع ولك تنكلع بغرفتك وجهك ما اشوفه منا لما نروح للناس و نتفاهم وياهم و يا سعد ثق و اعتقد بالله اذا طلبوا دمك بيدي اسلمك الهم لك بس فهمني بشنو مقصر وياك ولك هاي اني و اخوك لا جان اكو الي ينصحنا ولا الي يعلمنا و مع ذالك ما سوينا الي دتسوي ولك والله حرام تنسحب على محمد العلي كوم من وجهي كوم
دفره و عفته صعدت للغرفه تمددت شويه و جتي ملاكي مدت راسها تباوعلي اشرتلها اجت نامت بحضني بستها
ملاك : شتاقيتلك بابا
ياسين : و اني هم يا روح بابا
ملاك : بابا عمو سعد خطيه كاعد يبجي انته اذيته
ياسين: اوف يا بابا اوف والله ما اتمنى امد ايدي عليه حتى استحي رجال شطوله شعرضه اكتله بس شسويله مدا يجر عدل تعبني
ملاك : ميخالف بابا حبيبي انته لا تعصب نفسك اني احبك
بستها و حضنتها فعلا رب العالمين دزها رحمه الي ملاك اسم على مسمى حضنتها و نمت
مرت 3 اسابيع خابرني شيخ ناصر كال العصر نروح هم نعزيهم ب ابنهم و هم نتفاهم و فعلا العصر رحنا اني و سعد و شيخ ناصر و ولده بس مصطفى بقى يم امي بالمستشفى رحنا و الناس استقبلونا بس من عرفوا احنا كتاله ابنهم كاموا يصيحون بعدين سكتوا بدأ عمي الشيخ يحجي و يحاول يحل الموضوع بس همه قافلين الي فهمته ان كل الي حجوا همه عمامه بس ابوه ساكت و صافن باوع علينا و حجى و ياريت ما حجى
( سكت دهرا و نطق كفرا 😂😂 )
ابو جمال : انتوا ما تريدون ابنك يتاذه صح
الشيخ ناصر : اكيد احنا ما نريد تصير دموم بينا و بالنهايه هذا قدر الله و قضائه
ابو جمال : و نعم بالله عندي حل يرضيكم و يرضيني
ياسين : كول عمي انته اؤمر و انه أنفذ
ابو جمال : اريد منكم ......
يتبع
صوتوا و حتى تعرفون شنو يريد ابو جمال 😳👈⭐
مثل ڪل يوم أرد تعبان
وأشمر روحي بفراشي
ويلوليلي التعب واغفى
مثل ڪل يوم اڪَول
الدنيا ما تسوى....
أنت تقرأ
ضابط برتبه جحيم
Roman d'amourفي كُل المرات التي رجونا فيها خِفة الثِقل ، أصبحنا أكثر صلابة نحنُ لا نسقط وقُلوبنا لا تُهان ، نُحن نُقاوم حتى و إن تفتَتت داخل أرواحنا كُل سُبل النجاة
