بقلمي / ضوء القمر 💫
مٛهما كُنت ذكياً سيقودك قلبك للغباءَ ﺎحياناً ! .
امي اخذت الفون من ملاك و حجت
ام ياسين: ولك يمه الحك مصيبه
ياسين : ولج يمه مو خبلتوني احجوا شكو
ام ياسين: ولك يمه سرور و جهالها ماكو يمه اختفوا
ياسين: ولج يمه شنو ختفوا لا تخبليني
ام ياسين : يمه ملاك مدروه عليهم ماكو و لاكيه ورقه بغرفتكم على الجربايه ما كدرت اقرها تعرف بيه لا أقره ولا اكتب
ياسين : اني هسه جاي
طلعت اركض انضربت بشهم بالممر صاح شبيك عفته و طلعت اركض شغلت السياره و شخطت بيها للبيت وصلت لكيت ملاك كاعده بالطرمه تبجي من شافتني اجت تركض عليه نطتني الورقه فتحتها جان محتواها
( ياسين اني اسفه على هذا التصرف اعرف غلط و اعرف ميصير بس محتاجه ائهل نفسي بسبب الي عشته ويا جمال خلاني اخاف من كلشي اني رحت يم رجال طيب يصير صديق بابا الله يرحمه لا تخاف عليه ان شاء الله بس احس نفسي مستعده ارجع اتمنى ما تتعصب مني ياسين صدكني لان احبك هيج سويت اني هم اريد اعيش مثل باقي الناس )
عضيت شفتي بقهر و همست
ياسين : تكدرين تاهلين نفسج يمي
ملاك : بابا وين راحت ماما سرور
ياسين: ما راحت حبيبتي بس هيه مريضه تصير زينه و ترجعلنا
ملاك : نور و جود هم مريضين
ياسين : ي حبيبتي فوتي جوه هسه
دخلت ملاك و طمنت امي ان راح ارجعها اندكت الباب طلعت لكيت شهم سألني شبيك نطيته الورقه بدون كلام و رحت كعدت بالمرجوحه ورثت جكاره إجه كعد يمي و هو يقرا بالورقه
شهم : شراح تسوي هسه
ياسين : ما ادري
شهم : زين هيه ما حاجيتلك قبل عن هذا صديق ابوها
ياسين : لا
ضل ساكت اني هم بقيت ادخن كتله خل نرجع للدائره و صدك رجعنا بس بالي يمها ضليت الليل كله ادخن و اني أتذكر من حجتلي على جمال و حياتها وياه ما كدرت انام ضليت ادور عليها رحت على عمها كال ما اعرف عنها شي رجعت للمركز احس راح تطلع روحي ليش ما مكتوبلي ارتاح كعدت بالمكتب كملت شغلي إجه علي كال اكو واحد يريدك كتله دخله فات الولد اني شايفه قبل بس ما ادري وين
الولد : سلام عليكم
ياسين : و عليكم السلام تفضل بشنو اساعدك
الولد : اني ياسر اخو جمال ابن عم سرور
ياسين : ي و شتريد
ياسر : اليوم عرفت انته جاي سائل أبويه على سرور
ياسين : ي تعرف مكانها
ياسر : هي جانت دائما تروح يم واحد صديق عمي رجال جبير بالعمر اسمه حجي خالد ساكن بديالى ب منطقه .....
ياسين: متاكد
ياسر : اتوقع ي لان ماكو غير مكان لو يمنا لو يمه
ياسين : تمام شكرا
كمت أخذت سويج السياره و الفون و محفظتي وصلت باب المكتب صاحني
ياسر : ياسين
ياسين : نعم
ياسر: دير بالك على سرور ترا هي خوش بنيه و حبابه و نظلمت حيل ويا اخويه الله يرحمه و يسامحه شوفها نجوم الظهر جان يسكر و يطلع خباله عليها يضربها بدون رحمه حاول تنسيها
ياسين: تمام شكرا
أنت تقرأ
ضابط برتبه جحيم
Romanceفي كُل المرات التي رجونا فيها خِفة الثِقل ، أصبحنا أكثر صلابة نحنُ لا نسقط وقُلوبنا لا تُهان ، نُحن نُقاوم حتى و إن تفتَتت داخل أرواحنا كُل سُبل النجاة
