بقلمي / ضوء القمر 💫
ويـكولها ،
باچر الايام تحلى وتصيرين أم بنيتي ♥️.
ياسين : ي عمار خيرك
عمار بتوتر : اااا بس ردت اسالك على اا مم احم يعني هاي البنيه الي اجت بيوم طهور حسوني ابن شهم شنو تقربلك انته و شهم
ياسين : بنت عمي ليش
عمار : مو بصراحه و بدون لف و دوران اني معجب بيها و اريد استقر انته تعرف شلون جنت عايش
ياسين : و شنو مخليك واثق ان ممكن أوافق على شخص عنده سوابق و مسجون سنه مثلك
عمار : يعني
ياسين : ي و ياريت ما تفتح هذا الموضوع مره ثانيه
عمار: اوك تمام شكرا
كمت طلعت احس الدنيا ضاكت بيه ضليت اتمشى رحت كعدت على الشط و اني أتذكر ضحكتها و شقاها ويا شهم زفت بضيق كمت رحت للشقه مالتي لفيت راسي و نمت ما ادري شوكت حسيت على صوت الفون يدك رديت بنومي
عمار : الوو
ياسين : انته وين
عمار : بالبيت نايم ليش
ياسين : بعدين تعرف
سديت الخط ما اهتميت رجعت نمت وره ساعه الباب مال الشقه انهجم كمت ركض مرتين وكعت لما وصلت للباب و فتحتها
اخذني الكل وجع تلگاني راحة بال
بس انت الصدگ تستاهل اتعبلك🖤
****
نروح يم ياسين الخبيث 😂
طبعا حياتي ويا سرور كلش حلوه و اخذتها ل دكتوره تجمل على مود جسمها و بدت تتعالج شهم و ذهب هم مرتاحين و فرحت بشهم حيل من صار اب بطهور حسن إجه عمار بارك الهم و اجت سوزان هم حسيت اكو نضرات بينهم بس ما حبيت اتسرع و احكم وره كم يوم اجه عمار و حجى وياي بخصوص سوزان حبيت انصب عليه شويه و رفضته من يمي من راح اني هم رحت ل بيت عمي و حجيت ويا محمد و سوزان على عمار حسيت سوزان مقتنعه و اني هم حجيت وياها وافقت كتلهم خلص تحضروا باجر نجي نخطب سوزان ل عمار و راح تكون هيه مشيه هيه حفله مهر اتصلت بشهم و اخذنا سوزان اختارت ذهب الها و اني دفعته ك هديه مني اله لان اعرف وضعه مو كلش تمام و شهم تكفل بأمور المشيه و الحفله اشترينا اله بذله رصاصي و قميص ابيض و ترتيبات ( يعني ساعه و عطر و هاي السوالف 😁 ) اتصلت بيه تأكد هو بالشقه و رحنا اني و شهم هجمنا الباب فتح الباب مفزع دفعته جوه وكع بالكاع
عمار : لكم شكو شبيكم
شهم و هو يكومه و يدفع بيه باتجاه الحمام : يالله يالله بدل و بعدين تعرف
عمار : بس فهموني شكو
ياسين شمرت عليه البذله : البسها و بالطريق تعرف
فات خطيه مصدوم اني و شهم خربنا ضحك شهم صففله شعره و اني البسه الساعه و اعدل بالقميص و هو مثل الاطرش بالزفه ميدري شكو اخذنا و نزلنا صعدنا بالسياره و هو يسال
عمار : هسه شكو ترا بديت اتعصب شنو الفلم
شهم : اسكت ولك
عمار : لا حول الله ياسين شكو
ياسين : نوصل و تعرف
ضل ساكت وصلنا يم بيت عمي شاف الهوسه ضل صافن باوعت عليه بالمرايه الاماميه
ياسين : يالله يا عريس انزل
عمار بصدمه : شنو منو اني
شهم : لعد اني انزل انزل
نزلنا و هو مصدوم و تم العقد حيل فرح و ضل يتشكر مني وكفنا برا شويه ديرتبون سوزان حتى يدخل يلبسها الذهب باوع عليه و رفع حاجبه
عمار: لعد ليش من حاجيتك عليها رفضت
ياسين : أولا اني مو مسؤل عنها حتى اقرر بكيفي ثانيا حبيت العب اعصابك
عمار: شكد خبيث
شهم : الله لا ينطيك معيش الكل بقلق
دخل عمار لبس سوزان الذهب
انخطبوا لمده سنه يالله تزوجون و صار عدهم تؤم بنات يخبلن شمس و قمر
اما شهم صار عنده ولد ثاني و سماه يامن
اني للاسف ما صار عندي بس الحمد لله عندي ملاك و نور و جود يسوون الدنيا همه و امهم
اما سعد عقل و تخرج و قرر يكون نفسه فتح محل اثاث و حب بنيه و تزوجها و هسه مرته حامل
و مصطفى كما هو حياته هادءه و مستقره
اخويه خالد الي جان بالخارج رجع للعراق و استقر بس رافض فكره الزواج ميقبل يتزوج
امي وره سنتين توفت الله يرحمها 😔💔
و كل واحد عاش حياته مرتاح ويا عائلته
نزار قباني قال :
من يدخل مدينة الحُب ,إما يعود طفلآ يُحب كل الاشياء ,و إما يخرج منها مُسِن لا يدرك الي أي منفى ينتمي
الى هنا تنتهي قصتنا اتمنى تكون عجبتكم و استمتعوا بيها بليز تصويت متابعه تشيجع الي حتى انزل قصص جديده
طلب اخير صغيروني اني طالبه سادس اتمنى تدعولي انجح بمعدل عالي يكولون دعوه الغريب مستجابة ادعولي فدوه و خلي امكم هم تدعيلي 🥺❤
حبكم وليداتي ❤❤
ملاحظه / نزلت قصه جديده اسمها خاننا القدر موجوده بالبيج مالتي تابعوني بليز ❤
أنت تقرأ
ضابط برتبه جحيم
Romansaفي كُل المرات التي رجونا فيها خِفة الثِقل ، أصبحنا أكثر صلابة نحنُ لا نسقط وقُلوبنا لا تُهان ، نُحن نُقاوم حتى و إن تفتَتت داخل أرواحنا كُل سُبل النجاة
