بقلمي / ضوء القمر 💫
::لـگـل فـ؏ـل رد فـ؏ـل لـسنا ملائگةة يـ ؏ـزيزي..🖤
رفعت راسها اني لا اراديا ركزت عليها شكلها يجنن بس الي صدمني رد فعل امي من شهكت و فتحت عيونها بصدمه ضليت صافن حجيت بهدوء
ياسين : شكو يمه
أم ياسين : ها
ياسين : شبيج يوم
ام ياسين: يمه ياسين تعال وياي للغرفه
ياسين كمت باستغراب : ماشي
رحت ورا امي لكيت ادور بالكنتور كلبته كلاب
ياسين : يمه شبيج فهميني ترا قلقتيني
ام ياسين: يمه بس الكي الصوره و افهمك
ياسين : يا صوره
أم ياسين: لكيتها
ياسين : شنو
ام ياسين: يمه هاي الي بالصوره مو تشبه البنت الي برا
باوعت و ضليت مصدوم لا اخذ ولا انطي نسخه منها باختلافات بسيطه بس الي يركز ينتبه الي صدمني أكثر ان الصوره قديمه حيل من جانت امي شابه واكفه هي و هاي البنيه حجيت بصدمه
ياسين : يمه منو هاي شلون هيج
ام ياسين: اكعد يمه احجيلك قبل ما اتزوج ابوك بفتره طويله اختي من غير ام جانت تحب واحد بس هو شيعي و ابويه جان رافض ينطي ل شيعه بوقتها جانوا الشيعه اقليه ف اختي هربت ويا حبيبها و ابويه ما دور عليها تبراء منها راسا و هدر دمها و من إجه ابوك خطبني أبويه راسا وافق خاف لا انزل رأسه مثل اختي و من يومها ما عرفنا عنها شي
ياسين : يمه بس اني الي اعرفه عندي خوال ثنين بالناصريه و بس ما عندي خاله
أم ياسين: ي يمه لان جدك حرم نجيب سيرتها كدام احد لا كبار ولا صغار
ياسين: يعني هسه هاي يجوز تكون بنت خالتي هذا قصدج
ام ياسين: ي يمه ما معقوله هيج شبه و ما تقربلها
ياسين: بس يا امي يخلق من الشبه أربعين يجوز صدفه
ام ياسين: يمه خل نسأله ما خسرانين شي
ياسين : ماشي يوم
طلعنا لكيت سوزان مضيفتها صراحه ستغربت بس ما علقت كعدت امي و كعدت اباوع على البنيه ما رفعت راسها حاولت اذكر اسمها خانتني الذاكره للاسف لان ما جنت مركز ساعه العقد بس امي حجت
ام ياسين: شنو اسمج بنيتي
البنيه: اسمي سرور خاله
ام ياسين: هلا بيج يمه نورتي بيتج
سرور : هذا نورج خاله
اباوع عليها تحجي بهدوء باوعت على الجهال احسهم مصدومين او خايفين ما ادري حجيت بهدوء
ياسين : شنو اسم امج
سرور و هي تباوع ب صدمه : ها
ياسين: امج شنو اسمها
سرور : احم اسمها مريم
ياسين : وينها
سرور : توفت من زمان هي و ابويه بحادث
امي راسا كامت تبجي سحبت الصور من ايدها و كمت رحت يم سرور وكفت كدامها و رفعت الصوره
ياسين : هاي امج
سرور بصدمه و هي تاخذ الصوره : اا... اي
ضليت ساكت بصراحه ما اعرف شسوي او شحجي امي نصبتها مناحه و سوزان تسكت بيها سرور باوعت عليه بصدمه و دموعها تنزل
أنت تقرأ
ضابط برتبه جحيم
Romanceفي كُل المرات التي رجونا فيها خِفة الثِقل ، أصبحنا أكثر صلابة نحنُ لا نسقط وقُلوبنا لا تُهان ، نُحن نُقاوم حتى و إن تفتَتت داخل أرواحنا كُل سُبل النجاة
