ضابط برتبه جحيم

البارت الحادي عشر

بقلمي / ضوء القمر 💫

متهمني النهاية شلون راح تكون
آنه وي أول نفس من عمري متندم ..🖤

اخذنا ذهب ويانا صدك خوش بنيه و حبابه وصلنا للبيت اول ما دخلت تلكاني سعد

سعد : وينك يمعود ليش تأخرت
ياسين: ليش شصار
سعد : سرور ايدها نشكت و مصطفى اخذها للمستشفى
ياسين : شنووو ليش ما تصلت بيه
سعد : شمدريني انخبصنا بيها
ياسين : و هسه
سعد : توه أخبرتهم كالوا بعدهم بالمستشفى و جهال مدا يبطلون بجي

توه دا اريد ادخل للبيت دخلوا مصطفى و رهام و سرور ايدها ملفوفه رحت عليهم

ياسين : ها خير خوما بيها شي
مصطفى : لا الحمدلله الجرح مو حيل عميق بس الدكتور كال صحتها مو تمام و كتبلها علاجات و فيتامينات
ياسين : الحمد لله سرور شلون صرتي هسه
سرور : الحمد لله بس دايخه شويه
ياسين: رهام خويه فدوه الطولج ساعديها اخذيها للغرفه خل ترتاح
رهام : ادلل خويه صدك جذب سرو اختي

فاتوا جوه تلكوها الجهال يبجون حضنتهم تسكت بيهم باوعت على سعد

ياسين : سعد اخذ الجهال اشتريلهم
سعد : صار زعويط يالله نروح للسوبر ماركت

راح سعد و الجهال و مصطفى هم فات باوعت ذهب واكفه صافنه و سوزان كذالك

ياسين : راح نظل واكفين هنا
ذهب : ها
سوزان : لا راح اروح اسوي اكل ل سرور خطيه تحتاج تغذيه
ذهب: اجي وياج اساعدج

فاتن يركض ضحكت عليهن توه دا امشي دك الفون باوعت ليالي يا صبر الله رديت بنفاذ صبر

ياسين: بس كوليلي متفهمين عربي اني مو كايل لا تتصلين بيه و اني بالصخام البيت
ليالي : باجر تجي مو
ياسين : اذا صارلي مجال اجي
ليالي : ياسين لازم تجي كتلك الموضوع مهم
ياسين بغموض: اني هم عندي موضوع مهم
ليالي : شنو هو
ياسين : اجي و تعرفين هسه يالله روحي اريد احضر جنطتي
ليالي : تمام حياتي دير بالك على نفسك

ما جاوبتها سديته منها و دخلت للبيت لكيت مصطفى كاعد يسولف ويا امي و سوزان و ذهب صعدن يم سرور و رهام و سعد يلعب ويا الجهال شكد ارتاح من اشوفهم كلهم بخير ضلينا سوالف و شقه و تعرفوا على ذهب و حبوها و هي هم ندمجت بسرعه وياهم ساعه ب 10 دك فوني باوعت شهم ضحكت كلت خل احرك اعصابه شويه رديت قبل ما احجي كال

شهم : ياسين شوف سيارتك
ياسين : ليش شكو
شهم : دكوم شوف سيارتك هسه
ياسين : ماشي دقيقه ابقى على الخط

كمت طلعت رحت للسياره باوعت لكيت ظرف ابيض شلته فتحته بيه 15 طلقه حجيت بهدوء

ياسين : تهديد
شهم : ي اني هم وصلني بيه 6 طلقات يعني عائلتي كلها و حتى ذهب
ياسين : اكيد العصابه شهم عوف بيتك و تعال يمي اليوم
شهم : ليش
ياسين : اسمع كلامي جيب اغراضك المهمه و تعال هسه
شهم : ماشي