بقلمي / ضوء القمر 💫
ضاعن درابين العمر ماندري نمشي بيا درب.🖤
قررت استثني من العمليه الجايه وضعيته متسمح و اني اخاف عليه جمعت الفرقه ما عدا شهم و مر شهر و اني ارتب للعمليه و من يسألني شهم اكوله بعد و اني يوم عن يوم اشوف وضع شهم يسوء أكثر و أكثر بس ما بيدي شي عليه اما سوزان حاولت احجي ويا أبوها مره ثانيه و رفض قررت احطه كدام أمر واقع و اطلكها بس مو هسه جنت كاعد ارتب كم شغله بخصوص العمليه بعد يومين فات شهم عصبي و ركع الباب حجى بصوت عالي صدمني بتصرفه
شهم : ياسين من شوكت صاير تصرف بكيفك ليش مستثنيني من العمليه منو كلك تستثنيني
ياسين : شوف وضعك و بعدين احجي و ثانيا من شوكت هذا اسلوبك وياي
شهم : ي بس ما من حقك تستثنيني اني لو ادري بروحي تعبان جان اني كتلك ما اشارك
ياسين كمت وكفت يمه : شهم ترا اعرفك أكثر من روحي عاجنك و خابزك لا عبالك ما ادري بيك لو ما حاس بيك ولك قلبي مشتعل عليك بس ما بيدي شي اسوي الك
شهم بخنكه : تعبت ياسين تعبت شوكت يكعد حضي
ياسين : كول يا الله استهدي بالرحمن انته شايف روحك لا نوم تنام و 24 ساعه بالدوام و الجكاره تمنزل من ايدك برايك هذا حل
شهم : مليت ياسين مليت يمتى اموت و ارتاح
ياسين حضنته: لا تحجي هيج ولك مو متفقين نموت سوه
شهم : مدري ياسين احس يوم عن يوم دا اموت اشوفها كدامي تبجي بس ما اريد اتقرب منها تعبت
ياسين : انته جربت تاخذها للفحص الطبي يجوز بيها شي او مرض لا سامح الله
شهم : لا اصلا بالصدف اشوفها مو تدري بيه دائما بالدوام
ياسين: خلص اخذها للفحص الطبي و ان شاء الله الي ابالك مو صحيح
شهم : الله كريم هسه العمليه شلون
ياسين : اريد منك تكون يم اهلي و حتى اهلك جيبهم يمك بحجه مشتاقلهم في حال صار شي و حاول يستهدفوهم ك نقطه ضعف اهلي و اهلك امانه برقبتك شهم
شهم : إن شاء الله اكون كد هل امانه
ياسين : إن شاء الله هسه الي اريده منك تروح للبيت ترتاح و تنام زين و ما اريد اي نقاش يالله
شهم: تمام
بعد ما راح شهم طلعت فوني و اتصلت على شخص كلفته ب مهمه معينه وره شويه يالله رد
ياسين : ها بشر شسويت
...... : كدرت اخذ معلومات بس قليله راح ادزهن الك على شكل ملف
ياسين : تمام راح انتظرك
...... : ياسين لا تتصل بعد لان بدوا يشكون بيه
ياسين : اذا تحس اكو خطر عليك انسحب بسرعه
....... : لا عادي بس لا تتصل اله اني اتصل بيك
ياسين : اذا حسيت باي خطر حتى لو 1% انسحب و بلغني
..... : تمام يالله مع السلامه
ياسين : الله وياك
سديت الخط و اني قلق على هل شخص الله يستر بس كملت كل شغلي و كمت رحت للبيت اكلت و نمت ما كعدت غير على صوت سوزان تبجي كمت بسرعه مفزوع اهدي بيها
ياسين : شبيج سوزان شصار
سوزان : بابا ياسين بابا الحكني
ياسين: لج بس احجي شبي مو خبلتيني
سوزان : مااات ياسين بابا مات
ياسين : لج شلون مو اول بارحه جنت يمه
سوزان : ما ادري هسه محمد خابرني كال بابا ضاربته جلطه بالدماغ و ميت
ياسين حضنتها : لا حول ولا قوة إلا بالله انا لله وانا اليه راجعون
أنت تقرأ
ضابط برتبه جحيم
Romantizmفي كُل المرات التي رجونا فيها خِفة الثِقل ، أصبحنا أكثر صلابة نحنُ لا نسقط وقُلوبنا لا تُهان ، نُحن نُقاوم حتى و إن تفتَتت داخل أرواحنا كُل سُبل النجاة
