بقلمي / ضوء القمر 💫
هوَّ احنا لحدّ إمتى هنفضل شايلين الهم يا بومبا، مش هنعلمُه المشي بقى ؟🥲
دا احجي وياها و فجاءه سمعت صوت شي انفجر و صراخ ذهب كمزت بسرعه تخبلت ضليت اصيح على ذهب اريدها ترد ماكو بهاي الاثناء جان ياسين توه داخل للغرفه راسا إجه عليه
ياسين : شكو شبيك
شهم : ما ادري صوت شي انفجر و الخط فصل
ياسين: امشي بسرعه
طلعنا نتراكض كل واحد لسيارته سقنا بسرعه جنونيه بحيث أكثر من مره ردت اسوي حادث وصلنا يم بيت ياسين بس الدخان ما هتمينا دخلنا نركض لكينا مصطفى و سعد واكفين يم باب البيت الداخلي و يكحون من الدخان ركض ياسين عليهم يسال و اني فتت جوه اطمن على ذهب لكيتها مغمى عليها و يصحون بيها متصحى شلتها و طلعت اركض للمستشفى اخدوها مني و بعد الفحص و مدري شنو كالوا من الخوف أغمى عليها ضربوها ابر و وره ساعه يالله كعدت من شفتها فتحت عيونها احس روحي ردتلي راسا كامت تبجي رحت كعدت يمها حضنتها
شهم : حبيبي ماكو شي لا تخافين اني يمج
ذهب بدموع : شنو صار
شهم : لا تشغلين بالج يروحي بس اريدج تصيرين زينه
ذهب و هيه تتمسك بيه : شهم الله يخليك لا تخلي احد يرجعني هناك والله ما اتحمل
شهم : شششش ليش هو منو يكدر ياخذج مني غير اطلع روحه بيدي ولج انتي روحي
ضليت اسكت بيها لما غفت بحضني اتصلت على ياسين
"يبدو أنَّني لن أتجاوز معك لهفة البدايات، يبدو أنَّني سأحبك بهذا الاندفاع إلى الأبد".♥️
*****
على لسان ياسين هسه 😁
بعد ما اتصلت على سوزان حتى شهم يحجي ويا ذهب رحت اسبح بس بالي مشغول بالي جاي اهلي و اهل شهم و كل شخص أعرفه بخطر هذول ميلعبون وكلت امري لله و رجعت للغرفه ويا ما دخلت شهم كمز و ضل يصيح على ذهب سألته كال صوت انفجار يمهم احس روحي انسحبت مني لا يا الله طلعنا نركض وصلنا البيت عباره عن دخان مينشاف شي منه شهم دخل يركض على ذهب و اني رحت على مصطفى و سعد جانوا واكفين بالباب
ياسين : شكو شصار
مصطفى : مندري كاعدين و فجاءه شي انفجر بالحديقه و الدخان خنكنا
ياسين : خوما احد تاذه
سعد : لا الحمدلله ماكو شي
ويا حجايه سعد طلع شهم يركض شايل ذهب مغمى عليها اتصلت بيه ما ردت كلت بعدين ارجع اتصل دخلت اطمنت على الكل ما بيهم شي بس الجهال متهستره من الخوف اتصلت بصديقي ضابط و حجيتله الصار كال هسه اجيك و صدك ساعه و إجه وياه دوريه ضلوا يفحصون بالمكان طلعت رمانه صوتيه ما تاذي بس صوتها قوي حيل تذكرت اني قبل فتره شديت كامرات داخل البيت و خارجه صعدت ركض طلعت الحاسبه و شغلت تسجيل كامره الحديقه شفت شخص شمر شي وراها صار الانفجار بس الشخص ما مبين لان لابس اسود و ملثم عرفت بدوا يلعبون و لعبهم خطر نزلت جوه و حسبه تودي و حسبه تجيب صديقي كال تريد ترفع قضيه و نحقق كتله لا و ما اريد احد يعرف و تشكرت منه و راح شويه و اتصل شهم
أنت تقرأ
ضابط برتبه جحيم
Romanceفي كُل المرات التي رجونا فيها خِفة الثِقل ، أصبحنا أكثر صلابة نحنُ لا نسقط وقُلوبنا لا تُهان ، نُحن نُقاوم حتى و إن تفتَتت داخل أرواحنا كُل سُبل النجاة
