بقلمي / ضوء القمر 💫
وعلى باب الأمَل.
سنكُونُ صابرِينَ مهما كانت الأقدَار "
ضليت ادور بغرف القصر إلى أن وصلت آخر غرفه فتحت الباب و انصدمت بالمنظر ليالي مربوطه و الدم مغركها ركضت عليها حاولت اصحيها ماكو قست نبضها ماكو انقهرت حيل عليها اتصلت بالمركز كتلهم يبعثون درويه للقصر و نطيتهم الموقع شفت فونها مشمور على الكاع شلته حطيته بجيبي شويه و سمعت صوت الدوريات نزلت تلكوني على الدرج اشرتلهم فوك عفتهم طلعت كعدت على الرصيف طلعت الفون جان بيه تسجيل صوتي شغلته جان محتواه
( ياسين صدكني حبيتك من كل قلبي و حسيت وياك بالامان الي ما جنت احس بيه قبل رضيت بكلشي حتى اكون يمك بس الظاهر هاي النهايه اتمنى تسامحني على اي تصرف سويته ضوجك و اتمنى ما تنساني احبك )
سديت الفون و رجعت يم عمار للمستشفى و تذكرت
فلااااش باك /
من اتصل بيه شهم و جان ضايج بخصوص ذهب اتفقنا نلتقي على الشط رحت و لكيت عمار كاعد يدخن باوع عليه و بتسم
( ملاحظه/ عمار و جماعته طلعوا بكفاله 😁 )
عمار : و اخيرا جيت جنت منتظر شوفتك
ياسين بشك : و شتريد مني
عمار : كل خير
ياسين: اختصر
عمار : خل يجي شهم
ياسين : شلون عرفت اني و شهم راح نلتقي هنا و هسه
عمار : لان ببساطه مراقبكم ثنينكم
ما رديت عليه شويه و اجه شهم حجالي على موضوع ذهب إجه عمار يتمشى باتجاهنا
شهم بغضب : انته شسوي هنا
عمار و هو يرفع كتافه بلامبالاه: افيدكم
ياسين : شلون تفيدنا بالله
عمار و هو يجر كرسي و يكعد: اني اكولك انتوا عدكم شك تجاه العميد محمد و اني جاي ائكد شكوكم
شهم : شتقصد
عمار : اقصد العميد محمد اله يد بشحنات الاسلحه و المخدرات الي دتدخل البلد و اله يد بموضوع الانفجار الي صار ب بيت ياسين
ياسين : و راح تساعدنا بمقابل شنو و شنو الي يضمن ما يكون هذا فخ
عمار : أولا أساعدكم لان الي ثار يم محمد اريد اخلصه و ثانيا محمد لو يريد يخلص منكم بكل سهوله يقتلكم بس هو مستمتع باللعب وياكم
شهم : و شنو هذا الثأر
عمار بالم و هو يورث جكاره : قبل 10 سنوات شهدت على جريمه قتل و اغتصاب جان الرئيس مالتها محمد و من قررت ابلغ هجم هو و جماعته بالليل على بيت اهلي اغتصب خواتي و قتل اهلي و ما كتفى بكل هذا حرك البيت بالي بيه بس لسوء حظه اني عشت رغم تعرضت ل شويه حروق
ياسين: و معقوله ما عرفك من رجعت تشتغل وياه
عمار : بكثر الجرائم الي مسويها ميتذكر و اني تغير شكلي و غيرت اسمي هم
شهم : و هسه شنو تريد
عمار : ب بالي فكره توكع محمد و جماعته على وجهم بكل سهوله
ياسين : شنو هي بالله
عمار: الفكره كالاتي راح اخطف زوجت شهم و انته و شهم راح تنخبصون حتى تلكوها محمد راح يستغل انشغالكم عن قضيته حتى يدخل أكبر شحنه ممكنه احنا راح نباغته و راح نقبض عليه متلبس
شهم : و شنو يضمنلي سلامه ذهب
عمار : عيب عليك بشاربي
ياسين : ماشي موافقين
شهم : بس اني ما موافق
ياسين : فكر زين هاي هم فرصه الك تصالح ذهب
شهم : ممم وف ماشي موافق
عمار : حلو هسه عوفولي هاي السالفه
أنت تقرأ
ضابط برتبه جحيم
Romanceفي كُل المرات التي رجونا فيها خِفة الثِقل ، أصبحنا أكثر صلابة نحنُ لا نسقط وقُلوبنا لا تُهان ، نُحن نُقاوم حتى و إن تفتَتت داخل أرواحنا كُل سُبل النجاة
