اخرجتني من جحيمي 02 (باللهجة الجزائرية🇩🇿🇩🇿 مكتملة)

❌ تغيرات لم تكن في الحسبان 2❌

✨ اخرجتني من جحيمي 02✨

بقلمي:⁦🖊️⁩ Bibou🖊️⁩

نورهان تحكي:

بعد متلقيت بندى وفارس....وتاني فارس يبانلي يحبها....نتمنى تعطيلو فرصة وتنسى الخاين....صح خويا بصح يبقى خاين....هبطت لدزاير....سقيت على امير....قالولي لالا ماشي متزوج....في البداية توسوست انبعد قلت سور كيلع يقرأ في فرنسا تزوج بيها....بعدها طلعنا لفرنسا وتماك تغيرت حياة ندى كامل....تزوجت بفارس على الأوراق....علجال وليدها....بصح هيا في دار وهو في دار... وهيا قررت تدخل مع المافيا....وباينة انا مراحش نقلها لالا....دخلت معاها تعلمت نستخدم سلاح... وندافع على روحي....بصح ندى ولات زعيمة مافيا....هيا اصلا مدربها خويا....بصح زادت ولات خير من كانت....انا صح المساعدة تع ندى في المافيا.... بصح منروحش بزاف معاها....باسكو نتهلى في وليدي وولاد ندى....كشغل انا المربية🙄.... ليوم قررت نخرج نحوس مع وليدي....اي ولا عندو 5 سنين....ورغد لي في 15 سنة....ولات تهبل.... وهيا تاني تحب واحد بصح ميحبهاش.... كل يوم تبكي....كي نروح ليها تقلي متقوليش لندى.... بصح زعما ندى تتخبى عليها حاجة هكدا....قلتها راكي صغيرة اخطيك مي والو.... ليوم حبيت نخرجها نحيلها على خطرها....خرجنا دورنا حتى رجليا وجعوني....
انا:اففف عيت....
رغد: انا تاني....وين وليدك جوني....
انا:راهو هنا....
دروت روحي ملقيتوش....حسيت الدم نشف في رجليا....بقيت نحوس عليه قريب ساعة ولا كتر...
انا:هئ هئ هئ هئ (كشغل تبكي🙄) وينك وليدي....هدي كامل انا معرفتش نعسو....

رغد:متتقلقيش دوكا نلقاوه....
انا:إن شاء الله....كان منلقاهش نهبل....
رغد:هاوليك فوق واحد....
غير دورت وجهي شفت جوني مع واحد بصح مكنش يبان....غير هبط جوني عنقتو بزور....
انا:وين كنت...تقلقت عليك....
جوني:ماما هدا عوني....
غير طلعت راسي وكانت الصدمة....حتى هو كان مصدوم....
انا:نت....
@@@:نتي...
رغد:سمير ياك....
سمير:وي...
شفت رغد راحت عنقاتو....
رغد:توحشتك....
سمير:انا تاني صغرونتي....
رغد:انا دوكا كبرت....وليدك هو الصغير.. 
سمير:وليدي....
رغد:وي...جوني وليدك....
انا (بديت نعيط):مااشيي ولييدوو....ولييدييي وحديييي... انا ليييي ربيتوووو....وانا لي كبرتوووو....انا لي عشت معااااه كامل اللحظات..... محااااال نخلييييك تديييه علياااا....
رغد:وشبيك....
انا:نتيييي بلعيييي....اي نروحو....
جوني:ماماتي وشبيك....نحبك....منحبش هدا....
قحرتلو وروحت....غير شفتو جا في بالي بلي راح يديلي وليدي....انا منقدرش نعيش بلا بيه

سمير يحكي:
بعد متزوجت نورهان....انا خلاص كرهت كلش..... وعرفت بلي جامي حبيت مايا....كان اعجاب برك.... خسرت نورهان....خسرت معاها الدنيا....وزيد خسرت وليدي....انا قررت نسافر....خلاص مبقاتليش عيشا هنا....روحت لفرنسا...بديت حياتي....والماضي نسيتو كامل....رجعت مدير شركة....مع زعيم مافيا....قررت نبدا كلش من جديد...
#بعد__5__سنين...

ليوم كرهت قررت نخرج ندور شوي....روحت نمشي شفت طفل صغير يكون 5 سنين يبكي...
انا:وشبيك صغروني تبكي....
جوني: ملقتش ماما....هدا وين كانت معايا....شفت بالون روحت خليتها دوكا ملقتهاش....
انا:متبكيش صغروني دوكا نعاونك....
طلعتو فوق راسي وبقى يحوس على يماه....
جوني: هايليك....
غير وصلت عندو....حسيت بصدمة كبيرة.... شكون قال نزيد نشوفها بعد خمس سنين....وزيد رغد كبرت ولات مرا متبانش 15 تبان 18.... مي لي شوكاتني بلي الطفل وليدي....وزيد هدرت نورهان وعياطها....عرفت بلي خايفة نديلها وليدها....بصح انا مانيش حقير باش نبعد طفل على يماه.... راحت وانا بقيت نشوف في الفراغ...
انا: هدا الطفل لي راح يخليني نرجع نورهان ليا.... نورهان ليا وحدي....محال تكون لغيري.... (نمي ادا ديتها ارواح ابزق على وجهي🙄)