اول ماسمعت طرق في الباب قلبي وجعني اكييد دا ابووي مادايرا ليها كلام.. شوويه واسمع صوتو في الحوش بكورك لي رهف تعاالي سرريع انا هنا دخلت في عالم تاني ورجلي جمدو مكانهم ماقدرت احركهم وكرهت اليوم الاتعرفت فيو علي اسامه وعلي رغد ولمياء ابوي لمن شافني ماجيت جا داخل علي وبقي يعاين لي عيونو تخوف كانو مولعه نار قال لي داا شنوو العملتي دا يارهف عاوز مبرر سرريع (طبعا ابوي مابحب يستخدم اسلوب العنف ضد المراءه وبحترمها خالص لانو بقول دي كانت اخر وصايه الرسول صلي الله عليه وسلم اوصيكم بالنساء خير.. عشان كدا ابوي فضل يستعمل معاي الاسلوب الفظي بدل الضرب وانا طبعا بفضل الضرب من الكلام الحار لانو دمعه وساحت وضربه وراحت بس الكلام بيكون معلق في زهنك وبحسسك بتانيب الضمير ) قال لي اها يارهف انا منتظر منك. جواب سكت وماعرفت ارد بشنوو وقعدت ابكي ابوي قعدت يكورك فيني اول مره في حياتي اشوفو كدا واتوقعت ابوي يطلع من طورو ويضربني بس ما عمل كدا وقال لي رهف انا قصرت معاك في شنو عشان تعملي فيني كدا رهف كدي انسيك مني بس كيف حتقابلي ربك لو اخدك بشكلك الانتي فيو دا واحده لابسه لبس ضيق ومتبرجه وماشه معا الاولد. وريني بس كنتي حتقولي ليو شنو انا حرصت علي اني افسر ليك كل ايه عشان تقدري تفهميها ليه بس بتعملي كدا يا بتي وقعد يبكي وانا زاتي بكيت قلت ليو والله يا ابوي انا ماقصدي اعمل كدا والشيطان قدرت يلعب بي عقلي بس والله العظيم انا ندمانه علي اي حاجه انا عملتها بس عليك انت سامحني قال لي وانا منو عشان اسامحك امشي اطلبي السماح من ربك يارهف وفات خلاني امي جات كوركت فيني قالت لي رهف اسع ابوك دا قصر فيك في شنو دا اخر جزاو اخر جزاو يارهف ؟؟لي تخلي ابوك يندم علي اليوم الجابك فيو. لي عاوزه تاكدي للمجتمع انو فعلا ولادت البت بقت وصمه بتاعت عار ليه عاوزه تخلي ابوك يندم علي انك جيتي بت ابوك الطول عمرو كان راضي بالبجيبو ليو ربو سواء كان ولد ولا بت لييه بس كدا يابتي 😕امي مرقت وخلتي انا في مكااني قاعده ابكي بالجد ابوي ما كان يستاهل بت زي بس لو رجع بي الزمن شوويه كان رفضت اسامه وما كان غيرت الحاجات الرباني عليها ابووي اسع كيف اخلي ابوي. يرضي علي مشيت اتوضيت وصليت وقعدت ادعي ربنا يغفر لي اي غلط حصل لي في لحظه ضعف واستسلام لوسوسه ورغبات الشيطان ابوي ماتكلم معاي ليو اكتر من يومين ومنعني فيهم امشي المدرسه في اليوم الثالث وقت العصر ابوي جا وقال لي رهف لو عاوزه رضاي عليك وافقي علي العريس الجبتو ليك قلت ليو ابوي كيف يعني عاوزني اعرس وانت اكتر واحد عارف انا كل همي اخلص قرايتي وادخل الجامعه وابقي طبيبه واريحكم انت وامي ابوي قال لي رهف انا راحتي في اني اشوفك معرسه وبي اولادك وسعيده وبعدين يارهف القرار قرارك وفات خلاني
طبعا بعد المنظر الشفت فيوو رهف بتي ماقدرت استحمل المنظر وزعلت شديد منها حاولت قدر الامكان ما ارجع البيت وانا بحالتي دي لاني انا متاكد لو مشيت ليها ممكن اقتلها ب يدي قعدت في الجامع شوويه عشان اهدا بعد الاذان انتهي مشيت لي الامام عشان يشوف لي عريس لي بتي كنتي ناووي اني اعرس ليها سوا برضاها او غيرو صحبي محمد قال لي يا مصطفي عاوز رهف لي ولدو وليد وقال حيشوف راي اهلو وحيتصل علي. مشيت البيت اتكلمت شويه معا رهف حاولت قدر الامكان اكون كويس معاها (رفقا بالقوارير )يومين ماتكلمت معاها وماسمعت خبر عن محمد صحبي. في موضوعنا بس وقت مشيت صلاه الظهر وانتهينا منا جا محمد قعد جمبي واتكلم معاي مسافه حتي بعدين قال لي والله يا مصطفي نحنا حنجيكم باذن الله نحنا والعيله نطلب يد بنتك يوم الجمعه ان شاء الله فرحت شديد بانو محمد وافق علي بتي انا متاكد ما حالقي احسن من محمد وعائلتو لي رهف بتي فقلت ليو تشرف في اي وقت البيت بيتكم.. مشيت البيت وكلمت رهف وامها بالموضوع وانتظرت رد رهف في العريس حيكون شنو ما كنت عاوز اجبرها علي حاجه هي ما عاوزاها
