انتظرت مسافه ابوي اتصل علي قال لي مالكم اتاخرتو قلت ليو وليد لسه ما جاء قال لي كيف يعني لسه ما جاء والوقت اتاخر. اتصلي عليو سرريع شوفي مالو قلت ليو اتصلت عليو قبل شويه قال انو في زحمه قال لي خلاص. يارهف انتي وصحباتك اركبو ليكم امجاد وتعالو قريب لي الصاله واتصلي لي وليد يلحقكم في الصاله لانو مسافه يصلك دي عاووزه زمن 😕قلت ليو حااضر يا ابووي قفلت منو الخط ومشيت علي لمياء ورغد لقيتهم بتصورو لسه قلت ليهم ورح لمياء عاينت لي وعاينت وعاينت بالشباك قاالت لي جووو 😍قلت ليها لا لسه ما جوو قالت لي طيب نمش ويين قلت ليها ابوي قال الوقت اتاخر مفروض ناجر لينا امجاد ونمش الصاله رهف ولمياء في نفس الوقت قاالو لي امجاااد رهف انتي جنيتي ووليد وينو قال ما جااي ولا شنوو قلت ليها لا وليد بتصل عليو يجينا في الصاله (كنت شاكه في انو وليد ممكن يجي اتاكد انو ماحيجي بس كنت خاايفه علي ابووي يحصل ليو حااجه وعن كمييه الاحراج الحتجيو معا الضيوف العازمهم اتمنيت انووو وليد يجي وما يختني ويخت ابوي قدام الامر الواقع )ست الكوفير قالت لي دي اول مره تحصل عروس تمش الصاله بامجاد راجلك دا من اسع عاوز يعمل حركات وقفيو عند حدو قبل ما يزيد 😂😂وقعدو يضحكوو وانا كنت في موقف يحسد عليو ولمياء ورغد زادو علي الهم همين اصرو علي الا اتصل علي ولييد وهم حيتفاهمو معااهو بقيت ماسكه تلفوني وبفتش في رقمو وانا متاكدا انو ما معااي 😕ماخليت ايه وما قريتها وماخليت دعاء وما دعيتو عشان الله يمرقني من الموقف دا. فوق ما انا ما موافقه علي العرس وفوق ما انا بحاول بكل الطرق ابين اني سعييده تجي المصيبه دي في راسي 😕شويه كدا. وتلفوني اتصل قلت الو قال لي انا صاحب وليد انزلو نحنا منتظرنكم تحت عاينت لي رغد قلت ليها جو تحت ورح ننزل ليهم لميااء قالت لي رهف ننزل مين انتي ماجاده لازم هو يطلع ليك فوق لازم يتعب عشان يحصل عليك قلت ليها رغد ولمياء الوقت دا ما وقت عبط انزلو وريحوني عليكم الله لمياء قالت لي نووو ماحزرتي يابيبي وشالت التلفون ورجعت لي صاحب وليد قالت ليو. نحنا ما حننزل ليكم لازم بالاول انتو تطلعو لينا شكلو صاحبو في البدايه اعترض بس لمياء اصرت عليو قال ليها خلاص بشوف
كنت اخطت قراري من بدري اني انا ما حا مش العرس اتصلت علي صحبي يوسف ااي حاجه بتحصل لي انا بوريو وبستشيرو. رد علي وحكيت ليو بالحصل لي كلو وبالقرار الانا عاوز اعملوو يووووسف قال لي ياوليد بطل حركات الشفع دي ماتوقعت الكلام دا يطلع منك انت حتعمل شنو لو ابوك عرف انك ما عاوز تجي العرس كدي فكر موقفو حيكون شنوو قدان الناس وقدام صحبو وليد بطل حركات الشفع دي ورجع اعقل شوويه قلت ليوو يوسف انا اتصلت عليك ماعشان تديني نصايح انا اتصلت عليك عشان اوريك بقراري 😒وقفلت فيوو الخط فضل لي العرس ساعتين بقيت افكر ريم وافكر في ابووي وكلام يوووسف شويه كدا لقيت يوسف جا قعد جمبي عاينت ليو قلت ليو عرفت مكاني. من وين يايوسف خت يدو في وشو وقال لي وليد انا صحبك وعارف وقت تكون مضايق انت بتجي يجاي عليك الله ياوليد بطل جنك داا ابووك من قبيل بيسال عنك ماف داعي تدخل عائلتك كلها في فتييل قلت ليوو بس انا يا يوسف بحبها وماعوز اتزوج غيرها قال الكلام دا كان تقولو لي ابوك وقت وراك بقررارو كان تعترض بس اسع ماف طريقه الناس دي كلها اسع بتكون وصلت والعروس بتكون منتظراك امسك البدله دي البسها ورح نمش فعلاا كلام يووسف كان صح داا ما وقت الاعتراض مشيت معاو وانا تفكيري كلو في ريم حتعمل شنو لو شافتني جيت الصاله 😕وصلنا الكوفير يوسف قال لي اتصل عليها عاينت ليو قلت لي يوسف انا ما حاتصل عليها وهدا رقمها لو عاوز .تتصل عليها اتفضل عاين لي وشال التلفون واتصل عليها كلمها انو نحنا منتظرننها تحت شويه كدا تاني اتصلت عليو قال لي دي مرتك عاينت ليوو. قلت ليو تاني ماتقول لي الكلمه دي رد عليها شوفها عاوزه شنوو رد عليها بتكلم معاها وهو قاعد يعاين لي قال ليها طيب بشوف فصل الخط وقال لي صحبات العروس قالو الا انت تطلع ليها عاينت ليو. قلت لييو مستحيل اطلع ليها ارجع كلمها هي وصحباتها يبطلو جنهم دا لاني انا ماطايقهم يوسف قال لي حرام عليك ماف داعي تحرج البت قدام صحباتها قلت ليو ماعندي معاها دخل خمسه دقايق. يا تجي يا ادور العربيه وافوت اخليهم يوسف قال لي وليد عشان خاطري ماتكسر قلب البت قدام صحباتها عارفك مابتحبها وهي كمان مابتحبك بس برضو الفرصه دي بتجي مره واحده للبت فشنو خليها سعيده قالت ليو يوسف انزل ورح طيب عارفك لو مسكت في موضوع ما بترتاح الا تعملو نزلت من العربيه وقفلت الباب بكل طاقتي الله يعدي لي الليله دي علي خيير
