بقيت اليووم كلوو مبسووطه اتصلت علي رغد ولميااء ووريتهم باني حا نزل مدرسه تااني 😍مشيت كلمت امي وابوي فرحووو لي امي قااالت لي ولييد داا رااجل ود رجاال ربنا يحفظو وبنوور طريقكم ياارب عاينت ليها وسكت ماكنت ناويه اعكر مزاجي قعدت يومين في البيت بعديها جا وليد ومعاو يوسف انا كنت قاعده جوا الغرفه بصلي دخلو واتونسو معا امي وابوي بعديها وليد قال ليهم جينا نسوق رهف بعد دا لو ما عندكم ماانع امي قااالت ليوو دي مررتك ما بتحتاج اذن مننا عشان تجي تاخدها امي جاتني قالت لي امشي اجهزي الناس دي منتظرنك براا قلت ليهاا ناااس منوو قالت لي وليد ويوسف قلت ليهاا ايوووا مشيت جهزت هدومي وطلعت برا اتونست معااهم وسويت ليهم الشاي وليد قال لي رهف بعد دا نمش عاينت ليو ومشيت جبت هدومي وطلعت ركبت العربيه وليد كان خاتي ليو مواد تموينيه جابها لي اهلي ادها ليهم امي قاالت ليوو ما كان تعذب رووحك يااولدي قاال ليها ما فيها اي عذاب والله ودي حاجات بسيطه لاني بالجد مقصر معااكم شديد ابوووي قال ليو عداك العيب ياولدي وودعهم ومشينا البيت الطريق كلوو انا ويوسف بس القاعدين نتونس ونضحك وليد دا ولافكر يفتح خشمو معانا وصلت البيت طبعاا لقيت حااالتو حاااله وسااخن والصحانه مرميه وما مغسله وغاايتو حاله صعبه وليد حكه شعرو وقال لي من مافتي ماف زول نظف المكان قلت ليوو لكن الحاله بطااله جاا يووسف قاال لي الله يعينك يااارهف 😂😂😂قلت ليوو قول الله يعيناا لاني ما حا انظف بررراي يووسف قاال لي ياازوله اناا وسخت المكان داا ؟؟الوسخوو خلي ينظفوو معااك ويلااا يا بيب اناا ماشي عندي حبيبتي منتظرا مني مكالمه 😑قعدنا نضحك عليوو ولييد قاال ليوو امش ما ناخر عنهاا
دخلت جوا ختيت هدومي وبديت انظف في الغرفه احسن حال من الهول انتهيت منها وضايرتها مشيت علي الهول لقيت وليد قاعد لميت العده ودخلت المطبخ جا لاحقني قال لي خلي لي العده بغسلها انا طبعاا اناا استغربت شديد وليد عااوز يغسل العده ولا انا بحلم ؟؟قال لي انتي امشي الهول قشي لاني مابعرف علي القش قلت ليو طيب شلت المقشاشه ومشيت علي الهوول انظفوو
طبعاا بعد الضربه الضربتها لي رهف بقيت احس بالذنب اتجاها فحااولت اني اكون لطيف معاها شووويه شلت العده وقعدت اغسل فيها بس غااايتوو بشتنت المكان اول مره زاتو كان اغسل لي عده كبييت نص الصااابون وقعدت اغسل والمويه دي ملت هدومي من الاول وملت الارض جااات رهف اول ما شاافتني قعدت تضحك وتضحك قلت ليها خيرر في شنوو قالت لي ماشاايف منظرك وبعدين دا شنوو الصاابون دا كلوو جات عادت الصحانه الغسلتها 😂😂وخلتني امشي امسح الهول تخيلووو بس 😂غااايتوو. بعد زمن حتي انتهينا من النظاافه طووالي مشيت شغلت المكيف ورقعد في الكنبه رهف مشت المطبخ سوت لي عصير وادتني قعدت جمبي حاولت افتح معاها موضوع بس مالقيت لحدي ماهي في النهايه جابت ليها موضوع والي هو موضوع المدرسه قلت ليها انتي في صف كم قالت لي في نهايه ثانيه ثانوي قلت ليها طيب تمام يازوله بكرا الصباح بمش،معاك المدرسه وقفلنا الموضوع علي كداا شويه وبااب الشارع دق مشيت فتحت الباب لقيتهم ديل سماح واميررا دخلو جواا اتونسو معااها في الهول وانا دخلت الغرفه وماحسيت بي روحي وانا ناايم
