رجعني وليد البيت والطريق كلو انا ما اتكلمت وهو ما فتح خششمو معاي بعد وصلنا البيت عاوزه انزل قال لي تاني لو عاوزه حاجه للعرس خلي صحباتك يمشو معاك انا مافاضي ليك 😒عاينت ليو ومشيت قايل روحو منو كماان كلمتو غاظتني وقلت لازم انهي العلاقه دي الليله باي طريقه لازم اكلم ابوي دخلت البيت لقيت امي قالت لي اها لقيتو فستان حلو قلت ليها اي قالت لي طيب وين وليد ماجا داخل معاك قلت ليها قال مستعجل دخلت جوا الاوضه وانا بفكر كيف افتح الموضوع معا ابوي كل دقيقه اتشجع اقول اكلمو تاني اتذكر انو هو فرحان بالعرس شديذ ارجع اقعد مكاني تاني اتذكر كلام وليد اقرر امشي اكلمو بعد تشجيع قررت اني اكلمو وياريت لو ما كلمتوو مشيت غرفتو لقيتو قاعد براو جيت سلمت عليو قال لي تعالي اقعدي جمبي اتونس معاي شويه وبعديها جاب لي موضوع العرس قلت ليو والله يا ابوي انا جايا اكلمك بالموضوع ابوي طوالي غير نبرة صوتو وقال لي خير يابتي ناقصك شي في العرس ولا عاوزه قروش اتمها ليك قلت ليو ما كدا يا ابوي قال لي طيب في شنووو انا سكت مساافه متررده بين اقول ولا اسحب كلامي ابوي قال لي يابت مالك سكتي في شنوو قلت ليو وانا بتمتم ابوي ابوي قال ليها اها انا سامعك غمضت عيوني وجمعت كل الشجاعه العندي وقلت ليو انا ماعاوزه اعرس وليد ابووي ملامح وشوو اتغير 360درجه بقي ظاهر عليو الغضب الشديد قال لي دا شنوو الكلام البتقولي فيو دا يا رهف قلت ليو اي يا ابوي انا ماعاوزه وليد والعرس دا تم بدون رضااي ابوي بقي يتكلم معاي بصوت عالي شديد اول مره ابوي يرفع صوتو لدرجه دي قال لي انتي ماجاده ياا رهف العرس دا تم وانتهي الموضوع حاولي افهمي انك خلاص بقيتي. مرت وليد قلت ليوو يا ابوي اسع ماحصل شي خليو يطلقني (ماعارفه الشجاعه دي كلها جبتها من وين )ابووي شال الكبايه الجمبو ورماها في الحيطه امي جات بسبب الصراخ الحاصل بينا انا وابوي قالت لينا خير في شنو ابووي قااال ليها شوووفي بتك المجنونه دي بتقول في شنو في الوقت الانتي بتجهزي ليها في حاجات العرس هي بتفكر انو تلغي العرس نهاي امي اتلفتت علي ولقتني واقفه جمب الحيطه وببكي جات علي ادتني كف قالت لي انتي جنيتي يارهف ابووك حيكون موقفو شنو معا الراجل بعد ما اداو موافقتو عاوزه يقولو انو ماعرف يربي لا وكمان عاوزه تطلقي وانتي لسه صغييره بالعمر دا قلت ليها امي انا اخد قراري خلاص ماعاوزه اعرس ابوي قال لي الكلام دا كان تقولي في البدايه ما اسع قلت ليو انا كان في الوقت داك كل همي انك ترضي علي ماعاوزه شي غير رضك ابوووي قال لي واسع يارهف لو ما قبلتي العرس دا انا ماراضي عنك ابوي كان بتكلم شويه كدا وجا واقع في الارض جرينا عليو انا وامي ابوووي اصحي ابوووي بس ابوي كان مغمض عيونو امي صرخت وقالت لي خلاص قتلتي ابوك ورتحتي ياارهف لي انتي بتعملي كدا. لي؟؟ قلت ليها وانا برجف وماحاسه بجسمي امي ما تقولي كدا ابوووي ما مان ابووي حي ابوووي اصحي اناا خلاص موافقه علي العرس بس انت اصحي امي قالت لي موافقه بعد شنوو الله لا كسبك خير يارهف اناا دخلت في حاله بتاعت هسستريا وبكا جريت الشارع وقفت لي اقرب بتاع امجاد وجيت بتاع الامجاد وقت شاف حالتي قال لي خير في شنو قلت ليوو ابوي ابوي وقعدت ابكي دخلت جوا قلت لي امي ورح ارفعي معاي ابوي حاولنا نرفعو انا وهي بس جسمووو كاان تقيل شديد طوااالي جريت علي سيد الامجاد قلت ليو تعال ساعدنا سيد الامجاد نزل سريع وشال ابوي ركبو كنت انا راكبه ورا معا ابوي وامي راكبه قدام ابوي كان خاتي راسو في رجلي الطريق كلو ونحنا بنبكي سيد الامجاد قال لينا ماتخافو مابحصل ليو شي باذن الله وصلنا المستشفي سيد الامجاد الله يديو الخير نرلمعانا وساعدنا لحدي ما دخلناو الدكتور قعدنا برا ونحنا منتظرين الدكتور يطلع مرت ساعه وانا ماقادره اقعد وتانيب الضمير مافرقني انا السبب في الحصل لي ابووي كان احسن اسكت وارضي بالكتبو لي ربنا الحصل شنو وخلاني اكلمو بقيت ابكي شويه كدا والدكتور جا طلع جريت عليو اها يادكتور حصل شنو ابوي كويس ؟؟ الدكتور قال لي اسع الحمدلله بقي كويس بس شكلو اتعرض لي صدمه كبيره خلت تجيو جلطه عاينت لي الدكتور جلطه كيف جلطه يادكتور وامي ماقدرت تستوعب الحصل اغمي عليها بقيت في حالا لا يعلم بيها الا الله امي اصحي اصحي سيد الامجاد ساعدني رفعناها ورشيت فيها المويه شويه شويه امي بدت تفتح عاينت لي قالت لي دا كلو بي سببك يارهف كلو بسببك نظرتها لي كاانت كفيله تقتلني مشينا للدكتور قال لينا ممكن تشوفو عادي دخلت لي ابوي لقيت مركبين ليو الاجهزا فتح عيونو امي مشت عليو مصطفي انت كويس ابوي بصعوبه حتي قدر يتكلم قال ليها كويس جيت انا قلت ليو ابوي عليك الله سامحني انا اسفه كل الحصل ليك دا بسببي انا موافقه العرس بس انت قوم سريع عشان نجهز للعرس وقعدت ابكي في حضنو ابوي خت يدو في راسي وهز لي راسو ماقدر يتكلم لانو لسانو بقي تقيل من اثر الصدمه دا الكلام القالو الدكتور طلعت برا لقينا سيد الامجاد واقف اطماءن علي صحت ابوي وقال ماشي امي مدت ليو والقروش حقت التوصيل قالت ليو الاتشيلها قال ليها عيب عليك يا امي رجعي القروش انتو حاليا محتاجين ليها. امي قالت ليو لا والله انا حلفت الا تشيلها وانت كتتر خييرك ماعارفه اجزيك كييف الله يديك قدر مايرضيك يارب بعد تحانيس من امي شال القروش ومشا قعدنا في المستشفا اسبوع كامل وابوي حالتو بدت تتصلح امي خلال الاسبوع دا خلت خالتي يحبسوني للعرس لانو قرب ومافضل ليو شي في البدايه رفضت بس ابوي اصرا علي كدا وعشان رضاو انا وافقت بقيت اليوم كلو عروكات ودخان ابوي طلع من المستشفي وبقي كويس. وبدا يجهز معانا للعرس انا قلت ماعاوزه العرس في الصاله بس ابو وليد رفض و ال الا نعملو في صلنا مشينا ورغد ولمياء نحجز الصاله ما اتكلمت معا وليد ولا استشرتو في حاجه بعد اخر كلام لي معاو 💔
كسره: مرات بننجبر ناخد قرارت خارج عن رغباتنا مرات بننجبر ننهي علاقه حب استمرت سنين بنهيها عشان نحنا الطرف الوحيد اامضرر فيها بننهيا عشان لقينا روحنا برانا متمسكين بيها كان صعب علينا بس مجبورين نتخذو وكذالك مرات بنتخذ قرارات عشان نسعد الناس الحوليا لانو عارفين لو اتبعنا قلبنا حنخسر ناس كتار كانو مالين حياتنا... القرارات الذي دي هي البتهد حيلنا والله 💔
