بعد ما ابووي جاني وقال لي اخذ قرارك اناا قعدت الليل كلو بفكر ما كان نفسي اتخلي عن واحده فيهم بس في النهايه كان لازم اقرر واختار واحده تقضي معااي بااقي حيااتها في النهايه اخترت ريم لانوو انا وعدتها بالزواج والراجل بمسكو من لسااانو وما انا الراجل البقعد يكذب علي بنات الناس ويخليهم يصدقو انو حيعرسهم وفي النهايه ما اعرس واحده فيهم غااايتووو كان قرار طلاق رهف دااا صعب علي شديد .اتصلت علي ريم ووريتهااا بانوو انا طلقت رهف فررحت شديد وقعدت تزغرد قلت ليها جهزي روحك حنجي نطلب يدك حامش اقنع ابووي طيب قالت لي تمام بنتظرك قفلت منها الخط ومشيت لي ابوووي وريتوو قراري ظاهر عليووو هو وامي زعلوو. بس ما حبووو يتكلمو معاااي قالو لي خلاص ياولدي حصل خيير بعديها سكت مسافه وقلت ليوو وتاني عندي كلام عاوز اقولو ليكم ابوي قال لي كلام شنووو ؟؟؟قلت ليوو انا عااوز اتقدم لي رييم الاسبووع الجااي اها انتوو قلتوو شنوو ابوي سكت وبقي يعااين لي امي بعديها عاين لي وقال لي البتشوفو ياولدي وقام علي حيلو وطلع امي قالت لي كدا مرتاح يااولدي ضيعت كنننز من يدك ماعاوزه الومك بس يلااا الحصل حصل وبتمني ما تندم علي انك اتخليت عن رهف وبرضو قامت ودخلت غرفتهااا
انا بعد طلعت من المدرسه لقيت مؤيد واقف لي برا المدرسه جا سلم علينااا وقال لينا اركبو اوصلكم عااوزه اركب بس سمعت في زول بنادي علي اتلفت اتجاه الصوت لقيتوو داا يوسف جا وسلم علي صحباتي وعلي مؤيد عرفتهم علي بعض واتونسوو شوويه بعديها مؤيد قال لي يلا بعد دا يارهف يوسف قال ليوو معليش يا الحبيب بس رهف انا عاوزها في موضوع انا عاينت لي يووسف وتاني رجعت عاينت لي مؤيد قلت ليوو طيب ممكن توصل رغد ولمياء لانو. انا حاامش معا يوسف وكلم امي انو انا قاعده معا يووسف مؤييد بقي يعاااين لي مسااافه شكلوو كان عاوز يقول لي كلااام بس في النهاايه قررر انووو يخليني ودعت رغد ولميااء ومشيت معااا يووسف قلت ليوو نحنا ماشين ويين قال لي اصبري وبتعرفي بقينا الطريق كلوو ساكتين وهو كل دقيقه يعااين لي وتاني يرجع يركز معاا الطريق لحدي ما في النهايه وصلنا مكان ظاهر عليوو هادي شديد وفيوو نجيله نزلنا وقعدنا جمب النجيله يوسف مشا طلب لينا شاي اتنين وجا قعد جمبي سكت مساافه حتي قال لي اخبارك شنوو قلت ليو تمام الحمدلله عاين لي. مسافه وقال لي رهف انا وقت اقول ليك اخبارك شنوو ما تقولي لي تمام لانك عاارفه وانااا عااارف انك ما كووويسه وما تماام دنقرت راسي وقلت ليوو لا انا كوويسه ماحبيت اعااين ليوو في عيوونو. لانو متاكدا انو حيكشفني بكذب عليووو قال لي رهف اناا ما اخوك بس وكماان صحبك يعني ممكن ماتخبي علي انا ممكن اكوون عاارف انتي حااسه. بشنوو وممكن اوصف ليك شعوورك اسع بس كل العاوزو انك انتي التشرحي لي احساسك شنو عااوزك تحكي لي كل الفي قلبك ماعاوزك تكتمي شي في نفسك فاهمه سكت مساافه قال لي رهف احكي انا سامعه وصدقيني لو ماعرفت اطلعك من حالتك دي حاقعد ابكي معااك 🥺انا عارف انك انتي بتحبي وليد واكيد متاثره شديد وماتغشي علي رووحك وتقولي انوو انتي ما متاثره (حرفياااا كداا يووسف دا اكترر زول بيفهمني في الدنيا دي انا متاكدا لو كان عندي اخو بالجد ما كان حيفهمني زي ماهو فهمني )قعدت ابكي وقلت ايووو اااي بحبوو كنت متوووقعه انووو حيرجع لي وما حيرضي يستغني عني بس لا هووو من اول فررصه استغني عني انااا حبيتووو بس هوو حب ريم انت عاارف ياايووسف انا اول ما قريت ورقت طلاقي زعلت شديييد وقلبي حسيت بيوو قاعد يتقطع يعني الزول البتكون خاتي فيوو كل امالك في النهاايه يخزلك انااا ماااقادره استحمل اكترر من كدااا ياايوسف اناا الحيااة دي ظلمتني بما فيوو الكفااايه قدر ما اقول اتاقلم معا الوضع الختتني فيوو القااها بتضرب فيني من جه تااانيه يوسف مسك يدي وقال لي واصلي بس انا مااعارفه حصل لي شنووو حضنتوو لاني باالجد كنت محتاااجه زوول ابكي في حضنووو اول ما حضنتووو حسيت بيوو زي حضن ابووي او زي حضن اخووي (انا وقت حضنت يوسف ماختييت فيها حااجه عشان هو بالنسبه لي زي اخووي وهو زاتو ماختا فيها حااجه )قعدت ابكي قلت ليوو يوووسف اناا مابستااهل كل دااا مابستااهل اطلق واناا لسه عمر العشرين ما وصلتووو ما ابستاهل اطلق بعد ما انا بقيت احب راجلي لييه كداا بس لييه وقعدت ابكي. وابكي بعد مساافه حسيت بروحي زحيت منووو وانا لسه ببكي يووسف مسح لي دمووعي وقاال اي رهف لا اله الا الله قلت ليوو محمد رسول الله قال لي رهف انتي عاارفه انوو انتي بالجد ما تستاهلي كل الحصل ليك بس هل تتوقعي انو ربك يختك في المواقف دي ساااي ؟؟رهف الدنياا دي ما الجنه عشان الناس دي كلها تكوون فيهاا مبسووطه وماف زول عاايش حيااتو كلها مبسوط علي قدر تحملك الله بديك المصائب وعلي فكرا دي كلها ما مصايب دي كلها امتحان من رب العالمين واعتبري المصائب دي زي الاساله الصعبه ياارهف. لو قدرتي تتجوازيها وتحليها صح حتنبسطي بالنتيجه صح ؟؟؟قلت ليوو اااي قال لي بس برضو مشاكل الحياه دي كدا لو قدرتي تتجاوزيها حتعيشي سعيدا وطلاقك من وليد داا اكييد كلوو لي خيير يا رهف انتي ممكن تشوفي مصيبه بس في لي قدام صدقيني حتعرفي انوو كلو حصل ليك عشان خير قلت ليوو ان شاء الله يكون لي خيير قال لي اصلا لي خير خليك متاكدا من كداا واسع بس عااوز منك تختي كل طاقتك في قرايتك عشان بعد دا امتحان الشهااده قررب شديذ ياررهف عليك الله ما تخلي المشاكل دي تاثر عليك. تمام ياارهف قلت ليوو طيب قال لي بتووعديني بانك تركزي في قرايتك وتنسي ولييد خاالص قلت ليوو. بوعدك بكدا. جابو لينا الشاي شربنا حتي بعديها يوسف رجعني البيت ودخل سلم عليهم وطلع طوالي انا دخلت غرفتي ومشيت اتوضيت وصليت ودعيت ربنا انوو يديني الطااقه الكاافيه عشان اقدر اواجه بيهاا المشكله دي عدت الايااام واناا بقييت بس مقضيااها قرايه يووسف جاب لي هدييه عشان قفلت المااده وقال لي كمان لو جبتي درجه كبيره في امتحان التجريبي حيكون عندك جائزه اكبر... سماح واميرا رحلوو جمبنا وبقوو يومي بجوونا ومعاهم مؤيد بنقعد نتونس شوويه ومرات مؤيد بشرح لي الكيميااء ولا الاحيااء. (حرفيااا هوو شرراح شديد ختا لي الكميااء والاحيااء في فتييل )كان طبيعي بيتصل علي من تلفون سماح ويسال عني ومرات بيتصل علي بالليل ويقعد يشررح لي بقي يووومي ماا بيخلي من مؤييد كان بجيبنا من المدرسه وبيوصلني برضو ابوووي كاان بحبوو شديد قال لي الولد داا محتررم شديد وكتر خيررو ما مقصر معاك يارهف قلت ليوو فعلاا والله ما قصر معااي
يلا حتكلم انااا (مؤيد)طبعا انا مؤيد اخو سماح زي ما انتو عاارفين اتخرجت وحاليا شغال في مستشفي دكتور جراحه ناس المستشفي مديني البيت والعربيه ودا غير انو كان في حاجات كتيرا جااني من المستشفي.. طبعااا انا حبييت رهف من اووول نظررره من اول يووم جاتنا في بيتنا انا حبيتهااا زعلت شديذ وقت عرفت انوو هي معررسه بس بررضو لسه كنت بحبها. واتاكدت من اني بحبها وقت رحلوو. مننا فقدها شديد وقلت لي سماح تتصل تشوفهاا مشوو ووين سماح طبيعي كان بتحذرني وبتقول لي ابتعد عنها لانو هي واحده متزوجه بعد تحانيس قدرت اعرف انو هي مشت بيت ناس امها طووالي باسرع فرصه مشيت فتشت لي بيت للايجار جمبهم والحمدلله لقيت كلمت ناس البيت بقرار الرحول نقو شوويه حتي في النهااايه اقتنعوو بقيت امش مدرستهاا قااصد وبقيت بنتظرا لحدي ما تطلع واحلي يووم كان بالنسبه لي وقت سماح جااتني في غرفتي وقالت لي انو وليد طلف رهف انااا في الحظه دي فرحت شدييد وبقييت بتقرررب من رهف شديذ وطبيعي بتصل عليهاااا وخليت سماااح تشكرني قدامهااا وكدااا نظام تعجب بي الاايام القضيتهم معاااها دي كاانت جمييله شديد بقيت كل يوم بعجب بيهاا اكتر وكل يووم اصراري اني اتزوجهاا الليله قبل بكرا بس سماح كانت بتقول لي ماتفتح ليها الموضوع اسع 💔
يلا امتحااان التجريبي قرررب شدييد واناا بقيت متووتره يوووسف كان بيتصل علي ويتاكد من اني قريت كوويس كنت زعلاانه لانوو. بقي مابيتصل علي كتيير ولو كلمتوو بقول لي مشغوول الفترره دي انااا بقييت فيهاا عصبيه شديد ومزااجي بتقلب من فتره لي التاانيه غاايتو امي وابووي ومؤيد استحملووني شدييد وبالعكس بقووو يدعموو فيني ويشجعوووني لحدي ما انتهيت من امتحاان التجريبي وبقييت في هم امتحاان الشهااده 😂
#كسره:
*ولعل الله يحدث بعد ذلك امرا* 💝🌸
#يتبع
